YEREMIA 9:13 - Alkitab Singog In Mongondow Masa In Tanaa

¹³ Ki Tuhan in notubag, “Tua in nobaḻí popisí in umat-Ku in diádon noindoimai kon totundú mita inta inogoi-Ku kon i monia. Mosia in diá motoindudui kon i-Nakó, bo doí dumudui kon parenta-Ku.

YEREMIA 9:13 Referans Kwoze

TAWARIKH 2 7:19

Táe aka iko bo rayatmu in ḻimimpat kon hukum mita bo parenta-Ku mita bo poḷat mosumba kon ilah mita ibanea,

YEREMIA 22:9

Bo intau in motubagbí kon bayongan intua in nobaḻí popisí in moiko ain nonoḻikudon kon dodandianmu takin-Ku, Allahmu, bo ain nosumba bo noibada kon ilah mita ibanea.”

EZRA 9:10

Táe tanaa, o Tuhan Allah, naonda in bayongan inta nobaḻí tatua, onu in motaau nami singogon? Kami in buidon nonaḷámai kon parenta-Mu mita,

AMSAL 28:4

Ki ine in diá dumudui kon hukum, yo dinumotá kon intau moraat; ki ine in dumudui kon hukum moḷawang kon intau moromú;

MAZMUR 119:53

Akuoi in sinumorúdon totok kon intau moraat, sin mosia in nonaḷámai kon hukum-Mu.

YEREMIA 5:19

Táe aka mosia in moḻibó mongo nongonu sin Akuoi in nopoaidbí intua komintan kon i monia yo pogumandon ei Yeremia kon ná doman mosia in nonaḷá kon i-Nakó kon butá monia tontaní sin mogundoi kon dewa mita in bangusa ibanea, yo natua doman mosia in mobaḻí ata in intau ango-angoi kon butá ibanea.”

YEREMIA 7:26

Táe diá in nokidongog andeka nonondudut. Tongábí nodugang in pamandot monimu bo moraa-raatdon nongkon mogoguyangmu.”

YEREMIA 13:10

Bangusa inta moraat tanaa totok in pamandot bo diá motoḷutui kon i-Nakó. Mosia in moibada bo mosumba kon ilah mita ibanea. Tuamai mosia in mobaḻí naonda bo bintoḷ nopoḷok inta diá in mangaḻenea tua.