YEREMIA 8:21 - Alkitab Singog In Mongondow Masa In Tanaa

²¹ Ginaku in norimumud popisí in bangusaku notakit moyoyiga; akuoi in nonogumatoi bo mogagawang.

YEREMIA 8:21 Referans Kwoze

YEREMIA 14:17

Ki Tuhan in nopotabá kon inakó nopotaau in robonoḷ in ginaku kon umat-Nea. Akuoi in mustibí moguman nanaa, “Biódon mako in akuoi mongombaḷ diá in gogainea, singgai doḷom tumomponggoḷuáanmai. Sin bangusaku in kinekeban modaḷom bo totokdon in mororiga.

NAHUM 2:10

Niniwe in norimumudon, moingongow bo noḷogat. Gina in noḻia-ḻiawdon sin moondok. Duḷud in moḻemédon bo mourot. Pogot in bayongan in intau nongobilaidon totok.

YOËL 2:6

Kon tungkuḷ in mosia nonubu, bayongan in intau nourot, bayongan in pogot nobilai nobilo.

YEREMIA 9:1

Totuu mopia aka uḷuku bo naonda bo parigí inta nopuḻing in tubig, bo mataku in pansurang inta umuran mopotampurang in tubig! Dá akuoi in mokopongombaḷdon singgai bo doḷom, mogamui kon intau mita tongobangusaku inta iḻimod in musung.

YEREMIA 4:19

Totuu morobonoḷ in dodobku, diádon mokoigon in akuoi in mobaba kon roriga. Diá mokotongod in akuoi in mopoonow in gina putúku in modoḷodok kon bonu in dodob, sin dinongogku in torompet in nosingog, bo kokow in parang kodongogandon mogintubagan.

LUKAS 19:41

Táe naonda in ki Yesus nodiugdon kon Yerusalem, nongombaḷ in Sia in nokoontongmai kon kotá tatua.

YEREMIA 17:16

Táe, o Tuhan, diábí kon dodai in onda in akuoi nondodak sinbá Iko mopoantug in bodito kon i monia. Akuoi in diábí doman nopoigum sinbá onagon in bodito in mosia. Kinotaauan-Mu intua, Tuhan. Kinotaauan-Mu onu in siningogku.

NEHEMIA 2:3

bo notubag, “Mobiagdon in ki Tuang modapot in mononoi! Naondabí in bobantung diá moajar in gina, aka kotá pinoḷobongan kon mogoguyang in bobantung tanaa in dongkadon goguraatnea mita bo ḷoḻingkop mita in bonawangnea ain doman nogoguyaat pinokak in tuḷú.”

YEREMIA 8:20

Umat in Israel in nokuani, “sempo in ponoḻisían bo sempo in poninggai tanaa in noitaḻibdon, táe kita in diápa doman nosaḷamat.”

YEREMIA 14:2

“Yohuda monakit in gina kotánea mita gogiódon bo matoi. Intaunea mita umuḻidon mako kon butá bo mogamui. Yerusalem momaḷú mokituḷung.

OMBAḶ 3:1

Akuoibí in intau inta ain nokonanam kon roriga, popisí in kinoantugan in torú i Allah.