Biblia Todo Logo
Bib sou entènèt

- Piblisite -




YEREMIA 8:19 - Alkitab Singog In Mongondow Masa In Tanaa

19 Indongogai! Kon sinangkub in butá kodongogan totok karak in ombaḷ in bangusaku inta moḻibó, “Diádon degá in ki Tuhan kon Sion? Kon onda in datunea in tanaa?” Tubag i Tuhan, datu monia, “Nongonu sin iko in tumungkudbí mosumba kon dewa mita inta beresibí diá in mangaḻenea? Nongonu sin pinonakitmubí in gina-Ku pinongin nosumba kon berhala mita?”

Gade chapit la Kopi




YEREMIA 8:19
35 Referans Kwoze  

Onda intua ki Nabi Yesaya minayá nokipodungkuḷ kon i Datu Hizkia bo noḻibó, “Nongkon onda in intau mita tatua? Onu in pinoguman monia?” Ki Hizkia in notubag, “Mosia in nongkon Babel, butá moyayú.”


Mosia in namangoi nongkon ḻipú mita inta noyayú kon popod mita in dunia. Kon bonu in torú-Nea ki Tuhan in nomaké kon i monia sin moyopú kon sinangkub in dunia.


“Paisdon kon malaekat in jamaat inta kon Epesus, nanaa: Naadon in koyow nongkon i-Nia inta ḻima-Nea koḷanan in nokadai kon tundi pitu bo minayá kon sigad in sioḷ pototuduan kon togá inta pinomia nongkon buḷawan tua.


“Táe kon Buḷud in Sion, oyúonbí in mosaḷamat, bo buḷud tatua in mobaḻíbí tampat inta tondíon kon i-Nakó. Dá buí i Yakub in buidon mokadai kon butá budel monia.


Táe ki ine in mokituḷung kon i Tuhan, in posaḷamatonbí. Ki Tuhan in noguman, “Kon Yerusalem intau mita inta piniḻí-Ku in mosaḷamatbí.”


Totuu, moiangoibí in wakutunea in moḷoḷukad mita kon kotá in momaḷú kon buḷud in Epraim, ‘Koḻigai in kita motakod kon Sion, kon i Tuhan Allah naton.’ ”


Tuhan, degá Yohuda in kinodoí-Mudon totok bo intau in Sion kinorongó-Mu? Nongonu sin totokdon in noropot in pinososambok-Mu kon inami nodapot in diádon mopia bui in kami? Diá bidon in mangaḻenea kami in motayak kon dodamean, diádon baragunanea kami in mogoḷat mako kon mopia, sin oyúon in dongka bidon aid inta motogat.


Pobangondon, ei Yerusalem, pobangondon! Korigon in ginamu! Paké in ḷambung kahoromatanmu! Ei Yerusalem, kotá inta motusi, intau nonajis in diá bidon tumuot mongin bonawangmu.


Bayongan in touḷut kon kapaḷ monia diá in mangaḻenea; ḻeagnea mita diá motaau songkaan! Bayongan in kaoyúonan in musung in agowon naton, bo mobayong totok, modapot in intau ḻempeng in mokouḻíbí doman kon tonsilai. Ki Tuhan tontaní in mobaḻí datu naton; Sia in momarenta, moposindog in hukum bo moposaḷamat kon i naton nongkon musung.


Ponggoḷokapdon ei intau mita in Sion, podondongdon takin sanang in gina. Ki Allah mokudus in israel totuu kon momulia, Sia in nogutun kon yua-yuak monimu.”


Moboditodon in moiko bangusa inta binaradosa, intau mita inta moromú bo moraat! Moiko nion in noitampuḻisi popisí in dosamu mita. Moiko in nondoídon kon i Tuhan bo nonoḻikudon kon i Allah Inta Totok in motusi inta musti sumbáan monimu.


Koḷungangadon in gina popisí in Momomaḻímu; koḷungangadon, ei intau inta nogutun kon Sion popisí in Datumu!


Ki Tuhan tua in Datu modapot in mononoi. Ei Sion, ki Allahmu nongawasa kinoouput in dunia naa. Dayowdon in ki Tuhan!


Dayowdon in ki Tuhan kon Sion, kon Yerusalem tampat pinogutunan-Nea. Dayowdon in ki Tuhan!


Mosia in porariton-Ku kon sigad in bangusa mita inta diá kinotaauan monia andeka in mogoguyang monia. Akuoi in umuranbí mopotabá in tontara inta monubu kon i monia modapot in Akuoi momutú kon i monia komintan.”


“Ei, nongonu sin moiko in mogaidbí kon nanaa? Kami naa in intaubí doman ná moiko! Kami in kon naa tongábí namangoi mopoyaput in Habar Mopia kon i monimu sinbá taḷaanmaidon monimu in soaḷ mita inta diá baraguna tanion bo mopirisayadon kon i Allah inta aindon nobiag nongkon kinopatoian-Nea, ki Allah inta nomia kon ḷangit bo butá, dagat bo bayongan inta kon bonunea.


Kon bonu in kawasa-Mu posarakanku in awakku; Iko in mopoḷuat kon inakó, o Tuhan, Allah inta mosatia.


Ki Tuhan in noguman, “Taḷá onu in nouḻí in mogoguyangmu kon i-Nakó, nodapot in mosia nomaḻidawan kon i-Nakó? Mosia in nomatuk kon berhala inta diá in mangaḻenea bo imbuitnea mosiadon tontaní in nohina.


Táe totuubí, deemanbí Akuoi in pinoyaat monia in gina, táe awakbí monia tontaní nodapot in mosia in nooyá.


Umat in Israel in nokuani, “sempo in ponoḻisían bo sempo in poninggai tanaa in noitaḻibdon, táe kita in diápa doman nosaḷamat.”


Berhala mita tatua diá koboḻi, patusbí in singkuḻeon bo poompáanmai. Aka moiangoi in wakutunea mosia in moyopúbí.


Nongonu sin Iko in naondabí bo intau inta notoboḻingo; naonda bo pahlawan inta diá mokotuḷung? Táe notantúbí kon Iko in naa kon yua-yuak nami, Tuhan! Kami in umat-Mu, dikabí taḷaan-Mu in kami!’ ”


Mosia in monompobaḻik kon i monimu dá moiko in dinia noyayú nongkon butámu. Akuoi in mopoguntunbí kon i monimu nongkon butámu bo moputú in moiko.


Pinangkoipamai kon kinobobiag monia, intau in Israel bo intau in Yohuda ain nogaid kon inta diá nokopia kon gina. Mosia in nopomuká in torú-Ku pinongin aid mita monia inta moraat.


Bayongan in dinding tatua kobanatnea in siow nopuḷú noribu nometer. Bo pinangkoi kon tanaa intau monangoi kon kotá tatua: “Ki Tuhan IN OYÚON IN KON TUA!”


Nongonu sin iko in mongombaḷbí totok in moropot? Nongonu sin iko in mororigabí naonda bo bobay inta mononggadí? Eta degá popisí in iko diádon in datu, bo mononongginamu aindon minatoi?


Aka tua bo mobaḻí, yo torú-Ku in moḷobendon kon i monia. Mosia in taḷaan-Kudon bo yopúon-Ku. Mobayong in bodito mokoondok in moiuma kon i monia, bo mosadardon in mosia kon tua mita in nobaḻí popisí in Akuoi, ki Allah monia diádon koyota-yotakin monia.


Kon bingkí in ongkag mita in Babel kami in iḻimitú bo mongombaḷ aka mokotorop kon Sion.


Sin ki Tuhan in nogogaidon in mohukum kon i monimu; Sia in nopoguntundon in bayongan musungmu. Moiko in iḷukadan i datu in Israel, ki Tuhanmu tontaní. Tanaa moiko in diá bidon paraḷu moondok bui.


“Ki Tuhan tontaní in monayow kon i monimu! Bo moiko in pogagowanbí in intau mita inta ki atamu mita tontaní. Aka tua bo mobaḻí, yo kotaauandon monimu kon ki Tuhan Inta Totok in mokawasa ain nopotabá kon inakó.”


Swiv nou:

Piblisite


Piblisite