YEREMIA 7:5 - Alkitab Singog In Mongondow Masa In Tanaa

⁵ Baḷuiaidon in kobobiagmu bo dodiamu. Pokoadildon kon tumpaḷa intau.

YEREMIA 7:5 Referans Kwoze

YEREMIA 22:3

“Pokoadildon bo pokojujur. Poḷuatdon nongkon kawasa in inta monondorot in intau inta dinorot. Dika mondorot andeka mopoaid in moraat kon intau ango-angoi, adí uno-unon, andeka boba-bobay. Dika moḻimod kon intau inta diá kotaḷá kon tampat tanaa.

YESAYA 1:19

Aka moiko moibog motoindudui kon i-Nakó, moiko in motarimabí kon bayongan inta mopia inta ogoi in butámu.

YEHEZKIEL 18:17

Diábí kon dodai in onda in sia in mogaid kon moraat andeka mopoḷuan takin rente. Sia in motoḷutui kon hukum-Ku mita bo dumudui kon parenta-Ku. Yo adí tatua in mobiagbí diábí matoi popisí in dosa mita i amánea.

YEHEZKIEL 18:8

Diábí kon dodai in onda in sia in mopoḷuan bo moigum kon rentenea. Sia in doíbí momia kon inta moraat bo pomuḷoi in oyúon rogenggeng toḻisíonneabí kopiaan.

YESAYA 16:3

Mosia in noguman kon bangusa in Yohuda, “Pogumandon mongo onu in musti aidan nami. Kobaḻídon pononiungan nami inta mooḷom kon tungkuḷ in singgai moutu, bo pomayádon mako in kami in moniung kon siungonmu. Kami naa in moḷoḷagui; bunipa in kami bo dika mopoyagi-yagimai kon inami.

HAKIM MITA 21:12

Dá kon sigad in intau mita inta nogutun kon Yabesh tatua, nouḻí monia in mongodeaga 400 in kobayongnea inta diápa nosiug takin ḷoḷaki. Dinia monia in mongodeaga mita tatua kon pinononḷoḷaigan monia kon Silo inta noiukat kon butá in Kanaan.

HAKIM MITA 5:1

Kon singgai tatua nododongdon in ki Debora bo ki Barak adí i Abinoam. Nanaa in kainia

IMAMAT 25:17

Dika monguboḷ kon tumpaḷa intau Israel, táe kotoguondokbí in moiko kon i Tuhan, Allahmu.

YEREMIA 22:15

Indongogaidon, ei Datu Yoyakim! Aka iko moposindog in komaḻig mopomaké in kayu ḷokuyú in Libanon inta totok in mopia, yo degá tua in nobaḻí tomponuot kon iko in mopia-pia nongkon bayongan in datu ibanea? Tungkuḷaika torop in ki amámu: Sia in nokonanamdon kon kobiagan motompia bo nokodapot kon bayongan in inta iḷongasinea, popisí in sia in umuran motuḻid bo mojujur bo monisig kon pelekara in intau bogá pongin aid moadil. Memang mustibí natua in aid in intau inta nonotaau kon i Tuhan.

YEREMIA 26:13

Tuamai in baḷuiaidon in kobobiagmu bo oaidmu mita; Duduiaidon in ki Tuhan Allahmu, sinbá pondamon-Neadon in niat-Nea mopobodito kon i monimu.

ZAKHARIA 7:7

Tuata in siningog i Tuhan pinongin nabi mita kon tungkuḷ intua kon dodai in Yerusalem inutunanpa bo intaunea in nobiagpa notomomon. Kon dodai intua intau in diábí tongá mogutun kon ḻipú mita kon diugmai in kotá táe nodapotbí in kon dotá in toḷatan bo kon obagaanmai in tombuḷud kon dotá in toyopan.

YEHEZKIEL 18:5

Aka oyúon in intau inta mopia, motuḻid bo mojujur.