YEREMIA 7:32 - Alkitab Singog In Mongondow Masa In Tanaa

³² Tuamai, moiangoibí in wakutunea tampat tatua in diá bidon tangoion Topet andeka Ḷopá in Hinom, táe Ḷopá Bidon Pororataan. Butá tatua in mobaḻí bidon butá poḷoḷobongan sin diádon in tampat ibanea.

YEREMIA 7:32 Referans Kwoze

YEREMIA 19:11

Akuoi in mustibí moguman kon i monia kon ki Tuhan Inta Totok in mokawasa noguman nanaa, “Bangusa bo kotá tanaa in rimumudon-Kubí dá mobaḻí naonda bo kendi inta norimumud tatua inta diá bidon motaau tompiaan bui. Intau in moḷobongbí kon mayat mita monia kon Topet, sin diádon in poḷobongan ibanea.

YEREMIA 19:6

Tuamai, moiangoibí in wakutunea in tampat tanaa diádon tangoion Topet andeka Ḷopá in Hinom, táe Ḷopá Bidon Pororataan.

DATU MITA 2 23:10

Topet, inta tampat pososumbaan kon dewa kon Ḷopá in Hinom, pinonajis. Takin natua diádon in intau inta motaau moposumba in adínea mobaḻí kuruban angagon kon i Dewa Molokh.

YEREMIA 19:13

Bayongan in baḷoi kon Yerusalem bo bayongan in baḷoi in datu mita in Yohuda in mobaḻíbí monajis naonda bo Topet; sin kon tudu in atop in baḷoi mita tatua ain sinubá in dupa sin posumba kon dewa mita in ḷangit, bo moposumba in anggur kon dewa mita ibanea.”

YEREMIA 7:31

Mezbah tobatú inta sinangoian Topet ain pinosindog monia kon Ḷopá in Hinom sin moposumba kon i adí mita monia nobaḻí kuruban payongon. Bokaka Akuoi in diábí kon dodai in onda in nopotabá kon i monia nogaid kon tua, nodapot in diábí kon dodai in onda in ná tatua in nomuká kon bonu in raian-Ku.

IMAMAT 26:30

Rimumudon-Kudon in tampat mita pososumbaanmu kon tudu in buḷud mita, mogumpag kon mezbahmu mita tampat pototubáan kon dupa, bo mopogambat in mayat mita monimu kon tudu in toḻindua mita in Tuhanmu inta ain noumpag tatua. Takin yaat in gina

YEREMIA 19:2

sin mayá moyotakin monia mayá in Ḷopá in Hinom mongin Bonawang Beling. Kon tua akuoi in musti mopotaau kon onu inta pinongoyow-Nea kon inakó.

YEREMIA 31:40

Sinangkub in ḷopá tatua, inta pinaké saḷaku poḷoḷobongan bo tampat poḷoḷumbúan kon apat, bo bayongan in gobá tudunea kon bingkí in Ongkag in Kidron modapot kon Bonawang in Kabaḷo mopobayá ná pomukaan, in pinotondídon kon i-Nakó. Kotá in Yerusalem in diábí rumbunon bui andeka rimumudon.”

YEHEZKIEL 6:4

Mezbahnea mita in umpagonbí bo pototubáan mita kon kamania in ḷotakon. Bayongan in intau kon tua in ḻimodon kon tayowon in berhalanea.