YEREMIA 7:22 - Alkitab Singog In Mongondow Masa In Tanaa

²² Kon tungkuḷ in Akuoi nodia kon mogoguyangmu iḻumuai nongkon Mesir, Akuoi in diábí nobogoi in atorang kon i monia soaḷ kuruban payongon andeka kuruban mita ibanea.

YEREMIA 7:22 Referans Kwoze

HOSEA 6:6

Ibogon-Ku totok in moiko totokdon in monotaau kon i-Nakó bo umuran motabi kon i-Nakó, dika in motubá in moiko bo moposumba in kuruban kon i-Nakó.

SAMUEL 1 15:22

Táe ki Samuel in noguman, “Onda degá in koibog i Tuhan, kotoindudui andeka kuruban sosumba? Kotoinduduibí kon i Tuhan in mopia-pia nongkon moposumba in kuruban. Dumuduibí kon parenta-Nea in mopia-pia nongkon ḷongó in domba.

MATIUS 9:13

Manangka intua, bayádon bo balajarpa bui mangaḻe in Pirman tanaa, ‘Koibog-Ku in totabianbí, deemanbí onu inta ogoi monimu’. Sin Akuoi namangoi deemanbí mogoiní kon intau noitutui, táe intaubí baradosa.”

MAZMUR 40:6

Tuhan, totuu mobayong in inaidan-Mu kon inami, o Tuhan Allahku, diábí in motaau popotongkaian kon ini-Mu! Nobayongbí in tomayá-Mu inta mokoherang kon inami, diábí kooumanan komintan.

MARKUS 12:33

Bo intau in mustibí totu-totuu motabi kon i Allah kon bonu in ginanea, bo kon bonu in raiannea bo ropotnea. Bo mustibí doman in sia motabi kon tumpaḷa intau ná kototabinea kon awaknea tontaní. Tuabí in mopia-pia nongkon mobogoi in sosumba inta kuruban tubáan bo kuruban mita ibanea kon i Allah.”

ULANGAN 17:3

bo parenta-Nea takin nosumba bo nogundoi kon ilah mita ibanea ande kon mata in singgai, buḷan ande tundi mita,

YEREMIA 32:30

Pinangkoipamai kon kinobobiag monia, intau in Israel bo intau in Yohuda ain nogaid kon inta diá nokopia kon gina. Mosia in nopomuká in torú-Ku pinongin aid mita monia inta moraat.