YEREMIA 6:25 - Alkitab Singog In Mongondow Masa In Tanaa

²⁵ Mosia in diá mokobaḻí in moponag kon daḷan andeka mayá in gobá, sin kon bayongan in tampat musung mita in modia kon pakakat in parang sin mongindoyó.

YEREMIA 6:25 Referans Kwoze

YEREMIA 49:29

Agowdon in bobiagon domba, unta, takin ḷoḷaigan monia bo bayongan in tombonunea, bo pomaḷúdon kon i monia, ‘Indoyó moiangoidon kon i monimu komintan!’

YEREMIA 20:10

Kodongogan in intau moyogombong kon bayongan in tampat, “Ondok in mongawasa! Igai pongaduon in sia kon i inta nongawasa!” Nodapotbí in bayongan in topotakinku modagin mogoḷat mako kon koḷabúanku. Guman monia, “Degá pongin dondouḷug, kotaḷowan in sia, sinbá motaaudon in kita motuḻí kon yaat in gina kon inia.”

YEREMIA 14:18

Aka akuoi mayá in rawang, ontongonku in mayat mita inta minatoi in parang. Kon bonu in kotá ontongonku in roriga, intau mita gogiódon matoi in gogoy. Nabi bo imang mopobayá in oaidan takin diá komangaḻean monia onu in inaidan.”

MAZMUR 31:13

Akuoi in iḻiongdon naonda bo intau minatoi, bo nádon onda bo pakakat inta iḷumbú.

AYUB 18:11

Intau moraat sinaḻikokogan in inta mokokoningkim nongkon bayongan tampat; Ondok dinumudui kon inia kon pomuḷoi in ḷampang.

LUKAS 19:43

Sin moiangoibí in wakutunea saturumu mamangoi moḻipung kon inimu takin ropot monia. Kopungon bo sisíon monia in moiko nongkon bayongan tampat.

YEREMIA 8:14

“Nongonu sin kita in diábí nogaid kon onu bo onu?” guman in umat i Allah. “Igai in kita moyotakin moḷagui mayá in kotá mita inta dininding, umpaka in kita matoi kon tua. Ki Tuhan Allah naton ain nonantú kon kita in mustibí moputú. Sia in nobogoidon kon i naton rasum sin inumon sin kita in binaradosa kon i-Nia.

YEREMIA 4:10

Bo akuoi in noguman, “Tuhan Inta Totok in moḷantud, Iko in nonguboḷdon kon intau in Yohuda bo intau in Yerusalem! Iko in noguman kon moiangoi in dodamean, bokaka tanaa in kobiagan nami in inindoyódon in pitow.”

YEREMIA 4:5

Irupdon in torompet kon sinangkub in butá! Pomaḷúdon kosilang bo koḷangon. Potabádon in intau in Yohuda bo Yerusalem moḷagui mayá in kotá mita inta dininding.

YESAYA 1:20

Táe aka moiko moḷawang kon i-Nakó, moiko in matoibí kon poparangan. Akuoi, ki Tuhan, ain nosingog.”

TAWARIKH 2 15:5

Kon tungkuḷ intua intau diábí motaau in mayá takin pia-pia mako sin kon bayongan in butá oyúon in ropatoi moḷoben.

YEREMIA 30:5

“Akuoi in nokodongogdon karak in intau inta nourot, karak in intau moondok inta diá in dodamean.

YEREMIA 46:5

Táe Akuoi, ki Tuhan, nokoontong kon i monia inumundok sin moondok. Tontara mita monia in sinaḷow, bo noḷagui takin ondok bo diá bidon nobobui ná tumi.

OMBAḶ 2:22

Inoiní-Mu in musung mita inta kinoondok nami sin momia kon rame aid moḻingá kon ḻibumai nami. Mosia in noḻimod kon bayongan inta biniag bo inta kinotabi nami. Kon singgai in torú-Mu, diábí tobatúmai in intau in mokoḷagui.

YEREMIA 8:15

Diá in mangaḻenea in kita mogoḷat mako kon dodamean bo wakutu ponompiaan, sin inta oyúon in tongábí aid inta motogat.

YEREMIA 49:5

Moiko in kotugatanbí in aid moḻingá inta popoangoi-Ku nongkon bayongan in intau. Moḷaguibí in moiko, kon batúannea in moposaḷamatbí in kobiagannea tontaní, bo diá bidon in mosipun bui kon i monimu.

YEHEZKIEL 7:18

Mosia in mopomaké in kaeng karong bo bayongan in awaknea in gumugurbí. Uḷu monia in ḷogatanbí bo mosia in pokopooyáanbímai.

YEHEZKIEL 21:17

Akuoi in monggoḷakapbí doman, bo moinggamádon in torú-Ku. Akuoi, ki Tuhan ain nosingog.”