YEREMIA 5:11 - Alkitab Singog In Mongondow Masa In Tanaa

¹¹ Umat in Israel bo Yohuda in totu-totuudon ain nomaḻidawan kon i-Nakó. Akuoi, ki Tuhan, ain nosingog.”

YEREMIA 5:11 Referans Kwoze

YEREMIA 3:20

Táe notongkai in buḷoi bobay inta diá mosatia, iko in diá doman nosatia kon i-Nakó. Akuoi, ki Tuhan, ain nosingog.”

YESAYA 48:8

Kinotaauan-Ku kon iko in diábí motaau pirisayaan, nongkon dungkuḷpabímai kinotaauandon in iko kon moraat. Tuamai in diá kinotaauan, diá tobatúmai in tosingogon in modapot kon bongoḷanmu.

HOSEA 6:7

Táe naonda bo kon Adam, moiko in nonaḷámai kon dodandianmu takin-Ku.

HOSEA 5:7

Mosia in diá motoindudui kon i Tuhan; ki adí mita monia in deemanbí ki adínea. Tuamai, diádon moonggot in mosia bo yopúon poyotakinon in gobá mita monia.

YESAYA 24:16

Nongkon popod in dunia kodongogandon in dondong dodayow kon Israel, bangusa inta motoindudui. Táe moboditodon in akuoi! Moajar in ginaku! Momomaḻidawan tantúpabí momaḻidawan, modapot in modugangdon in toḻidawan monia.

YEREMIA 5:10

Akuoi in mopotabábí kon musung sin momoguyaat kon gobá in anggur monia, táe deemanbí makusud moyopú. Akuoi in mopotabábí kon musung tatua momongkó kon tanga mita in pangkoi mita in anggur monia, sin tanganea mita tatua in deemanbí Akuoi in kitogi.

YEREMIA 9:2

Aka kuma bo kon padang gurun bo kouḻíanku kon tampat pogogaian in intau inta kon binayáan! Dá taḷaankubí in bangusaku, bo moḷagui mayá intua sin yumayú kon i monia. Mosia in momomaḻidaw komintan pinosipunan in intau inta diá mosatia,

YEREMIA 12:1

“Aka diaanku in pelekaraku kon tayowon-Mu, o Tuhan, yo notantú bidon kon moniatabí kon Ikobí in noitutui. Táe moibogbí doman in akuoi in moḻibó kon inta moadil kon ini-Mu: Nongonu sin intau moraat in mobiagbí mooyúon? Nongonu sin intaubí inta diá motuḻid in mokodapot kon inta koibog monia?