YEREMIA 48:36 - Alkitab Singog In Mongondow Masa In Tanaa

³⁶ Komintan kaoyúonan Kir-Heres bo sinangkub in Moab noinggamádon. Morobonoḷ in gina-Ku in mokoontong kon kaadaan monia, Akuoi in nádon onda bo intau inta nogirup kon dondong popatoi kon bansí.

YEREMIA 48:36 Referans Kwoze

YESAYA 15:7

Intau mita in ḷumoḷan kon tapá in Haarabim bo moḷongasi moposaḷamat kon bayongan in kapunyaan monia.

YESAYA 16:11

Ginaku in kinumarak bo nogoguyaat in nokoontong kon kaadaan in Moab bo Kir-Heres.

YESAYA 15:5

Akuoi in motabi kon Moab! Intaunea in noḷagui minayá in kotá in Zoar bo kon Eglat-Selisia. Oyúon in notakod kon daḷan nopobayá ná Luhit sindaḷan nongombaḷ; oyúon in noḷagui minayá in Horonaim sindaḷan kumarak sin kinoantugan in bodito.

YEREMIA 17:11

Naonda bo ḷagapan nogoob kon natu inta deeman natunea, natuata in intau inta diá mojujur mokouḻí kon kapunyaan. Kon umur moḻin gurangdon sia in kobuḻian in bayongan in kapunyaannea. Kon imbuit in kobiagannea moniata sia in intau inta bodok totok.

YEREMIA 4:19

Totuu morobonoḷ in dodobku, diádon mokoigon in akuoi in mobaba kon roriga. Diá mokotongod in akuoi in mopoonow in gina putúku in modoḷodok kon bonu in dodob, sin dinongogku in torompet in nosingog, bo kokow in parang kodongogandon mogintubagan.

YESAYA 63:15

O Tuhan, indoiaidon nongkon soroga, nongkon tampat-Mu inta motusi bo momulia. Kon onda in tabi bo kotorindog-Mu? Kon onda degá in gina-Mu inta kinoaputan in totabi-Mu? Dikadon tahangon-Mu in gina-Mu kon inami.

AMSAL 18:11

Táe intau nooyúon mosangka kon kaoyúonanneabí in moḷukad kon inia naonda bo dinding moḷantud bo moropot kon ḻibu in kotá.

AMSAL 13:22

Intau mopia in mopoabatbí in kaoyúonannea kon i adí bo ompunea; kaoyúonan in intau binaradosa in sinagú kon intau inta motuḻid in kobiagannea.

AMSAL 11:4

Aka tumayowdon kon popatoi, yo kapunyaan in diá bidon in mangaḻenea; mosaḷamatbí in iko aka motuḻid in ginamu.

DATU MITA 2 3:25

bo nomoguyaat kon kotá monia. Bayongan in gobá inta mopia inta kotaḻiban monia, anduron monia in batu. Imbuitnea bayongan in gobá kinobumbunandon in batu. Intau mita in Israel in nomumbun domandon kon bayongan bokaká bo nomupuḷ kon bayongan pangkoi in ayop. Inta kinotaḷáan in dongkadon kotá in Kir-Hareset, ibukotá in Moab. Imbuitnea kotá tatua iḻibutan bo inandur in batu in intau mita inta momaké in popakot.

YEREMIA 48:31

Tuamai Akuoi in mongombaḷ totok sin moiko komintan bo popisí in intau mita kon Kir-Heres, ki iná in kotámu.