YEREMIA 48:1 - Alkitab Singog In Mongondow Masa In Tanaa

¹ Naa inta pinoguman i Tuhan Inta Totok in mokawasa, Allah in Israel soaḷ Moab, “Moboditodon intau in kotá in Nebo, kotánea in noumpagdon! Kiryataim inagow, bo dindingnea inta morigon in irimumud, dá intau inta nogutun kon tua nooyádon;

YEREMIA 48:1 Referans Kwoze

PINOGIAPAN 32:3

“Butá in kotá mita in Atarot, Dibon, Yaezer, Nimra, Hesybon, Eleale, Sebam, Nebo bo Beon inta ain iḻitúan in Israel takin totuḷung i Tuhan, totuu mopia ponombobiagan. Bo popisí in bobiagon nami modamaḷ totok,

YEREMIA 27:3

Sia in nopotabá doman kon inakó nopotaau in koyow-Nea kon i datu mita in Edom, Moab, Amon, Tirus bo Sidon, takin pinotonsigad kon totabá mita monia inta ain namangoi in Yerusalem sin mokipodungkuḷ kon i Datu Zedekia.

YESAYA 27:3

Akuoi, ki Tuhan, moḷoḷukad-Nea; pomuḷoi mako butakanku intua, singgai doḷom ḷukadanku intua, sinbá diá in monuyayow kon inia.

YESAYA 25:10

Ki Tuhan in moḷukadbí kon Buḷud in Sion, táe Moab in ritakanbí naonda bo wawa kon yoyatan.

TAWARIKH 2 20:10

Tanaaya bangusa in Amon, Moab bo Edom monubu kon inami. Kon tungkuḷ in mogoguyang nami namangoi nongkon Mesir, diábí inogoi-Mu in mosia in mogutun kon butá in bangusa mita tatua. Dá mogoguyang nami nogamá kon daḷan iḻimibu bo diábí nomoguyaat kon bangusa in Amon, Moab bo Edom tatua.

PINOGIAPAN 24:17

Inontongku in sia, táe deemanbí tanaa mako; binobuiku in sia, táe nongkon noyayú. Datu tobatú nongkon Israel in sia, mamangoi naonda bo tundi inta motarang. Itoi mita in Moab in toko ropúonku bangusa i Set in rimumudonnea.

KINOBAḺIAN 19:37

Adí guya-guyang nopononggadí in adí ḷoḷaki inta sinangoiannea ki Moab. Sia in nobaḻí mogoguyang intau in Moab inta masai naa.

YOSUA 13:19

Kiryataim, Sibma, Zeret-Hasahar inta noiukat kon tudu in buḷud kon ḷopá tatua,

KINOBAḺIAN 14:5

Kon bonu in taong impuḷú boopat, ki Kedorlaomer bo topotakinnea mita namangoi takin tontara monia bo nonaḷow kon intau in Repaim kon Asyterot-Karnaim, intau in Zuzim kon Ham, intau in Emim kon Syawe-Kiryataim,

YESAYA 25:12

Benteng mita in Moab takin dindingnea mita inta moḷantud in umpagon-Neabí bo pogambat-Nea kon butá modapot in morimumud ná ḷobud.