YEREMIA 46:3 - Alkitab Singog In Mongondow Masa In Tanaa

^3-4 “Porwira mita in Mesir mopobaḷú kon tontaranea mosadia, ‘Ruitai in pandong! Pogiḷambungdon in ḷambung uatoi bo sapoyo uwaja! Sadia in kaḻeaw bo tuotdon kon bonu in pipidan! Moiko, tontara tumotakoi kon kabaḷo, popoḷutudon in sabarak! Takoiaidon in kabaḷomu, bo bayá poparang!’

YEREMIA 46:3 Referans Kwoze

YESAYA 21:5

Inontongku doman in pinongaanan bobutungan inta ain sinadia; ḷoḻitúan in intau mita inta sinoko oiní ain sinadia. Mosia in nongaan bo nonginum. Bo daḻídon kinodongogan in parenta: “Ei porwira mita! Sadia in kaḻeawmu!”

NAHUM 3:14

Ponangkobdon kon tubig mobaḻí tongkaaḷmu kon dodai in iko kopungon, bo irigonaidon in bentengmu mita! Ritakaidon in yoná sin aidan tela, bo sadiadon in dodoyonannea!

NAHUM 2:1

Ei Niniwe, Indongogaidon! Inta momoguyaat kon inimu noiangoidon! Ḷukadaidon in benteng mita poḷoḷukadan! Umuran tarap mako in daḷan! Posadiadon moparang. (

YOËL 3:9

Potaaudon in naa kon bangusa mita: Posadiadon sin moparang bo poridomok! Pokisindogaidon in intau mita mongobarani bo moḷoḷaki; sipundon in bayongan in tontara, bo bayádon!

YEREMIA 46:14

“Yeremia, potaaudon in habar tanaa kon kotá mita in Mesir, inta kon Mempis, Migdol bo Tahpanhes, ‘Posadiadon moḷukad kon awak sin bayongan inta oyúon kon i monimu in modaitbí mogoguraat kon bonu in parang!