YEREMIA 44:22 - Alkitab Singog In Mongondow Masa In Tanaa

^22-23 Ki Tuhan in diádon mokoigon in mokoontong mako kon i monimu moposumba in kuruban kon ilah mita ibanea. Aidmu tua in moraat bo mokooyá. Moiko in binaradosadon kon i Tuhan bo diá motoindudui kon parenta-Nea mita. Tuamai tanaa doman mako butámu ain norimumud dá diádon motaau pogutunan, bo tangoinea in pinakédon nobaḻí kutukan. Intau inta mokoontong in mokoningkimbí.”

YEREMIA 44:22 Referans Kwoze

YEREMIA 25:18

Yerusalem bo bayongan in kotá in Yohuda, takin datu mita bo pojabatnea mita, pinoki inumanku in anggur tatua, nodapot in mosia nobaḻí naonda bo rawang inta noḷogat bo mokokoningkim. Dapot kon singgai in naa tangoi monia in pinaké nobaḻí kutukan.

MALEAKHI 2:17

Binaḻí monimu in ki Allah mobú in mokodongog kon oumanmu. Táe moiko in moḻibó, “Yo naondabí in pinopobú nami in ki Tuhan?” Takin tosingogon, “Bayongan in intau inta nogaid kon inta moraat in inanggap mopia i Tuhan, bo kinoibog-Nea in mosia.” Andeka moḻibó, “Kon onda in ki Allah inta inanggap moadil tatua?”

YEREMIA 44:12

Bo aka intau in Yohuda inta ki agatnea oyúon in tantú moibog mayá in Mesir sin mogutun kon tua, yo moyopúbí komintan in mosia. Mosia komintan, moḷoben mointok, in matoibí kon Mesir kon bonu in parang andeka popisí in gogoy. Intau in mokoningkimbí in mokoontong kon i monia bo moningkuḻe kon i monia. Tangoi monia in pakéonbí saḷaku kutukan.

YEREMIA 25:38

Naonda bo singa iḻumuai nongkon bubúnea, natuata in ki Tuhan iḻumuai sin mohukum kon umat-Nea. Koḻingáan in parang bo torú i Tuhan in nomaḷuidon kon butá tanaa nobaḻí padang gurun.

YEREMIA 25:11

Sinangkub in butá tanaa in pomayá-Kubí mako in morimumud bo mobaḻí moingongow. Bangusa mita kon diugneamai in mobantungbí kon i datu in Babel pitu nopuḷú notaong in koonggotnea.

YEREMIA 18:16

Butá tanaa in binaḻídon monia tampat inta mokokoningkim, bo modapot in mononoi in singkuḻeon. Bayongan intau inta moitaḻib in momombiḻing sin mokoningkim.

YESAYA 43:24

Iko in diábí notaḷui kon dupa mobondu ogoi kon i-Nakó, diá nopoguḻí kon i-Nakó in ḷongó in kuruban inta iratámu. Táe noyoḻiudon, iko in nokibabadon kon i-Nakó in dosamu mita, nopororigamai kon i-Nakó takin taḷámu mita.

YESAYA 7:13

Bo ki Nabi Yesaya in noguman, “Aka natua, indongogai uḻe buí i Datu Daud! Diápa tugat in moiko in monungkuḷ kon kososabar in intau, modapot in moiko in monungkuḷ doman kon kososabar i Allahku?

SURAT I PAULUS KON JAMAAT RUM 9:22

Ná doman tuata in pinomia i Allah. Sia moibog mopoyaput in torú-Nea bo mopoontong in kawasa-Nea. Táe Sia in mosabar in mokoontong kon i monia inta musti hukumon sin ain nogaid kon onu inta mokosakí kon gina-Nea.

AMOS 2:13

Tanaa doroton-Ku in moiko modapot in butá, dá kumarak in moiko naonda bo kereta inta nopuḻing in gandum.

DANIEL 9:12

Iko in nogaid noitombutung ná inta ain pinodandi-Mu kon inami bo kon mongongawasa nami. Yerusalem ain ihukum-Mu noiḻiu kon kotá ondaka in kon dunia naa.

YEHEZKIEL 5:13

Korasaanmubí in koḷoḷoben in torú bo pomomatoi-Ku modapot in moorop in Akuoi. Naonda intua mita mobaḻí, moyakin bidon in iko kon Akuoi, ki Tuhan, ain noguman kon inimu popisí in torú-Ku kon aidmu inta diá motoindudui.

YEREMIA 44:6

Tuamai in pinopobutak-Kudon in torú bo rogi-Ku kon kotá mita in Yohuda bo kon daḷan mita kon Yerusalem. Nodait-Ku sinurub nodapot in dongkadon apugnea bo noḷogat naonda inta inontong monimu tanaa mako.

YEREMIA 44:2

Naa in koyow i Tuhan Inta Totok in mokawasa, Allah in Israel, kon i monia, “Moiko tontaní ain nokoontong kon bodito inta pinopouma-Ku kon Yerusalem bo bayongan in kotá ibanea kon Yohuda. Nodapot in tanaa mako kotá mita tatua in umuranpabí norimumud bo diá in nogutun.

YEREMIA 29:19

Tua komintan in nobaḻí kon i monia, popisí in mosia in diábí dinumudui kon koyow-Ku inta umuran potaau-ku kon i monia pinongin nabi mita mogogundoi-Ku mita. Mosia in doíbí moindoimai kon koyow-Ku tua.

YEREMIA 26:6

Aka moiko tantú momangkang, baḷoi pooibadaan tanaa in aidan-Ku naonda bo Silo, dá bayongan in bangusa kon dunia mopomaké in tangoi in kotá in Yerusalem naa saḷaku kutukan.”

YEREMIA 24:9

Akuoi in mopoboditobí kon i monia námai tua modapot in bayongan in bangusa kon sinangkub in dunia mobaḻídon moondok. Kon ondakabí in pobogoian-Ku kon i monia, mosia in singkuḻeonbí, binaḻí kokosingan bo rebegonmai. Tangoi monia in pakéon mobaḻí kutukan.

YEREMIA 15:6

Moiko in nondoídon bo nonaḷámai kon i-Nakó, tuamai in tonggóon-Ku in ḻima-Ku sin porimumud kon i monimu, sin mobúdon in Akuoi in momondam kon torú-Ku.

YESAYA 1:24

Tuamai in ki Tuhan Inta Totok in Mokawasa, ki Allah in Israel in noguman: “Ei, musung-Ku mita, Akuoi in motuḻíbí kon yaat in gina-Ku kon i monimu, modapot in moiko diádon mokoposusamai kon i-Nakó bui.

KINOBAḺIAN 19:13

sin kotá tanaa in pagongondon nami. Ki Tuhan ain nokodongog kon onu mita inta pinonapud kon intau mita inta nogutun kon naa, bo kami ain pinotabá-Nea mangoi sin moyompat kon kotá in Sodom.”

KINOBAḺIAN 6:3

Dá ki Tuhan in noguman, “Diábí ogoi-Ku in intau mobiag mononoi; mosia tua in mahaḷukbí ilo-ilow, inta musti matoi. Nongkon tanaa mako umur monia in diá bidon moiḻiu kon mogatut bodoyowá nopuḷú notaong.”

YEREMIA 4:4

Kadaiai in dandimu kon i-Nakó, Tuhanmu, bo awakmu in tongádon ogoi kon i-Nakó, ei intau mita in Yohuda bo Yerusalem. Aka diá, yo torú-Ku in tumagabdon bo momokak naonda bo tuḷú inta diábí kopiongan i inekabí. Tua komintan in moiumabí kon inimu popisí in aidmu mita inta moraat.”

YEREMIA 29:18

Mosia in aḷo-aḷowan-Kubí mako in parang, gogoy, bo yampoi in takit modapot in bayongan in bangusa kon sinangkub in dunia in mokoningkimbí in mokoontong kon kaadaan monia. Kon ondakabí in poporaritan-Ku kon i monia, intau in mokoningkimbí bo moondok in mokoontong kon onu inta nobaḻí kon i monia. Mosia in singkuḻeonbí, bo tangoi monia in pakéon mobaḻí kutukan.

YEREMIA 30:14

Bayongan in intau inta kinoibogmu nokoḻiongdon kon inimu; mosia in doí bidon morai kon inimu. Naonda bo musung Akuoi ain nonubu bo nohukum kon i monimu kinoḻingá, popisí in nobayongdon in dosamu bo moḷoben in taḷámu.

YEREMIA 34:22

Parentaan-Kubí in mosia sinbá mobuidon mangoi kon kotá tanaa, poḷat monubu, mogagow, bo monurub. Kotá mita in Yohuda in baḻíon-Ku naonda bo padang gurun inta diá inutunan in intau. Akuoi, ki Tuhan, ain nosingog.”

YEREMIA 42:18

Ná doman in Akuoi, ki Tuhan Allah in Israel nopobutak in torú bo rogi-Ku kon intau inta nogutun kon Yerusalem, yo natua doman in Akuoi mopobutak in rogi-Ku kon i monimu inta mayá in Mesir. Intau in mokoningkimbí in mokoontong kon i monimu; singkuḻeonbí in moiko, bo tangoimu in pakéonbí saḷaku kutukan. Moiko in diá bidon mokoontong bui kon butámu tontaní.”

YEREMIA 48:9

Posindogdon in batu nisan kon i Moab, sin diádon moonggot bo butá tatua in yompatondon komintan. Kotánea mita in moumpagdon bo diádon tobatúmai in intau in mogutun kon tua.”

YEHEZKIEL 39:23

Bo bayongan in intau in monotaaudon kon intau in Israel in pinotabá minayá in pinoḷumbúan popisí in dosa monia kon i-Nakó. Mosia in sinaḷáan-Kudon bo pinomayá-Kudon mako in sinaḷow in musung bo iḻimod kon pinoparangan.

DATU MITA 2 17:15

Israel bo Yohuda in doíbí dumudui kon parenta mita i Tuhan bo diá mosatia kon dodandian inta ain pinomia-Nea takin mogoguyang monia. Diábí in pandungonmai monia in toboḷow mita táe tongábí mosumba kon berhala mita inta diá in mangaḻenea. Dá mosiadon tontaní in nobaḻí diá in mangaḻenea. Dinumudui in mosia kon oaid in bangusa mita kon diugmai monia, umpaka ain inimaḷowan i Tuhan.

YEREMIA 5:9

Degá diá patus in Akuoi in mohukum kon bangusa inta natua bo motuḻí kon onu inta ain pinomia monia?

DANIEL 9:11

Bayongan in Israel ain iḻimimpat kon hukum-Mu mita bo doí mokidongog kon singog-Mu. Kami in binaradosa kon ini-Mu, bo tuamai pinouma-Mu kon inami in kutuk inta ain pinais kon bonu in Buk i Musa, mogogundoi-Mu.