YEREMIA 44:11 - Alkitab Singog In Mongondow Masa In Tanaa

¹¹ Tuamai, Akuoi, ki Tuhan Inta Totok in mokawasa, Allah in Israel, moḷawangbí kon i monimu bo morimumud kon sinangkub in Yohuda.

YEREMIA 44:11 Referans Kwoze

YEREMIA 21:10

Akuoi in nonantúdon kon morimumud kon kotá tanaa, bo diábí motabi kon inia. Kotá tanaa in ogoibí kon i datu in Babel; turubonneabí modapot in mopayong komintan. Akuoi, ki Tuhan, ain nosingog.”

AMOS 9:4

Aka mosia dakopon in musung, yo pokiḻimod-Kubí in mosia. Niaton-Kubí yompaton in mosia, bo diábí in motuḷung kon i monia.”

MAZMUR 34:16

Ki Tuhan in monaridi mako kon intau inta motoḷutui, Sia in mokidongog aka mosia mokuani mokituḷung.

IMAMAT 26:17

Hukumon-Ku in moiko, modapot in moiko taḷowondon in musungmu mita moiko kawasaandon in intau mita inta mosaturu kon i monimu. Agían totok in ondok moiko dapot in moḷagui moiko, umpaka diá in mogaḷow.

IMAMAT 17:10

Aka intau Israel ande intau ango-angoi inta nogutundon notantú kon sigad intau Israel nokaan kon dugú, yo sia hukumon i Tuhan bo diádon poyoiapon anggota in umat i Allah.

YEHEZKIEL 15:7

Hukumon-Kubí in mosia. Umpakabí noiḷaguidon in mosia kon tuḷú, táe tuḷúbí doman in momutú kon i monia. Dá kotaauandon monimu kon Akuoibí in ki Tuhan.

YEREMIA 44:26

Táe tanaa indongogai onu in poguman-Ku kon inimu, ei intau in Israel kon Mesir: Akuoi ki Tuhan, in mongibot podoyon kon tangoi-Ku inta momulia kon moiko in diá bidon ogoi-Ku mopomaké in tangoi-Ku aka momia kon dandi. Moiko in diá bidon motaau in moguman, Akuoi in mongibot podoyon kon tangoi i Allah inta nobiag!