YEREMIA 43:4 - Alkitab Singog In Mongondow Masa In Tanaa

⁴ Pinomayá ki Yohanan andeka bayongan in porwira bo rayat in doíbí dinumudui kon parenta i Tuhan kon tantú mogutun kon Yohuda.

YEREMIA 43:4 Referans Kwoze

YEREMIA 44:5

Táe moiko in doí mokidongog bo doí monondudut. Moiko in doíbí mogogai in mogaid kon inta moraat, tuata in moposumba in kuruban kon dewa mita.

MAZMUR 37:3

Popirisayadon kon i Tuhan, bo aidaidon in inta mopia, pogutundon kon butá tatua bo kotoḷutuidon.

TAWARIKH 2 25:16

“Kibio-biómai,” guman i Amazia, “Aka diá, ḻimodon nami in iko! Diábí dodai in onda in kami noduí kon inimu nobaḻí monononggina i datu!” Dá kibio-biómaidon in nabi tatua, táe munadon in sia noguman, “Tanaa in kinotaauankudon kon ki Allah in nonantúdon kon moyopú kon i Tuang sin aid i Tuang tua, bo popisí in ki Tuang diá mopandungmai kon tongginaku.”

MOHOHUTUBA 9:16

Dá, totuubí in kain singogku kon hikmat naa in noiḻiubí kon ropot. Umpaka natua, hikmat in intau nobiag nobogá diá inindoianmai. Tosingogonnea diá in inindongogan.

DATU MITA 2 25:26

Dá bayongan in rayat in Yohuda, nooyúon andeka inta nobogá, noyotakin in porwira mita noḷagui kon Mesir sin noondok kon intau in Babel.

YEREMIA 41:16

Onda intua ki Yohanan bo porwiranea mita nosipun kon tontara mita, bobay, adí mita, bo pogawai mita in komaḻig inta dinakop i Ismael naonda in noḻimod mako kon i Gedalya.

YEREMIA 42:8

Dá inoiníku in ki Yohanan bo porwiranea mita bo bayongan in intau ibanea inta namangoi takinnea.

YEREMIA 42:21

Tanaa in pinotaaukudon in koyow in Tuhan Allah naton kon inimu, táe moiko in doíbí dinumudui kon koyow tatua.