YEREMIA 43:13 - Alkitab Singog In Mongondow Masa In Tanaa

¹³ Tugu mita in berhala kon Heliopolis kon Mesir, in rimumudonbí, bo kuil mita in dewa mita in Mesir pokakonbí komintan.”

YEREMIA 43:13 Referans Kwoze

YESAYA 19:18

Kon tungkuḷ in tua singog in Ibrani in pakéonbí kon bonu in ḻima in kotá in Mesir. Intau mita kon tua mongibot podoyon kon tangoi i Tuhan inta Totok in mokawasa. Kotá tobatú kon sigad in kotá tatua in tangoian “Kotá in Mata in singgai”.

KINOBAḺIAN 41:45

Bo ki Yusup in sinangoianneadon in tangoi in intau Mesir, ki Zapnat-Paaneah. Inogoiannea domandon in buḷoi inta tangoinea ki Asnat, ki adí i Potisaḷaka inta nobaḻí imang kon kotá in Heliopolis. Ki Yusup umur toḷu nopuḷú notaong dodai in sia nogaid kon tayowon i datu in Mesir. Dá nobuatdon in ki Yusup nongkon komaḻig i datu bo minayá noḻibu kon bayongan butá in Mesir.

YESAYA 46:2

Patong mita tatua in diábí mokotuḷung kon momotaannea, mosia tontaní in inakut nobaḻí inta dinakop. Tuata in kopaḷutan monia.

YEREMIA 43:12

Akuoi in mopoyongkitbí in tuḷú kon kuil mita in dewa mita in Mesir, bo ki datu in Babel in momokakbí kon patong mita in berhala bo kuil mita andeka akutonnea pobayá in butánea. Naonda bo gombala tobatú mondarit kon pakeangnea nongkon kutu, natua doman in datu in Babel in monimpat mokopodarit kon Mesir bodongka mobuat bui takin diábí in monuyayow kon inia.

YEREMIA 44:1

Ki Tuhan in nosingog kon inakó soaḷ bayongan in intau in Israel inta nogutun kon Mesir, inta kon kotá in Migdol, Tahpanhes, Mempis, bo kon butá kon dotá in toḷatan.

YEREMIA 46:25

Ki Tuhan Inta Totok in mokawasa, Allah in Israel, noguman, “Akuoi in mohukumbí kon Amon, dewa nongkon Tebe, takin sinangkub in Mesir takin dewa mita bo datunea mita. Datu in Mesir bo bayongan in intau inta mopongata kon inia

YEHEZKIEL 26:11

Tontara mita inta sinumakoi kon kabaḷo tatua in monubu kon daḷanmu mita bo moḻimod kon intaumu momaké in kedang monia. Tugumu mita inta mogaga bo moropot in umpagonbí.

DANIEL 11:8

Kon tungkuḷ in sia mobui kon Mesir, diaanneabí in patong in dewa in musungnea bo pakakat buḷawan bo saḷaka inta ain pinosumba kon i dewa tatua. Tongonumai notaong noiduduimai kon tua diábí in sia monubu kon i datu in butá in utuan.

YESAYA 19:1

Naa in koyow kon Mesir. Ki Tuhan in namangoi in Mesir sinumakoi kon goḷom inta moḻikat. Berhala mita in Mesir gumugur kon tayowon-Nea bo intau mita in Mesir yimintok in gina.

YEREMIA 10:11

Moiko, ei umat, musti mopotaau kon i monia kon dewa mita inta diá nomaḻí kon ḷangit bo butá tua in yopúonbí. Mosia in moinggamábí nongkon tudu in butá naa.)

YEREMIA 25:19

Naa in tangoi mita in intau ibanea inta musti monginum nongkon galas in anggur i Tuhan tua: datu in Mesir takin pogawai bo pojabatnea mita; bayongan in intau in Mesir bo intau ango-angoi kon Mesir; bayongan datu kon butá in Us; bayongan datu in kotá mita in Pilistin kon Askelon, Gaza, Ekron; bayongan in intau inta nobiagpa kon Asdod, bayongan intau in Edom, Moab bo Amon; bayongan in datu kon Tirus bo Sidon; bayongan in datu kon bingkí in Dagat Toyuak; kotá mita in Dedan, Tema, bo Bus; bayongan in intau inta nokigonsing kinopoḷok in buoknea; bayongan in datu in Arab; bayongan in datu in suku mita noyobauk inta nogutun kon padang gurun; bayongan in datu kon Zimri, Elam, bo Madai; bayongan in datu kon utuan, noyayú bo nodiug, kon batúannea. Bayongan in bangusa kon sinangkub in dunia musti monginum kon anggur tatua. Bo intau pangabisan inta musti monginum kon anggur tatua in ki datu in Babel.

YEHEZKIEL 30:13

Ki Tuhan Inta Totok in moḷantud in noguman, “Akuoi in morimumudbí kon berhala mita bo dewa mita kon Mempis. Diá bidon in datu kon Mesir. Bayongan intau inta nogutun kon tua in baḻíon-Kubí moondok komintan.

YEHEZKIEL 30:17

Tayowmobiag mita in kotá in Heliopolis bo Bubastis in matoibí kon bonu in parang, bo bobay mita in dakoponbí.