YEREMIA 41:7 - Alkitab Singog In Mongondow Masa In Tanaa

^7-8 Naonda in mosia nodapot kon yuak in kotá, ki Ismael takin intaunea mita nomangkoidon noḻimod kon i monia. Táe mopuḷú in intau nongkon sigad monia tua in noguman kon i Ismael, “Dika ḻimodon in kami! Kon inami in oyúonpa in doyowa norupa in gandum, ḷana doman in zaitun bo biluk. Tua komintan binuni nami kon ḷuai in kotá.” Tuamai in diá iḻimod i Ismael in mosia, táe ibanea in iḻimodnea bo mayat monia in pinogonag kon bonu in parigí.

YEREMIA 41:7 Referans Kwoze

YEHEZKIEL 22:27

Pojabat mita in pomarentanea naonda bo serigala inta noyingki-yingkit kon kokaanonnea. Mosia in moḻimod tongábí makusud motayak kon kauntungan.

YESAYA 59:7

Moiko in umuranbí monomayá kon inta moraat, bo moibogdon ḷagi mogaid kon tua. Diábí in ondok moiko in moḻimod kon intau inta diá kotaḷá. Kon ondakabí in bayáanmu, moiko in monaḷámaidon kon inta morumbun bo inta mokoyopú.

MAZMUR 55:23

Posarakaidon in inta mokoḻia-ḻiaw kon ginamu kon i Tuhan, dá Sia in moduḷu kon inimu; sin intau mojujur in diábí pomayá-Nea mako in taḷowon.

SURAT I PAULUS KON JAMAAT RUM 3:15

Ḷangkad monia in moḻikat aka mayá moposikisa bo moḻimod kon intau.

AMSAL 1:16

Diábí mosanang in gina monia, aka diápa mogaid kon inta moraat. Ibogon monia in ḷagibí moḻimod.

DATU MITA 2 15:25

Tobatú kon sigad in porwiranea, inta ki Pekah adí i Remalya, noyopopog in intau ḻima nopuḷú inta nongkon Gilead. Bo kon bonu in benteng tobatú kon komaḻig in Samaria mosia in noḻimod kon i Pekhaya takin intau doyowa ibanea inta ki Argob bo ki Arye in tangoi monia. Onda intua ki Pekah in nobaḻí datu nomaḷui kon i Pekhaya.

YESAYA 14:19

Táe iko in diá kotampat poḷoḷobongan; mayatmu in iḷumbú naonda bo tokat inta kinodoí kinobumbunan in mayat mita in intau inta noroḷongasi noparang inta minatoi kon parang, bo pinogambat noyotakin monia kon bonu in bubú in batu, naonda bo awak bongkogdon inta kinoritakan.