YEREMIA 39:4 - Alkitab Singog In Mongondow Masa In Tanaa

⁴ Kon tungkuḷ in ki Datu Zedekia bo bayongan in tontaranea nokoontong kon bayongan inta nobaḻí tatua, mosia in noḷongasi noḷagui minayá in Ḷopá in Yordan doḷom doman tatua. Mosia in nongin taman in komaḻig, bo iḻumuai nongin bonawang inta nopoyoguput in dinding in tampat tatua.

YEREMIA 39:4 Referans Kwoze

AMOS 2:14

Umpaka intau inta totok in moḻikat yo diábí doman mokoḷagui; intau moropot in kobuḻianbí in ropotnea, bo intau motorindog in diábí mokoposaḷamat kon awaknea tontaní.

TAWARIKH 2 32:5

Bo ki datu in noginropot kon poḷoḷukadan in kotá pinongin nonompia kon dindingnea, noposindog in ḷangkeang mita kon tudunea bo noposindog in dinding ibanea kon ḷuai. Koḻikud intua nonompia doman in sia kon dinding inta pinosindognea kon tudu in butá inta pinomumbun kon dotá in pomukaan kon dotá in Yerusalem koyongan. Nopotabá doman in sia nokiaid in nobayong totok in pandong bo kaḻeaw.

YEHEZKIEL 12:12

Kon bonu in sindip in doḷom ki datu monia in momotaanbí kon binantaḷnea bo mobuat. Intau mita in moḷombangbí kon dinding sinbá mokoḷuai in sia. Bilogonneabí in matanea dá diádon ontongonnea in daḷan inta bayáannea.

ULANGAN 28:25

Aka moiko diá motoindudui kon i Tuhan Allahmu, baḻíon-Nea in moiko taḷowon in musungmu mita. Motompiabí in pononubú monimu, táe posibayádon in moḷagui. Bayongan in bangusa kon dunia mokoningkimdon mokoontong kon kososoemu.

IMAMAT 26:36

Intaumu mita inta kon pinoḷumbúanpa kon butá intau, popogonúan-Kudon in ondok moḷoben, modapot in umpaka tongá singog in daun irupon tompot yo poḷaguian monia. Moiko in moḷagui naonda bo inaḷowan kon bonu in parang, bo moḷabú umpaka diá in musung kon diugmu.

IMAMAT 26:17

Hukumon-Ku in moiko, modapot in moiko taḷowondon in musungmu mita moiko kawasaandon in intau mita inta mosaturu kon i monimu. Agían totok in ondok moiko dapot in moḷagui moiko, umpaka diá in mogaḷow.

YESAYA 22:11

moiko in nogaid kon tabang kon bonu in kotá bo nosipun kon tubig nongkon tabang koyongan. Táe moiko in diá nonondudut kon i Allah inta ain noonggot in nonomayá kon tua komintan, bo inta nokopopisí kon tua nobaḻí.

YEREMIA 32:4

bo ki Datu Zedekia in diábí mokoḷagui. Sia in ogoibí kon i datu in Babel, bo tumayow kon i datu tatua poḷat mongonguman tontaní takinnea.

YESAYA 22:3

Komintan itoi in tontaramu noḷagui bo dinakop kon tungkuḷ in mosia diápa nokopopiot in piot. Komintan intaumu inta moropot kinodakopan doman umpaka ain noḷagui noyayú.

YESAYA 29:2

Táe ki Allah in mopoangoibí in bodito kon kotá tatua, modapot in intau kumarak bo mokuani. Bayongan in kotá naonda bo kotá inta nopuḻing in dugú.

YEREMIA 32:5

Onda intua ki Zedekia in akutondon pobayá in Babel bo mogutun kon tua modapot in Akuoi mohukum kon inia. Umpakabí in sia momarang kon intau in Babel, diábí in sia mokountung. Akuoi, ki Tuhan, ain nosingog.”