YEREMIA 36:11 - Alkitab Singog In Mongondow Masa In Tanaa

¹¹ Ki Mikhaya ki adí i Gemarya ki ompu i Sapan nokidongog kon i Barukh nobaca kon tosingogon i Tuhan nongkon ḻitodan in buk tatua.

YEREMIA 36:11 Referans Kwoze

YEREMIA 36:10

Bo ki Barukh in nobaca nongkon ḻitodan in buk tatua in bayongan inta ain pinogumanku, bo bayongan in intau nokidongog. Tua in binaca kon bonu in Baḷoi Tuhan kon kantor i Gemarya, ki adí i Sapan momomais in negara. Kantor tatua in kon palas kon ḻimonik, kon diug in daḷan tumuot kon Bonawang Mobagu kon Baḷoi Tuhan.

TAWARIKH 2 34:20

Bo ki datu in nobogoi in parenta tanaa kon i Hilkia, kon i Ahikam ki adí i Sapan, kon i Abdon ki adí i Mikha, kon i Sapan momomais in negara, bo kon i Asaya moḷoḷukad i datu,

DATU MITA 2 25:22

Nopaḷut mako kon tua ki Datu Nebukadnezar in noduí kon i Gedalya ki adí i Ahikam ki ompu i Sapan, nobaḻí gubernur kon Yohuda sin momarenta kon bayongan in intau inta nogutunpa kon tua.

YEREMIA 36:13

Ki Mikhaya in nopotaau kon i monia, in bayongan inta binaca i Barukh kon Baḷoi Tuhan.

DATU MITA 2 22:3

Ki Datu Yosia in binantungan in momomais in negara tobatú inta tangoinea in ki Sapan adí i Azalya, ki ompu i Mesulam. Kon taong impuḷú bo waḷu kon pinomarentaan i Datu Yosia, ki datu in nobogoi in parenta tanaa kon momomaisnea tatua, “Bayádon kon i Imang Moḷoben ki Hilkia kon Baḷoi Tuhan, bo poigumdon kon inia mopoyaput in lapuran in kobayong doit inta ain sinipun in imang mita inta nopobayá in oaidan kon ngara tumuot kon Baḷoi Tuhan.

YEREMIA 26:24

Táe tanaa noidoyon kon totuḷung i Ahikam ki adí i Sapan, akuoi ki Yeremia diábí inogoi kon rayat sin ḻimodon.