YEREMIA 36:10 - Alkitab Singog In Mongondow Masa In Tanaa

¹⁰ Bo ki Barukh in nobaca nongkon ḻitodan in buk tatua in bayongan inta ain pinogumanku, bo bayongan in intau nokidongog. Tua in binaca kon bonu in Baḷoi Tuhan kon kantor i Gemarya, ki adí i Sapan momomais in negara. Kantor tatua in kon palas kon ḻimonik, kon diug in daḷan tumuot kon Bonawang Mobagu kon Baḷoi Tuhan.

YEREMIA 36:10 Referans Kwoze

YEREMIA 36:11

Ki Mikhaya ki adí i Gemarya ki ompu i Sapan nokidongog kon i Barukh nobaca kon tosingogon i Tuhan nongkon ḻitodan in buk tatua.

YEREMIA 52:25

pitu in monononggina kon i datu inta kon kotápa, tongguḷu totok in tontara bo oḻitnea inta nonoinut kon administrasi in tontara, bo onom nopuḷú in intau moḷoben ibanea.

YEREMIA 26:10

Naonda in pojabat mita in pomarenta in Yohuda nokodongog kon onu inta ain nobaḻí, mosia in iḻimikatdon in iḻumuai nongkon komaḻig in datu bo minayá in Baḷoi Tuhan, bo iḻimitú kon Bonawang Mobagu.

YEREMIA 36:8

Dá ki Barukh in nobaca kon tosingogon i Tuhan kon Baḷoi Tuhan, ná inta pinoki aidku kon inia.

YEREMIA 36:6

Tuamai, aka wakutuneadon mopuasa in intau, yo iko in musti mayá intua, bo baca koropot in bayongan inta ain pinogumanku kon inimu, sinbá mosia in mokodongog komintan kon inta pinoguman i Tuhan kon inakó. Baca intua nongkon tampat inta bayongan intau kon bonu in Baḷoi Tuhan mokodongog kon tua mita, noitakin doman in intau in Yohuda inta namangoi nongkon kotá mita monia.

YEREMIA 35:4

Akuoi in nodia kon i monia kon Baḷoi Tuhan kon bonu in yuang in murí mita i Nabi Hanan ki adí i Yigdalya. Yuang tatua kon ḻimonik in yuang i Imang Maaseya ki adí i Salum, kon diug in yuang in pojabat mita ibanea. Ki Maaseya in pogawai moḷantud inta moindoi kon ngara mita kon Baḷoi Tuhan.

YEREMIA 29:3

Akuoi in nokidia in surat tatua kon i Elasa ki adí i Sapan, bo kon i Gemarya ki adí i Hilkia inta pinotabá i Zedekia datu in Yohuda kon i Nebukadnezar datu in Babel. Nanaa in bonu in surat tatua,

YEREMIA 26:24

Táe tanaa noidoyon kon totuḷung i Ahikam ki adí i Sapan, akuoi ki Yeremia diábí inogoi kon rayat sin ḻimodon.

DATU MITA 2 18:37

Dá ki Elyakim, ki Sebna, bo ki Yoah in nomerak kon ḷambung monia nobaḻí tomponuot kon morobonoḷ in dodob monia, bo minayá nopotaau intua kon i datu in onu inta ain siningog in porwira in Asyur tatua.

DATU MITA 2 15:35

Táe nokomanasaḷan tampat mita pososumbaan kon dewa in diábí irumbunnea dá rayat in umuranbí doman moposumba in kuruban bo notubá kon dupa kon tua. Ki Yotam naa inta noposindog in Bonawang kon dotá in Utuan kon Baḷoi Tuhan.

SAMUEL 2 20:25

Momomais in negara: ki Seya. Imang: ki Zadok bo ki Abyatar.

DATU MITA IMITÁNEA 6:36

Kon muna in Baḷoi Tuhan tatua pinomiaan kon pelataran kon bonunea. Pelataran tatua in iḻibu in dinding inta noyogai-gaip: kon ḻimonik in pomuḷoi in toḷu nogaip in batu, tuduan in togaip in kayu ḷokuyú in Libanon.

YEREMIA 43:3

Ki Barukhbí ki adí i Neria tua in nondodak kon inimu kon monayow kon inami, sinbá kami kawasaan in intau in Babel bo mokoḻimod andeka mogakut kon inami pobayá in Babel.”

YEHEZKIEL 40:38

Kon dangkuḷon kon ḷuai oyúon in gopot tobatú indugangnea kon bonawang bonunea kon dotá in utuan. Nongkon gopot indugangnea tatua oyúon in ngara tobatú inta nopobayá ná yuang moḷoben. Kon tuata in pogingguan kon mahaḷuk mita inta pakéon mobaḻí kuruban payongon.

DATU MITA 2 22:3

Ki Datu Yosia in binantungan in momomais in negara tobatú inta tangoinea in ki Sapan adí i Azalya, ki ompu i Mesulam. Kon taong impuḷú bo waḷu kon pinomarentaan i Datu Yosia, ki datu in nobogoi in parenta tanaa kon momomaisnea tatua, “Bayádon kon i Imang Moḷoben ki Hilkia kon Baḷoi Tuhan, bo poigumdon kon inia mopoyaput in lapuran in kobayong doit inta ain sinipun in imang mita inta nopobayá in oaidan kon ngara tumuot kon Baḷoi Tuhan.