YEREMIA 34:9 - Alkitab Singog In Mongondow Masa In Tanaa

⁹ kon ata mita in Ibrani monia, pinomayá ḷoḷaki andeka bobay sinbá diá tobatúmai in nongkon bangusa Israel inta mononggata kon tongobangusaannea.

YEREMIA 34:9 Referans Kwoze

PILIPI 3:5

Akuoi naa in sinunatbí doman wakutu in umurpa waḷu nosinggai. Akuoi in pinononggadí saḷaku intau in Israel, nongkon suku i Benyamin; akuoi in taakanpabí intau in Ibrani. Bo aka soaḷ kododudui kon hukum mita in agama Yahudi, yo akuoi naa in noigolong kon intau in Parisi.

KORINTUS 2 11:22

Degá mopongata kon mosia tua intau in Ibrani? Kaka akuoi intaubí doman in Ibrani. Mopongata kon intau in Israel? Ka akuoi in intaubí doman in Israel. Mopongata kon buí i Abraham? Ka akuoi doman buí i Abraham!

KORINTUS 1 6:8

Táe naaibí moiko in monombogá kon intau ibanea. Moikobí in mokorugi kon i monia. Bo modugangdon totok in diá mopia sin intau inta ain notobatú kon pirisaya pinopoaidan doman monimu!

YEREMIA 34:10

Bayongan in rayat bo pojabat mita in pomarenta inta ain nomia kon dodandian mopoḷuat kon ata mita monia bo diádon bui mononggata kon i monia, totu-totuu mopoḷuat kon i ata monia tatua.

YEREMIA 30:8

Ki Tuhan Inta Totok in mokawasa in nosingog bui kon umat-Nea, “Aka moiangoi in singgai tatua, tombuḻigan inta pinopopotaan kon sindunmu in putoḷon-Kubí bo inta pinoumantungan kon inimu in bukáan-Kudon. Moiko in diá bidon mobaḻí ata in intau ango-angoi.

YEREMIA 27:7

Bayongan in bangusa in mobaḻíbí atanea, kon i adínea ḷoḷaki, bo kon i ompunea modapot in moiangoi in wakutunea negaranea tontaní moḷabú. Kon dodai intua bangusa in Babel in mobaḻí ata in bangusa mita inta moropot bo kon datu mita inta moḷoben.

YEREMIA 25:14

Aid mita in intau in Babel in tuḻían-Kubí; mosia in tonggataanbí in datu mita moḷoben bo in bangusa mobayong.’ ”

SAMUEL 1 14:11

Naonda in taya dua nokipogontong kon intau in Pilistin kon poḷoḷukadan tatua, dá intau mita in Pilistin tatua noguman, “Indoiaika, oyúon in intau mita in Ibrani in iḻumuai nongkon bubú mita tampat pinogadopan monia!”

SAMUEL 1 4:9

Korigon in ginamu, ei intau mita in Pilistin! Poparangdon ná ḷoḷaki, aka diá yo moiko in mobaḻídon ata in intau mita in Ibrani tatua, ná koḻipod mosia nobaḻí ki ata monimu. Tuamai in poparangdon takin kotorindog bo kobarani!”

SAMUEL 1 4:6

Intau in Pilistin nokodongog doman kon giow tatua bo mosia in noguman, “Nongonu sin intau mita in Ibrani tatua in norogiowbí?” Táe naonda in kinotaauan monia kon Poti Dodandian i Tuhan aindon dinia kon pinononḷoḷaigan in intau in Ibrani,

ULANGAN 15:12

“Aka intau ḷoḷaki ande bobay nongkon bangusamu moposarakan in awaknea mobaḻí atamu, sia in musti mogaid kon inimu kon bonu in onom notaong. Kon taong noginpitu sia in mustibí poḷuaton.

IḶUAIAN 3:18

Umat-Ku in mokidongogbí kon tosingogonmu mita. Moiduduimai kon tua iko moyotakin in itoi mita Israel musti mayá tumayow kon i datu in Mesir bo moguman kon inia: ‘Tuhan, ki Allah intau Ibrani aindon namangoi nokipogontong kon inami. Tanaa ogoiaidon in wakutu kami mayá inta koyayúnea in toḷu nosinggai in bayáan mopobayá in padang gurun sin moposumba in kuruban kon i Tuhan, ki Allah nami.’ ”

IḶUAIAN 2:6

Kon dodai in adí bobay i datu nomukat kon karansi tatua, inontongnea oyúon in adí mointok kon bonunea, bo adí mointok tatua koyogot doman in mongombaḷ. Ki adí bobay i datu inagían in tabi kon adí tatua bo noguman, “Ki adíbí intau Ibrani in naa.”

KINOBAḺIAN 40:15

Sin, sabanarnea koḻipod akuoi sinakow nongkon butá intau Ibrani bo kon naa, kon Mesir, akuoi in diábí kon dodai in onda in nogaid kon inta moraat nodapot in akuoi pinotuot kon bonu in ponjara tanaa.”

KINOBAḺIAN 14:13

Táe intau tobatú inta nokoḷagui minayá nopotaau in bayongan inta nobaḻí tatua kon i Abram, intau Ibrani tatua. Ki Abram in nogutun kon diug in pangkoi mita in kayu karamat tampat pososumbaan kapunyaan i Mamre, intau in Amori. Ki Mamre bo ki utatnea mita, inta ki Eskol bo ki Aner in yobayat mita i Abram inta notobatúnea doman.