YEREMIA 34:21 - Alkitab Singog In Mongondow Masa In Tanaa

²¹ Ki Zedekia datu in Yohuda bo pojabat mita in pomarentaanea in ogoi-Ku kon intau mita inta moibog moḻimod kon i monia. Ogoi-Kubí in mosia kon tontara in Babel, inta tanaa mako ain nonaḷámai kon i monimu.

YEREMIA 34:21 Referans Kwoze

YEREMIA 39:6

Kon kotá doman tatua ki adínea mita in iḻimod kon tayowonnea, bo bayongan in pojabat in pomarenta in Yohuda in iḻimod doman.

YEHEZKIEL 17:16

Podoyon kon i-Nakó, ki Allah inta nobiag, ki Tuhan Inta Totok in moḷantud, datu in Yohuda in matoibí kon Babel, popisí in sia in nonoḻikudon kon ibotnea bo iḻimimpat kon dodandiannea takin i datu in Babel inta ain nopoḻitú kon inia kon ḷoḻitúan in datu.

YEREMIA 52:10

Kon kotá doman tatua ki adínea mita in iḻimod doman kon tayowonnea, bo bayongan in pojabat pomarenta in Yohuda in iḻimod doman.

OMBAḶ 4:20

Mosia in nodomok kon datu inta piniḻí i Tuhan, intau inta pinongata nami saḷaku mobobogoi in kobiagan, bo moḷukad kon inami nongkon ḷawang.

YEREMIA 32:4

bo ki Datu Zedekia in diábí mokoḷagui. Sia in ogoibí kon i datu in Babel, bo tumayow kon i datu tatua poḷat mongonguman tontaní takinnea.

DATU MITA 2 25:6

Onda intua ki Datu Zedekia in dinia kon i Datu Nebukadnezar kon kotá in Ribla, bo pinopoḷabúan in hukuman.

YEREMIA 22:25

bo ogoi kon intau mita inta kinoondokmu bo inta moibog moḻimod kon inimu. Iko in ogoi-Ku kon i Nebukadnezar datu in Babel, takin intaunea mita.

YEREMIA 32:3

i Datu Zedekia popisí in pinoponapudan kon nopotaaudon kon ki Tuhan in noguman nanaa, “Datu in Babel in pomayá-Kudon mako in mopotungkud bo mongawasa kon butá tanaa,

YEREMIA 44:30

Ki Hopra datu in Mesir in ogoi-Kubí kon musung mita inta moibog moḻimod kon inia, ná Akuoi ain nobogoi kon i Zedekia datu in Yohuda kon i Nebukadnezar datu in Babel, musungnea inta moibog moḻimod kon inia tua.”

YEREMIA 52:8

Táe tontara in Babel nondudur kon i Zedekia, bo nodomok kon inia kon ḷopá in Yerikho. Bayongan in intaunea noḷagui nonaḷámai kon inia.

YEHEZKIEL 17:12

“Ḻibódon kon momomarontak mita tatua, mongo komangaḻean monia in mangaḻe in poumpamaan tatua. Potaaudon kon i monia kon ki datu in Babel ain namangoi kon Yerusalem, bo nogakut kon i datu in Yohuda takin intau mita moḷoben in kotá tatua bo pinobayá in Babel.

YEHEZKIEL 17:20

Akuoi in mobukábí kon ḷaḷa sin podomok kon inia. Diaan-Kubí in sia pobayá in Babel bo hukumon-Ku kon tua, popisí in diá motoindudui kon i-Nakó.