YEREMIA 33:7 - Alkitab Singog In Mongondow Masa In Tanaa

⁷ Yohuda bo Israel in baḻíon-Ku ponango-nangoian ná dungkuḷmai bo mosia in simindogbí bui mobaḻí umat-Ku.

YEREMIA 33:7 Referans Kwoze

YEREMIA 30:3

Sin moiangoibí in wakutunea Akuoi mopoguḻit bui in kaadaan in umat-Ku Israel bo Yohuda. Diaan-Kubí bui in mosia mayá in butá inta ain inogoi-Ku kon mogoguyang monia. Butá tatua in buibí mouḻí monia. Akuoi, ki Tuhan, ain nosingog.”

YESAYA 1:26

Moiko in bui-Ku ogoian in hakim mita bo monononggina ná dungkuḷmai. Dá Yerusalem in tangoiondon kotá inta moadil bo motoindudui.”

YEREMIA 32:44

Surat totaḷuiannea in tekengonbí, bo kompitan in segel, bo irigonan in sakusi mita. Tua in mobaḻíbí kon butá in Benyamin, kon ḻipú mita kon diugmai in Yerusalem, kon kotá mita in Yohuda, kon kotá mita kon butá mita kon buḷud, kon butá kon siḻigonmai in buḷud, bo kon Yohuda toḷatan. Bangusa tanaa in tompiaan-Kubí bui in kaadaannea kon butá tanaa. Akuoi, ki Tuhan, ain nosingog.”

YEREMIA 31:4

Bangusamu in baḻíon-Kubí ponango-nangoian ná dungkuḷmai. Komintanpa doman moiko in mogamábí kon rebana bo motayok takin ḷunganga in gina.

YEREMIA 29:14

Totuu, moiko in mokodungkuḷbí kon i-Nakó. Moiko in sipunon-Kubí nongkon yuak in bayongan bangusa bo nongkon bayongan in butá inta pinoporaritan bo pinoḷumbúan. Moiko in diaan-Kubí bui kon butámu tanaa bo monompia bui kon kobiaganmu. Akuoi, ki Tuhan, ain nosingog.’

YEREMIA 42:10

‘Aka umuran in moiko moibog mogutun kon butá tanaa, yo buaton-Ku in moiko, deemanbí poḷabúon; posindogon-Ku in moiko, deemanbí umpagon. Morobonoḷ totok in ginaku popisí in nopoangoidon in bodito kon inimu.

YEREMIA 33:26

natua doman in Akuoi in tantú mokadai kon dodandian-Ku takin buí i Yakub bo takin in mogogundoi-Ku ki Daud. Intau tobatú nongkon buí i Daud in piḻíon-Ku momarenta kon buí i Abraham, i Ishak, bo i Yakub. Akuoi in monotabibí kon umat-Ku, bo mopobaḻí kon i monia mooyúon bui.”

YEREMIA 31:28

Ná koḻipod Akuoi noḷukad kon i monia sinbá kon singgai moiduduimai Akuoi in morabut, morumbun bo morimumud kon i monia, natua doman Akuoi in moḷukad kon i monia sinbá Akuoi in moginrigon bo moposindog kon i monia bui.

YEREMIA 30:20

Bangusamu in baḻíon-Kudon ponango-nangoian ná dungkuḷmai, bo simindog bui saḷaku umat-Ku. Bayongan inta nondorot kon inia in hukumon-Kubí doman.

YEREMIA 30:18

Ki Tuhan in noguman doman bui: “Moiko, umat-Ku in totabion-Kubí bo poguḻiton-Ku bui in kaadaanmu kon butámu tontaní Yerusalem in posindogonbí bui, bo komaḻignea in tompiaan.

YEREMIA 24:6

Akuoi in moḷukadbí kon i monia bo modia kon i monia mobui mangoi kon butá tanaa. Akuoi in moposindogbí bui, deemanbí morumbun kon i monia; Akuoi in momuḷabí, deemanbí morabut kon i monia.

YEREMIA 23:3

Táe ki agat in umat-Ku in sipunon-Kubí nongkon butá mita inta pinoḷumbúan kon i monia. Mosia in diaan-Kubí buí kon butá monia bo bui monia in modugangdon mobarong.

MAZMUR 126:4

O Tuhan, poguḻídon in kaadaan nami, naonda bo ongkag noingkag bo buidon oyúon in tubig kon tungkuḷ in uagat.

MAZMUR 85:1

Kon i itoi in mododondong. Mazmur i inanakan i Korah.

MAZMUR 14:7

Igumon mako nongkon Sion mamangoi in kasaḷamatan kon Israel! Dá buí i Yakub in koangoianbí in ḷunganga in gina aka ki Tuhan mopoguḻídon in kobiagan in umat-Nea.

ZAKHARIA 1:17

Malaekat tatua in nopotabá kon inakó mopotaau in koyow doman tanaa, “Ki Tuhan Inta Totok in mokawasa in nodandi kon kotá-Nea mita in mobaḻí motomoman bui bo komintanpa doman in Sia in motuḷung kon Yerusalem bo akúon-Nea saḷaku Sia in kitogi.”

ZEPANYA 3:20

Moiangoibí in orasnea, intaumu inta noirarit in kapiton-Ku mobui. Moiko in baḻíon-Kudon ponango-nangoian kon sinangkub in butá, bo kototomomanmu in poguḻiton-Kudon bui.” Ki Tuhan in nosingogdon.

HOSEA 2:15

Gobá mita in anggurnea in pobuion-Kubí bui kon inia, bo Ḷopá in Roriga in baḻíon-Ku ngara pongamangan. Kon tua sia in motomu kon i-Nakó ná kon tungkuḷ in sia noguodpa, kon tungkuḷ in sia bagu iḻumuai nongkon Mesir.

YEREMIA 33:11

Táe kon tampat mita tatua in kodongoganbí bui in singog ḷunganga bo pia in gina takin dowawá in ponikaan. Kodongoganbí doman in dondong in intau mita inta nodia kon kuruban sukur kon Baḷoi-Ku. Mosia in mogumanbí, ‘Posukurdon kon i Tuhan Inta Totok in mokawasa, sin mopia in Sia bo tabi-Nea in mononoi.’ Butá tanaa in baḻíon-Kubí mobiag motompia ná dungkuḷ. Akuoi, ki Tuhan, ain noguman.”

MAZMUR 126:1

Dondong mayá in Baḷoi Tuhan. Kon tungkuḷ in ki Tuhan nopoguḻí bui in kaadaan Yerusalem, kita in naonda bo sinogoindop!

YEREMIA 31:38

Ki Tuhan in noguman, “Moiangoibí in wakutunea bayongan in Yerusalem posindogon bui saḷaku kotá-Ku, nongkon Ḷangkeang in Hananeel modapot in Bonawang Sikunea.

YEREMIA 50:4

Ki Tuhan in noguman, “Kon tungkuḷ intua intau in Israel bo Yohuda in mamangoi bo moyotakin mongombaḷ, motayak kon i-Nakó, ki Allah monia.

OMBAḶ 4:22

Sion in notarimadon kon hukumannea popisí in dosa mita inta ain pinomianea; tanaa in kami in diá bidon pomayá mako i Tuhan bo diá bidon diaan pobayá in poḷumbúan. Táe iko, ei Edom, in hukumonbí i Tuhan. Dosamu mita in poontongbí.

YEHEZKIEL 39:25

Ki Tuhan Inta Totok in moḷantud in noguman, “Táe tanaa Akuoi in motabi bidon kon umat-Ku Israel buí i Yakub, bo baḻíon-Ku bui in mosia mobiag motompia. Tua in aidan-Ku sinbá tangoi-Ku umuran horomaton.

YESAYA 52:8

Indongogaidon in kokow pia in gina in moḷoḷukad in kotá, mosia in morogiow moyotakin! Sin mata monia tontaní in nokoontong kon ki Tuhan in namangoi bui in Sion.