YEREMIA 32:8 - Alkitab Singog In Mongondow Masa In Tanaa

⁸ Bo noitugat ná inta ain pinoguman i Tuhan, namangoidon in ki Hanameel kon inakó kon palas in komaḻig, bo nopoigum sinbá taḷuionku in butánea. Tuamai in noyakindon in akuoi kon ki Tuhan in totu-totuubí ain nosingog kon inakó.

YEREMIA 32:8 Referans Kwoze

YEREMIA 32:7

kon ki Hanameel, ki adí ḷoḷaki i Salum pokuamaanku in mamangoibí sin mopoigum sinbá taḷuionku in butánea kon Anatot kon wilayah in Benyamin. Sin, akuoibí in pokuadíonnea inta totok in modagin inta kohak motaḷui kon butá tatua.

YEREMIA 32:2

Kon dodai intua tontara i datu in Babel koyogot in nonubu kon Yerusalem. Akuoi in sinahang kon dangkuḷon in komaḻig in datu

YEREMIA 33:1

Kon dodai in akuoi sinahang kon palas, akuoi in nokouḻí kon koyow nongkon i Tuhan

DATU MITA IMITÁNEA 22:25

Ki Mikha in notubag, “Bain indoianmu in mobaḻí kon tungkuḷ in iko tumuot kon gopot tobatú sin mogadop.”

YOHANES 4:53

Bo kinotoropandon in pogawai in komaḻig tatua kon jam natuata in ki Yesus in noguman kon inia: “Nopia bidon in ki adímu.” Dá sia takin tombonu in baḷoinea komintandon nopirisaya kon i Yesus.

ZAKHARIA 11:11

Kon singgai doman tatua dodandian tatua irabutdon. Mopopotaḷui mita in domba tatua monaridimai kon inakó, bo mosia in nonotaaudon kon ki Tuhan in koyogotdon in mosingog pinongin bayongan in aidku.

TAWARIKH 1 6:60

Kon butá in suku Benyamin nokouḻí in mosia kon ḻipú mita noiduduimai tanaa noyotakin in rawang mita in bonoknea: Geba, Alemet bo Anatot. Kobayong intua mita in 13 noḻipú sin mobaḻí pogogutunan in motoḷuadí mita monia.

DATU MITA IMITÁNEA 2:26

Noiduduimai kon tua ki Datu Salomo in noguman kon i Imang Abyatar, “Bayádon kon ḻipúmu kon Anatot. Iko nion in patusbí hukumon matoi, táe singgai in naa akuoi in diábí moḻimod kon inimu, sin kon dodai in iko noyotakinpa i amáku, iko in noitakin nobaba kon bayongan in roriganea. Bo iko doman in nonompiamai kon Poti Dodandian i Tuhan.”

YEREMIA 1:1

Buk tanaa tombonunea in tosingogon mita i Yeremia ki adí i Hilkia imang tobatú nongkon kotá in Anatot kon butá in Benyamin.

YEREMIA 32:25

Táe umpaka natua, o Tuhan Inta Totok in momulia, Ikobí in nopotabá kon inakó notaḷui kon butá tanaa kon tayowon in sakusi mita, umpaka topiḻikpa bo kotá tanaa in agowondon in intau in Babel.”

YEREMIA 37:12

Dá akuoi in nonaḷámaidon kon Yerusalem bo minayá in butá in Benyamin sin motarima kon posilaian kon tonsilaiku in butá kapunyaan in motoḷuadíku.

YEHEZKIEL 12:7

Bo inaidankudon onu in pinoki aid i Tuhan kon inakó. Kon singgai doman tatua, kon dodai in nobayagpa, sinouḷutkudon in pakakatku mita bo binantaḷ ná biasamai aidan in intau mita inta iḷumbú. Kon dodai in moungkoḷomdon, iḷombanganku in dinding in baḷoiku, bodongka iḻumuai nongin bubú tatua. Koonto-ontong in bayongan in intau, binantaḷ tatua in pinotaanku, onda intua nobuat in akuoi.