YEREMIA 32:12 - Alkitab Singog In Mongondow Masa In Tanaa

¹² Bo surat doyowa tatua in inogoiku kon i Barukh ki adí i Neria ki ompu i Mahseya. Inogoiku intua kon tayowon i Hanameel bo sakusi mita inta ain notekeng kon surat mita tatua, bo kon tayowon in intau mita inta ḻimitú mako kon palas tatua.

YEREMIA 32:12 Referans Kwoze

YEREMIA 51:59

Moḷoḷukad i Datu Zedekia in ki Zeraya ki adí i Neria ki ompu i Mahseya. Kon taong inggopatnea kon pinomarentaan i Zedekia datu in Yohuda, ki Seraya dinumudui kon i Zedekia minayá in Babel. Dá inogoianku in sia in oaidan tobatú.

YEREMIA 32:16

Naonda in surat mita totaḷuian tatua inogoiku kon i Barukh, nosambayang in akuoi,

YEREMIA 36:26

Noidapot in ki datu nomarentabí kon i adínea ḷoḷaki, ki Yerahmeel, noyotakin i Seraya ki adí i Azriel bo ki Selemya ki adí i Abdeel, sin modomok kon inakó bo kon i Barukh momomaisku. Táe binuni i Tuhan in kaminda.

KORINTUS 2 8:21

Sin kami in moibogbí mogaid kon inta mopia, deemanbí tongá kon tayowon i Allah táe kon tayowonbí doman in intau.

YEREMIA 36:32

Dá ginamá-Ku in ḻitodan in buk inta nobagu, bo nobogoi kon i Barukh momomaisku. Bo sia in nomais kon bayongan inta pinogumanku kon inia, inta bonu in ḻitodan in buk inta muna dinugangan in tongonumai in koyow ibanea inta ná tatua.

YEREMIA 32:13

Kon tayowon i monia komintan tatua akuoi in noguman kon i Barukh,