YEREMIA 3:19 - Alkitab Singog In Mongondow Masa In Tanaa

¹⁹ Ki Tuhan in noguman, “Israel, Akuoi in moibog motarima kon inimu mobaḻí ki adí-Ku, bo mobogoi kon inimu in butá inta mokosanang, butá inta totuu mopia kon sinangkub in dunia. Ibogon-Ku iko in monangoi kon i-Nakó ki Amá, bo diádon moḷagui bui kon i-Nakó.

YEREMIA 3:19 Referans Kwoze

YEREMIA 3:4

Kon dodai in rorigamu tatua iko in noguman kon i-Nakó kon Akuoi in ki amámu, bo Akuoi in motabi kon inimu pinangkoipamai iko nointokpa.

YEREMIA 31:9

Mosia in mayá takin moḷabú in ḷuá, Ḻipoion-Ku bo kapiton-Ku in mosia. Diaan-Ku in mosia mongin tampat mita inta mobayong in tubig, mongin daḷan motondodai inta diá in kopintudan. Kon i Israel, Akuoi in naonda bo ki amá; Epraim in ki adí-Ku ḷoḷaki guya-guyang.”

YESAYA 63:16

Iko nion in ki Amá nami? Ki Abraham bo ki Yakub in diábí nonotaau kon inami. Táe Iko o Tuhan, in ki Amábí nami, Mopoposaḷamat nami nongkon dungkuḷpabímai.

IBRANI 10:39

Kita naa in deemanbí umat inta mobaḷu-baḷui in pirisaya bo inta diá koharapan. Táe umatbí inta mopirisaya kon i Allah bo inta posaḷamaton.

EPESUS 1:5

dá sinantú-Neadon muna, kon pongin i Yesus Kristus, baḻíon-Neadon ki adí-Nea tontaní in kita. Bo tuabí in kinoibog-Nea aidan.

GALATIA 3:26

Moiko bo ain nopirisaya kon i Yesus Kristus, dá moiko ain notobatú takin-Nea; sahingga in moiko nobaḻídon ki adí mita i Allah.

HOSEA 11:8

Ki Tuhan in noguman, “Ei Israel, diábí doman inta pomayá-Ku mako in iko andeka taḷaan-Ku mako natua. Degá iko in yopúon-Ku naonda bo Adma? Andeka pomiaan-Ku naonda bo Zeboim? Gina-Ku in diábí modapot in mogaid kon natua, sin tabi-Ku in moḷoben totok kon inimu!

DANIEL 11:45

Noidapotbí in sia moposindog in ḷoḷaigan in dodatuannea kon sigad in dagat bo buḷud tampat in Baḷoi Tuhan. Táe onda intua matoi in sia bo diábí tobatúmai in intau in motuḷung kon inia.”

DANIEL 11:41

Nodapotbí in butá inta mopia in tubuonneabí doman, bo puḷúan ribu in intau ḻimodonnea. Táe dodatuan mita in Edom, Moab bo tonsilai inta totok in moponting nongkon dodatuan in Amon in mosaḷamatbí.

DANIEL 11:16

Datu in butá utuan tatua in mogaidbí podudui in ibognea bo diá bidon in moḷawang tongopiḻikmai. Bo ḻitúannea bidon in butá inta mopia tatua bo kawasaannea komintan.

DANIEL 8:9

Nongkon tungoi tobatú nomukádon in tungoi nointok, inta nobaḻí totok in noḷoben bo kawasanea iḷumoben nopobayá ná toḷatan, ná pomukaan bo nopobayá ná butá inta nopia.

YEHEZKIEL 20:6

Kon dodai intua Akuoi in mongibot kon modia kon i monia ḷumuai nongkon Mesir bo mayá in butá inta piniḻí-Ku ogoi kon i monia. Butá tatua in nooyúon bo noḷumbá, butá inta totok in mopia kon sinangkub in dunia.

YEREMIA 31:20

Israel, iko in adí inta kinotabi-Ku totok, adí inta totok in kinotabi, batoḷ in dodob-Ku. Pomuḷoi indoyóon-Ku in iko kotoropan-Ku in iko takin tanob. Iko in pinomia-Ku takin nopuḻing in tabi.

YEREMIA 12:10

Nobayong in mongongawasa ango-angoi in nomoguyaatdon kon gobá in anggur-Ku bo noruntai kon gobá-Ku mita. Ḻipú-Ku inta mogaga binaḻí monia padang gurun inta moingongow.

YEREMIA 5:7

Ki Tuhan in noguman, “Nongonu sin Akuoi in mustibí mongampung kon dosa mita in umat-Ku? Mosia in nonaḷámaidon kon i-Nakó bo nosumba kon inta deeman Allah. Akuoi in nobogoi in kaanon kon i monia nodapot in mosia nobotug, táe mosia in nonuaḻingbí, bo mokakit in mayá mokipodungkuḷ kon sundaḷ mita.

YESAYA 64:8

Táe Iko, o Tuhan, in ki Amá nami, kami in butá ḷamentong, bo Iko in nomia kon inami; kami komintan in aidbí in ḻima-Mu.

AMSAL 3:35

Intau inta mobijaksana i modugangbí mobondu in tangoinea, táe intau nobodok in umuranbí singkuḻeon.

MAZMUR 106:24

Onda intua mosia nondoí kon butá inta mopia tatua popisí in diá mopirisaya kon dandi i Allah.

PETRUS 1 1:17

Ki Allah tangoion monimu ki Amá wakutu in moiko mosambayang. Bá kotaauan monimu kon ki Allahbí tatua in mohakim kon intau podudui in oaid monia tontaní bo diábí poyoposion-Nea in intau. Tuamai wakutu in moiko kon duniapa naa koondokbí kon i Allah aka mobiag.

MAZMUR 16:6

Totuubí mogaga in inta inogoi-Mu kon inakó, totok in mokosanang kon ginaku!

MAZMUR 89:26

Dodatuannea in pooḷadon-Kubí, nongkon Dagat Toyuak nodapot kon Ongkag in Eprat.

YEREMIA 3:17

Kon dodai intua kotá in Yerusalem in tangoiondon ḷoḻitúan ‘Pomomarentaan i Tuhan’, bo bayongan in bangusa in mosipun kon kotá tatua sin mosumba kon i-Nakó. Mosia in diá bidon dumudui kon ibog in gina monia inta pamandot bo moraat tua.

YEREMIA 33:9

Yerusalem in mobaḻí koḷungangaan bo koyunggagaan-Ku. Bayongan in bangusa kon dunia in mobaḻíbí moondok bo mourot poḷat mohoromat kon i-Nakó, aka mokodongogdon kon bayongan inta mopia inta inaidan-Ku kon intau inta nogutun kon Yerusalem, bo kobiagan motompia inta ogoi-Ku kon kotá tatua.”

ULANGAN 14:1

“Moiko nion in umat i Tuhan Allahmu. Dá aka oyúon in kinopatoian, dikabí in moiko monompaḻí kon awak ande mokibangkuḷug in buok kon dotá in pogotmu ná oaid in bangusa mita ibanea.