YEREMIA 29:9 - Alkitab Singog In Mongondow Masa In Tanaa

⁹ Mosia in mopomaké in tangoi-Ku sin mongonguman kon inimu kon soaḷ mita inta diá totuu. Akuoi in diábí nopotabá kon i monia. Akuoi, ki Tuhan, ain nosingog.’

YEREMIA 29:9 Referans Kwoze

YEREMIA 27:15

Mosia in gumuman kon mosia in mosingog podoyon kon tangoi i Tuhan, táe mosia in monguboḷ. Ki Tuhan tontaní in noguman kon Sia in diábí nopotabá kon i monia. Tuamai in potabudon bo yopúon-Neabí in ki Tuang Datu takin nabi mita inta ain nonguboḷ kon i Tuang Datu.”

YEREMIA 29:31

mokidia in habar soaḷ ki Semaya kon bayongan in intau in Israel inta iḷumbú-Nea kon Babel. Naa in habar tatua, “Ki Semaya ain nosingog kon inimu naonda bo nabi in sia; bokaka Akuoi, ki Tuhan, diábí nopotabá kon inia. Popisí in sia ain nopobaḻí kon i monimu nopirisaya kon singog uboḷ,

YEREMIA 29:23

Natuata in ukur monia popisí in nogaidon kon dosa mita moḷoben kon Israel: Mosia in nonuaḻing, bo nopomaké in tangoi i Tuhan sin mongonguman kon inta diá mita totuu. Tua in noyotoḻikud in ibog i Tuhan. Kinotaauan-Neabí in onu inta inaidan monia, bo sia tontaní in nobaḻí sakusi moḷawang kon i monia. Ki Tuhan ain nosingog.”

YEREMIA 27:14

Dika indongogan in nabi mita inta mongampag kon i Tuang Datu mokiompu kon i datu in Babel, sin mosia tua in monompobaḻikbí kon i Tuang Datu.

YEREMIA 29:21

Ki Tuhan Inta Totok in mokawasa, Allah in Israel, ain nosingog soaḷ ki Ahab ki adí ḷoḷaki i Kolaya, bo soaḷ ki Zedekia ki adí ḷoḷaki i Maaseya inta nomaké in tangoi i Tuhan sin mopotaau kon inimu in soaḷ mita inta diá totuu. Ki Tuhan in noguman kon Sia in moposarakanbí kon i monia kon kawasa i Nebukadnezar datu in Babel inta moḻimod kon i monia kon tayowonmu.

OMBAḶ 2:14

Inta pinotaau in nabi mita kon inimu, tongábí tompobaḻik bo uboḷ komintan. Mosia in diábí kon dodai in onda in nobuká kon dosamu, manangka intua iko in diábí notobat. Noyotoḻikud kon tua yo mosia in tongábí mopotaau kon inimu in tosingogon mita uboḷ inta mokosanang.

YEREMIA 23:21

Ki Tuhan in noguman, “Totokbí in mogaid in nabi mita tatua, bokaka mosia in diábí pinotabá-Ku. Podoyon kon tangoi-Ku in mosia mopotaau in habar, bokaka diábí in koyow in inogoi-Ku kon i monia.