YEREMIA 29:5 - Alkitab Singog In Mongondow Masa In Tanaa

⁵ ‘Pokotantúdon kon nion. Posindogdon in baḷoimu mita. Pononggobádon bo kaandon in bungainea.

YEREMIA 29:5 Referans Kwoze

YEREMIA 29:28

Intau tatua in mustibí pomponan kon bibignea, sin sia in noguman kon intau mita naton inta kon Babel kon mosia in moonggotpabí in mogutun kon tua. Bo popisí intua, sia in noguman kon mosia in mustibí moposindog in baḷoi bo mononggobá bo mokaan kon bungainea.”

YEREMIA 29:10

Ki Tuhan in noguman, ‘Aka motompodon in wakutu pitu nopuḷú notaong kon Babel, yo bui-Ku in moiko indoian, bo mogintompod kon dandi-Ku modia kon i monimu mobui kon tampat tanaa.

YEHEZKIEL 28:26

Mosia in mobiagbí moodom kon tua bo moposindog in baḷoi mita bo mononggobá poḷat momuḷa kon anggur. Akuoi in mohukumbí kon bayongan in topodiug monia inta ain noningkuḻe kon i monia, dá Israel in moodomdon. Dá kotaauandon monia kon Akuoibí in ki Tuhan Allah monia.”

YEREMIA 29:6

Pobuḷoidon sinbá mokouḻí kon adí in moiko, bo biódon mako in ki adímu mita in mobuḷoi doman sinbá mosia in mokouḻí doman kon adí. Kobayongmu in musti modugang bo diábí motaau in mogaat.