YEREMIA 28:16 - Alkitab Singog In Mongondow Masa In Tanaa

¹⁶ Tuamai in ki Tuhan tontaní in noguman kon iko in yopúon-Neabí nongkon dunia naa. Taong tanaa doman matoi in iko, sin iko in nopotabádon kon bangusa tanaa noḷawang kon i Tuhan.”

YEREMIA 28:16 Referans Kwoze

YEREMIA 29:32

bo popisí in sia ain nopotabá kon i monimu moḷawang kon i-Nakó, dá Akuoi in mohukumbí kon inia bo buínea. Diábí tobatúmai in nongkon sigad monia inta mogutunpa kon sigad monimu sin moindoi kon inta mongopia inta aidan-Ku kon bayongan umat-Ku. Akuoi, ki Tuhan, ain nosingog.”

KINOBAḺIAN 7:4

Pitupa nosinggai bo poonag-Ku in uyan inta diá motonta-tontá kon bonu in opat nopuḷú nosinggai bo opat nopuḷú nogobii, sinbá mahaḷuk nobiag inta ain pinomia-Ku tua in modait matoi.”

YEREMIA 20:6

Bo iko, Pasyhur, takin bayongan in motoḷuadímu in domokon doman bo akuton pobayá in Babel. Kon tua matoi in iko bo ḷobongon; natua doman in bayongan in yobayatmu inta ain nokidongog kon uboḷmu mita.’ ”

DATU MITA IMITÁNEA 13:34

Oaidnea inta moraat tatua nokopopisídon kon buínea in nobodito bo noyopú komintan.

ULANGAN 6:15

Aka moiko mosumba kon ilah mita ibanea, dá moiko in umuranbí kotugatan in torú i Tuhan Allahmu bo yopúon-Nea komintan, sin ki Tuhan Allahmu inta kon sigad monimu nion in doíbí potongkaion in onuka.

IḶUAIAN 32:12

Aka yopúon-Mu in mosia, yo intau in Mesir in mogumandon kon Iko in nodia kon i monia iḻumuai nongkon Mesir sin ḻimodon in kon buḷud bo yopúondon komintan. Donaai kaasí aidan in natua, o Tuhan, baḷuaidon in niat-Mu bo donaaidon popoantugan in bodito in bangusa tatua.

AMOS 9:8

Akuoi, ki Tuhan Inta Totok in moḷantud, monaridimai kon dodatuan in Israel inta binaradosa tanaa, bo inggamáan-Kubí nongkon tudu in butá naa. Táe buí i Yakub in diábí modait-Ku yopúon. Akuoi, ki Tuhan, ain nosingog.

YEREMIA 28:3

Kon bonu in doyowa notaong tanaa Akuoi in mopobuibí in pakakat mita nongkon Baḷoi-Ku, inta ain inakut pinobayá in Babel i Datu Nebukadnezar.

PINOGIAPAN 29:32

Kon singgai noginpitu posumbadon in sapi koḷakian batánea pitu, domba koḷakian doyowa, adí in domba koḷakian mopuḷú bo opat inta umur totaong, komintan inta diá in bogitnea.

YEREMIA 28:17

Dá kon taong doman tatua kon buḷan impitunea, ki Hananya minatoi.

AMOS 7:17

ki Tuhan in noguman kon ki buḷoimu in mobaḻí sundaḷ kon daḷan mita in kotá, bo ki adímu mita in ḻimodon kon parang. Butámu in silaionbí magí mako kon intau ibanea, bo iko tontaní in matoibí kon butá in intau inta diá nonotaau kon i Tuhan. Intau in Israel in notantú bidon kon akuton pobayá in poḷumbúan, moyayú nongkon butánea tontaní.”