YEREMIA 26:3 - Alkitab Singog In Mongondow Masa In Tanaa

³ Degá bo bangusa tatua in moibog mokidongog, bo mogogaiddon in mogaid kon inta moraat, dá pondamon-Kudon in niat-Ku mopobodito kon i monia inta moraat.”

YEREMIA 26:3 Referans Kwoze

YEREMIA 36:3

Dika-dika bo intau in Yohuda mogogai in mogaid kon inta moraat aka mokodongog in mosia kon bayongan in bodito inta bain popouma-Ku kon i monia. Dá ampungan-Kubí in dosa bo aid moraat monia.”

YUNUS 4:2

Bo nosambayang in sia. “O Tuhan, aindon pinogumanku muna kon dodai in diápa nobuat nongkon baḷoiku koḻipod, kon notantúbí kon aidan-Mu in nanaa! Tuamai in akuoi bayá-bayádon noḷagui minayá in Spanyol! Kinotaauanku kon Iko in ki Allah inta totok in kototabi bo motanob, mosabar, moḷukó in dodia, bo umuranbí mosadia momaḷui kon tomayá mohukum.

YEREMIA 36:7

Dika-dika bo popisí in nokodongogdon bo mosia in mosambayangdon kon i Tuhan, bo mogogaidon in mogaid kon inta mongoraat. Ki Tuhan in sinumorú totok kon i monia bo nonindoyó kon i monia.”

DATU MITA IMITÁNEA 21:29

“Inontongmudon degá in ki Ahab nopoompá in dodia kon tayowon-Ku? Tuamai, diá-Kubí popoangoi in bodito kon bonu in sia mobiagpa. Bain kon dodai in ki adínea bo popoangoian-Ku in bodito tatua kon motoḷuadínea.”

DATU MITA IMITÁNEA 21:27

Naonda in ki Elia nopaḷut nosingog, ki Ahab nomerak kon ḷambungnea bo nomaké in sosapi nobaḻí tomponuot kon nomanasaḷ, bodongka nopuasa. Kon mosiugkabí in sia yo momakébí doman in sia in sosapi, bo aka mayá, pogotnea in umurandon molamurú.

YEREMIA 26:13

Tuamai in baḷuiaidon in kobobiagmu bo oaidmu mita; Duduiaidon in ki Tuhan Allahmu, sinbá pondamon-Neadon in niat-Nea mopobodito kon i monimu.

YEHEZKIEL 12:3

Tuamai, ei intau inta ilo-ilow, kon wakutu in mobayagpa, dá touḷutdon in pakakatmu mita bakut ná biasamai aidan in intau mita inta iḷumbú. Kon dodai in diápa modoḷom taḷaaidon in baḷoimu koonto-ontong in intau ná intau mita inta diaan kon poḷumbúan. Ḷombangaidon in baḷoimu koonto-ontong in intau mita momomarontak tatua, bo diádon in binantaḷ in pakakatmu bo ḷuaidon pongin bubú tatua. Potaandon in binantaḷ tatua. Pobuatdon kon wakutu in doḷom; bilogdon in matamu dá diádon ontongonmu in daḷan inta bayáanmu. Pomayádon mako in bayongan in bangusa in Israel mokoontong kon bayongan inta inaidanmu tatua, sinbá mobaḻí tompoingat kon i monia. Dika-dika bo kotaauandon monia kon mosia tua in momomarontak.”

HOSEA 11:9

Iko in diábí hukumon-Ku kon bonu in torú-Ku; iko in diá bidon rimumudon-Ku bui. Sin Akuoi in ki Allah, deemanbí intau. Akuoi, Inta mokudus, kotaki-takinmu, bo doí bidon tumorú kon inimu.”

YOËL 2:14

Dika-dika ki Tuhan Allahmu mobaḷui in gina, bo mobogoi in barakat mobayong totok kon i monimu. Dá moiko in motaau moposumba in kuruban anggur bo gandum kon i Tuhan Allahmu.

YEREMIA 26:19

Táe ki Datu Hizkia bo intau in Yohuda in diábí noḻimod kon i Mikha. Nodapotbí in noondok in ki Hizkia kon i Tuhan bo nopoigum sinbá totabion. Dá ki Tuhan in nonginggamádon kon indoyó-Nea kon mopobodito kon i monia. Bo tanaa, gogiódon in kita mopoangoi in bodito moḷoben kon inaton tontaní.”

YEHEZKIEL 18:21

Aka intau moraat bo diádon bui nomia kon dosa, bo nomangkoidon dinumudui kon hukum-Ku mita, poḷat mogaid kon inta mopia bo moitutui, yo diábí in sia matoi.