YEREMIA 26:17 - Alkitab Singog In Mongondow Masa In Tanaa

¹⁷ Nopaḷut mako kon tua tongonumai in kon sigad in itoi mita in bangusa minayá sinimindog kon muna bo noguman kon intau mita inta noyosipun kon tua,

YEREMIA 26:17 Referans Kwoze

OUMAN IN RASUL MITA 5:34

Táe tobatú intau in Parisi inta nobaḻí anggota in pongadilan agama tatua inta ki Gamaliel in tangoinea, tobatú mototundú kon agama inta totok in kinoinsim in bayongan intau kon tua in sinimindog bo nopoigum sinbá poḷuaipa motoyong in rasul mita tatua.

MIKHA 1:1

Ki Mikha nongkon kotá mointok tobatú tangoinea in Moresyet. Kon tungkuḷ in butá in Yohuda pinarenta noyodudu-duduimai i Datu Yotam, i Ahas bo i Hizkia, ki Mikha in notarima kon koyow i Tuhan soaḷ Samaria bo Yerusalem.

YEREMIA 26:18

“Kon tungkuḷ in ki Hizkia nobaḻí datu in Yohuda, ki Nabi Mikha nongkon Moresyet nopotaau kon rayat in koyow tanaa nongkon i Tuhan Inta Totok in mokawasa, ‘Sion in pajekoon naonda bo gobá in tudunea, Yerusalem in mobaḻí pinosipunan kon apug, bo tombuḷud in Baḷoi Tuhan in mobaḻídon kayuon.’