YEREMIA 26:16 - Alkitab Singog In Mongondow Masa In Tanaa

¹⁶ Dá pojabat mita in pomarenta bo rayat in noguman kon imang mita bo nabi mita tatua, “Intau tanaa in nosingog pinodoyon kon tangoi Tuhan Allah naton; diábí patus hukumon matoi in sia.”

YEREMIA 26:16 Referans Kwoze

OUMAN IN RASUL MITA 23:29

Tongá nouḻíkumai sia naa in diábí kotaḷá inta patus pohukuman kon inia dapot in matoi andeka bonuon kon ponjara. Onu in pinonapud monia tua in tongábí soaḷ hukum mita in agama monia tontaní.

OUMAN IN RASUL MITA 23:9

Dá nobobayowandon totok in mosia. Tongonumai in intau inta mototundú kon agama takin intau mita in Parisi, sinimindog kon muna bo nomayow totok. Mosia in noguman nanaa, “Intau tanaa in topiḻikmai yo diábí kinouḻían nami kon taḷá. Degá totuubí kon oyúon in roho andeka malaekat inta ain nosingog kon inia!”

OUMAN IN RASUL MITA 25:25

Táe diábí kinouḻíanku in sia kon taḷá tobatúmai inta motaauku baḻíon dodoyonan pohukuman kon inia modapot in matoi. Bo siabí tontaní in nopoigum sinbá pelekaranea tatua in tantúondon kon pongadilan i Kaisar, dá tuamai in sinantúkudon kon sia in diaandon kon i Kaisar.

YEREMIA 36:19

“Iko bo ki Yeremia in musti mogadop. Dika modapot in kotaauan in intau in pinogadopanmu tua,” guman monia.

LUKAS 23:47

Naonda in itoi in tontara nokoontong kon onu inta ain nobaḻí tatua, sia nodayow kon i Allah, kainia, “Totuu, Sia naa in diábí kotaḷá!”

LUKAS 23:41

Tongá aka hukuman kon i natonda in patusbí tarimaan podudui in oaid naton, táe Sia naa in totokbí in diá kotaḷá!”

MATIUS 27:54

Itoi in tontara takin prajurit-Nea inta noḷukad kon i Yesus noondokdon totok naonda in nokoontong kon ḻinug bo onu inta aindon nobaḻí tatua, bo mosia nosingog, “Totuubí, kon Sia naa in ki Adíbí i Allah!”

YEREMIA 26:11

Imang mita bo nabi mita in noguman kon pojabat mita tatua takin rayat, “Intau tanaa in patusbí hukumon matoi sin nosingogdon in sia kon tosingogon ponayow kon kotá naton naa. Moiko tontaní ain nokodongog kon tua.”

AMSAL 16:7

Aka iko mokosanang kon gina i Tuhan, musungmu mita in baḻíon-Neabí yobayat.

ESTER 4:14

Intau in Yahudi in notantúbí kon mokouḻí kon totuḷung naondaka in daḷannea modapot in mosia mosaḷamat. Táe aka iko bo tongá kibio-biómai kon bonu in kaadaan ná tanaa, yo iko tontaní in matoibí doman bo motoḷuadí i amámu in modait bidon in oumannea. Dika bo dika, iko in piniḻí bokí popisíbí in kaadaan ná tanaa!”

YEREMIA 34:10

Bayongan in rayat bo pojabat mita in pomarenta inta ain nomia kon dodandian mopoḷuat kon ata mita monia bo diádon bui mononggata kon i monia, totu-totuu mopoḷuat kon i ata monia tatua.

YEREMIA 37:15

Sinumorú totok in mosia kon inakó, bo nomarenta sinbá bongkugon in akuoi bo kurungon kon baḷoi i Yonatan, momomais in negara. Baḷoi tatua in binaḻídon ponjara.

MAZMUR 94:16

Ki ine in moduḷu kon inakó nongkon intau inta diá mopirisaya? Ki ine in dumotá kon inakó monayow kon intau inta nogaid kon inta moraat?