YEREMIA 23:39 - Alkitab Singog In Mongondow Masa In Tanaa

³⁹ dá Akuoi in mopuyut kon i monia, bo mopogambat kon i monia koyayúon, pinomayá mosia andeka kotá inta ain inogoi-Ku kon i monia bo mogoguyang monia.

YEREMIA 23:39 Referans Kwoze

YEREMIA 23:33

Ki Tuhan in noguman, “Yeremia, aka tobatú nongkon umat-Ku, andeka nabi tobatú andeka imang moḻibó kon inimu, ‘Onu in koyow i Tuhan?’ Iko in musti motubag, ‘Iko in nobaḻí bobabaan i Tuhan; tuamai iko in ḷumbúon-Nea.’

YEHEZKIEL 8:18

Mosia in mokonanambí kon torú-Ku inta motoyang! Diábí ampungan-Ku in mosia. Umpakabí mosia momaḷú in mosambayang kon i-Nakó, momaḷúkabí moropot totok, yo doíbí in Akuoi mokidongogmai!”

TESALONIKA 2 1:9

Mosia naa inta motarima kon hukuman mokoyoyang modapot in kopaḷutannea bo ḷumbúon koyayúon nongkon tayowon i Tuhan bo nongkon kawasa-Nea inta moḷoben;

MATIUS 25:41

Bo Sia in noguman doman kon i monia inta kon dotá in koḷoigi-Nea, ‘Bayádon in moiko nongkon tayowonku, sin moiko in intau mita inta binaḷa! Bayádon bo tuotdon kon bonu in tuḷu inta diá mopio-piong sin tua in sinadia in Ibilis bo malaekatnea kon i monimu!

HOSEA 5:14

Naonda bo singa inta monubu, natuata in pononubú-Ku kon intau in Israel bo Yohuda. Akuoibí tontaní in moyingki-yingkit kon i monia, bodongka taḷaan-Ku. Aka irudon-Ku in mosia mayá, yo diábí tobatúmai in intau in mopoḷuat kon i monia.

HOSEA 4:6

Moiko, imang mita, diá mopandungmai kon i-Nakó, dá umat-Ku in diá domandon mopandungmai kon i-Nakó dá nobodito in mosia. Moiko in nondoí kon totundú-Ku mita. Dá, Akuoi in mondoí doman kon i monimu, bo ki adímu mita in diá doman akúon-Ku saḷaku imang-Ku mita.

YEHEZKIEL 34:20

Tuamai, Akuoi, ki Tuhan Inta Totok in moḷantud moguman kon inimu, ei domba mita inta noḷongó, kon Akuoi in mamangoibí bo mobaḻí hakim kon sigad in domba mita inta moropot bo domba mita inta noḻemé.

YEHEZKIEL 34:11

Ki Tuhan Inta Totok in moḷantud in noguman, “Tayakon-Kudon tontaní in domba-Ku mita bo tompiaan in mosia,

YEHEZKIEL 9:6

Ḻimodon bayongan in intau ḷoḷaki bo bobay, noguyang bo noguod, guyanga bo adí mita. Táe dika ḻiaion in tobatúmai in inta ain sinomboréan kon pogotnea. Pangkoidon kon naa, nongkon Baḷoi-Ku tanaa.” Dá nomangkoidon in mosia nopobayá in oaidan monia takin noḻimod kon itoi mita in Israel inta simindog mako kon Baḷoi Tuhan.

YEHEZKIEL 6:3

Pokiindongogaidon in mosia bo pokitaridiai kon onu in poguman-Ku, ki Tuhan Inta Totok in moḷantud kon buḷud mita tatua, bo kon tombuḷud doman mita, kon irang mita bo kon ḷopá mita. Totuu, Akuoi in mopoangoibí in kedang sin morimumud kon pososumbaan kon berhala.

YEHEZKIEL 5:8

Dá Akuoi, ki Tuhan Inta Totok in moḷantud, noponiata kon Akuoi in musungmu. Iko in hukumon-Kubí kon tayowon in bangusa mita ibanea.

OMBAḶ 5:20

Umpaka dá taḷaan-Mu in kami modapot in námai tua in koonggotnea? Degá koḻiongan-Mudon in kami modapot in dunia naa modait?

YEREMIA 52:3

Ki Tuhan in sinumorú totok kon intau inta nogutun kon Yerusalem bo intau in Yohuda, dá inuntun-Nea in mosia bo diádon noḷukad kon i monia. Ki Zedekia in nomarontak kon i Nebukadnezar datu in Babel,

YEREMIA 36:31

Iko, buímu bo pojabatmu mita in hukumon-Ku popisí in dosa mita inta inaidan monimu. Akuoi in mopoangoibí kon i monimu in bayongan bodito inta ain pinonindoyó-Ku kon inimu, sin pinomayá iko andeka intau inta nogutun kon Yerusalem bo kon Yohuda diábí nopandungmai kon sindoyó-Ku mita.”

YEREMIA 35:17

Tuamai, Akuoi, ki Tuhan Inta Totok in mokawasa, Allah in Israel, in mopoangoibí kon i monimu – intau in Yohuda bo Yerusalem – bayongan in bodito inta ain sinantú-Ku kon i monimu, ná inta ain pinoguman-Ku. Tua in inaidan-Ku popisí in moiko in doí mokidongog aka Akuoi mosingog kon inimu, bo moiko in doí tumubag kon dodai in Akuoi mogoiní kon i monimu.”

YEREMIA 7:15

Moiko in poguntunon-Ku nongkon tayowon-Ku ná inta pinogoguntun-Ku kon ginaḷum motoḷuadímu, umat in Israel.”

YESAYA 51:12

Ki Tuhan in noguman, “Akuoibí inta noḻipoi kon i monimu. Nongonu sin moondokbí in iko kon intau inta mato-matoi, kon intau inta iḷumbú naonda bo bonok?

YESAYA 48:15

Akuoibí in inta noguman kon tua bo inta nogoiní kon inia, inta nokapit kon inia nodapot in sia nokodapot kon inta pinoki aid.

AMSAL 13:13

Intau inta diá mopandung kon totundú i Tuhan, mopobodito kon awaknea tontaní; intau inta motoindudui kon hukum i Allah in motarimabí kon tontuḻínea.

MAZMUR 51:11

Dikapa bobuion in dosaku mita, bo popataidon in bayongan in taḷáku.

ULANGAN 32:39

Indoiaika, tongábí Akuoi in ki Allah, diábí in Allah ibanea koḻikudbí in Akuoi. Akuoi in moḻimod bo momiag, monompaḻí bo mongundam. Aka Akuoi in mogaid, diábí tobatúmai in intau in mokoḷawang.

IMAMAT 26:28

Dá tumorúdon totok in Akuoi poḷat mosambok kon i monimu, bo mohukum kon i monimu inta kobogat in hukuman tatua in kopitu nongkon ná inta ain pinopoaid-Ku kon i monimu.

KINOBAḺIAN 6:17

Poangoi-Ku in ḷunud moḷoben sin poyopú kon bayongan in mahaḷuk inta nobiag kon dunia naa. Bayongan yagi-yagi kon dunia naa modaitbí matoi,

KINOBAḺIAN 4:16

Bo minayádon in ki Kain nongkon tayowon i Tuhan bo nogutun kon butá inta tangoinea “Pinoḷaḻean” kon dotá in pomukaan nongkon Eden.

YEREMIA 7:14

Baḷoi-Ku inta pongata monimu, bo tampat inta inogoi-Ku kon mogoguyangmu bo kon inimu naa in pomiaan-Ku naonda bo Silo dungkuḷmai.

YEREMIA 12:7

Ki Tuhan in noguman, “Pogogutunan-Ku in diá bidon pandungon-Kumai, butá inta nobaḻí kapunyaan-Ku in sinaḷáan-Kudon, bo umat-Ku inta kinotabi-Ku aindon inogoi-Ku kon bonu in kawasa in musungnea mita.

YEREMIA 23:38

Aka oyúon in diá motoindudui kon parenta-Ku tatua, bo umuranpa doman momaké in istila ‘bobabaan i Tuhan’,

DATU MITA 2 23:27

Ki Tuhan in noguman, “Onu inta ain inaidan-Ku kon Israel, in pomiaan-Kubí doman kon Yohuda. Intau in Yohuda in ḷumbúon-Kubí doman kon butá inta ogoi-Ku kon i monia. Doíon-Kubí in Yerusalem, kotá inta piniḻí-Ku, bo baḷoi-Ku doman tanaa, inta podudui in singog-Ku in mobaḻí tampat poibadaan kon i-Nakó.”