YEREMIA 23:18 - Alkitab Singog In Mongondow Masa In Tanaa

¹⁸ Akuoi in noguman, “Diábí tobatúmai in nongkon nabi mita tatua in nonotaau kon onu in kon bonu in gina i Tuhan. Diábí in nongkon i monia in nokoimontandon nokodongog bo nomangaḻe kon tomayá-Nea mita; diábí doman in nonaridi andeka nokidongog kon tosingogon-Nea mita.

YEREMIA 23:18 Referans Kwoze

YEREMIA 23:22

Aka kuma kinotaauan monia onu in kon bonu in raian-Ku, yo notantú bidon kon mosia in nopotaaudon kon umat-Ku in bayongan inta ain siningog-Ku. Dá umat-Ku in mogogaidon in mogaid kon dosa mita bo dodia monia inta moraat.

KORINTUS 1 2:16

Sin kon bonu in Buk Motusi pinaisdon nanaa, “Ki inebí in mokotaau kon raian i Tuhan? Bo ki inebí in motaau mononggina kon i-Nia?” Táe pikiran i Kristus in oyúonbí kon inami!

YOHANES 15:15

Moiko in diá bidon oiníon-Ku ata, sin aka ata yo diábí kotaauannea onu in yogot aidan i tuangnea. Moiko in inoiní-Ku Yobayat, sin bayongan inta ain dinongog-Ku kon i Amá in pinotaau-Kudon kon i monimu.

AMOS 3:7

Ki Tuhan Inta Totok in moḷantud in diábí kon dodai in onda in mogaid kon oaidan-Nea aka diápa muna moponiata in tomayá-Nea kon nabi mita, mogogundoi-Nea.

MAZMUR 25:14

Ki Tuhan in yobayat in intau inta mopirisaya, Sia in moponiata in makusud-Nea kon i monia.

TAWARIKH 2 18:23

Dá minayádon in muna in ki Nabi Zedekia dinimiug kon i Mikha bo nonokap kon pogotnea poḷat noguman, “Umpaka Roho i Tuhan nonaḷámai kon inakó bo nosingog pinongin inimu?”

DATU MITA IMITÁNEA 22:24

Dá ki Nabi Zedekia in minayádon dinimiug kon i Mikha bo nonokap kon pogotnea poḷat noguman, “Diábí doman Roho i Tuhan monaḷámai kon inakó bo momaké kon inimu?”

AYUB 33:31

Dá indongogaidon Ayub, buká in bongoḷan kibio-biómai, akuoipa in mosingog in naa.

AYUB 21:22

Motaau degá in intau motundú kon i Allah, bokaka ki Allah tontaní inta mohakim kon mahaḷuk kon soroga?