YEREMIA 20:12 - Alkitab Singog In Mongondow Masa In Tanaa

¹² Táe, o Tuhan Inta Totok in mokawasa, takin aid moadil sinungkuḷan-Mu in intau; Kinotaauan-Mu in gina bo raian monia. Tuamai in ogoipa in akuoi moindoi kon ini-Mu motuḻí kon aid moraat in musung sin pelekaraku tanaa in poposarakankubí kon ini-Mu.

YEREMIA 20:12 Referans Kwoze

YEREMIA 11:20

Bo akuoi in nosambayang, “O Tuhan Inta Totok in mokawasa, Iko in hakim inta moadil; Ikobí in nonungkuḷ kon raian bo gina in intau. Pelekaraku tanaa in posingayowon-Ku kon ini-Mu. Igumon mako koontonganku in Iko motuḻí kon aid in intau mita tatua.”

MAZMUR 62:8

Siabí in ki Allah inta nobogoi kon inakó in kasaḷamatan bo kahoromatan, Sia tua in mogogoḻiungku bo mododuḷuku inta moropot.

MAZMUR 54:7

Sia in mohukumbí kon musungku pongin aid moraat monia tontaní, bo moyompat kon i monia sin Sia in mosatia kon inakó.

YEREMIA 17:10

Akuoi, ki Tuhan monaridi kon gina, bonu in dodob in intau ujion-Ku kon batúan in intau tuḻían-Ku podudui in dodianea, bo aidan-Ku podudui in oaidnea.”

MAZMUR 59:10

Ikobí in pangkoi in ropotku, akuoi in mongamang mako kon ini-Mu, Iko in tampat poḷoḷaguianku, o Allah.

MAZMUR 139:23

Tarididon in akuoi o Allah, doḷopdon in ginaku, tungkuḷaidon bo pokotaaudon in raianku.

MAZMUR 7:9

Iko in mohakim kon umat intau; pobayádon in inta moadil, o Tuhan, sin diábí kotaḷá in akuoi.

YEREMIA 17:18

Igumon mako intau inta nogaḷow bo nondorot kon inakó, pokopooyáan-Mumai bo poangoian-Mu in ondok. Táe dikabí intua poaid kon inakó, o Tuhan. Poangoidon in bodito kon i monia modapot in mosia morimumud moputú.

YESAYA 37:14

Ki Hizkia in notarima kon surat tatua nongkon totabá mita poḷat binacanea. Onda intua minayá in sia kon Baḷoi Tuhan bo nobuká kon surat tatua kon tayowon i Tuhan,

MAZMUR 17:3

Aka ujion-Mu in ginaku bo mamangoi monaridi kon inakó kon dodai in doḷom, yo mouḻí-Mubí kon motuḻid in ginaku; onu in siningogku noitombutungbí kon onu in iraiku.

MAZMUR 11:5

Ki Tuhan in nonungkuḷ kon intau mopia bo intau moraat, dinoí-Nea in intau inta moḻingá.

WAHYU 18:20

Ei soroga, koḷungangadon kon kinorimumudan in kotá tatua! Ei umat i Allah, rasul mita, bo bayongan in nabi koḷungangadon in gina! Sin ki Allah ain nohukum kon inia saḷaku tontuḻí in aidnea kon i monimu!

WAHYU 6:10

Mosia in nomaḷú noropot in noguman, “O Tuhan inta totok in Mokawasa, inta mokudus bo inta mobanar! Naondapa degá in koonggotnea bo adilon-Mu in intau mita kon dunia naa, bo hukumon-Mu in mosia inta noḻimod kon inami?”

WAHYU 2:23

Dumoduduinea mita in ḻimodon-Kubí doman sinbá kotaauandon in bayongan jamaat kon Akuoibí naa in Sia inta nonotaau kon raian bo gina intau. Bo moiko in tuḻían-Kubí podudui in aid monimu tontaní.

PETRUS 1 4:19

Manangka intua intau inta iroriga podudui in ibog i Allah, kobiagbí mokopotoḷutui in sia, bo posarakaidon in kobiagannea kon i-Nia inta nomia kon i monia, sin Sia in umuranbí mogaid kon onu inta ain pinodandi-Nea.

PETRUS 1 2:23

Wakutu in Sia sinibáan, Sia in diábí nonuḻí nonibá. Wakutu in Sia iroriga, diábí in Sia nodandi motuḻí; tua komintan in tongábí pinosarakan-Nea kon i Allah, Hakim inta totok i moadil tua.

YEREMIA 12:8

Umat inta piniḻí-Ku noḷawang kon i-Nakó; naonda bo singa kon kayuon natuata in mosia moganggor kon i-Nakó. Tuamai in Akuoi morongó kon i monia.

YESAYA 38:14

Singogku in motoyokdon bo moyangkó, naonda bo ḷagapan tarangkuku mogamui. Mataku in moḷopí popisí in ḷumangag kon ḷangit, Tuhan, poḷuatdon in akuoi nongkon roriga tanaa.

MAZMUR 86:4

Tuhan, poḷungangadon in gina in mogogundoi-Mu, sin ginaku in popotayowku kon ini-Mu.

SAMUEL 1 1:15

Táe ki Hana in notubag, “Akuoi in diábí noḷoḷangu, Amá, akuoi in beresibí diá nonginum kon anggur! Akuoi in kinodaitandon kamang, bo mosambayangmai mongonguman kon bayongan in rorigaku kon i Tuhan.

MAZMUR 58:10

Kon dodai in diápa kinotaauan, nodaitdon muna in mosia, naonda bo bonok dugi inta noḷunowpa bo diápa noḷantud nodait pinoḷayug in tompot, naonda bo pinomuḷa noingkag.