YEREMIA 2:10 - Alkitab Singog In Mongondow Masa In Tanaa

¹⁰ Bayádon pongin bingkí in dagat in Siprus kon dotá in toyopan, potabádon in intau mayá in dotá in utuan kon butá in intau in Kedar, taridiaidon kon tua kotaridion, mongo nokoimontandon in nobaḻí in natua?

YEREMIA 2:10 Referans Kwoze

MAZMUR 120:5

Moboditodon in akuoi popisí in musti mobiag moyotakinmu; diá in yoposinea naonda bo nogutun kon Mesekh, andeka kon sigad in intau in Kedar.

KORINTUS 1 5:1

Akuoi in sabanarnea nokodongog bidon kon lapuran kon naanta oyúon bidon kon sigad monimu in moibog mogaid kon inta mokotor: Oyúon in kon sigad monimu in nonuaḻing takin i inánea uatok. Intaupa inta diá nonotaau kon i Tuhan diábí doman mogaid kon natua!

DANIEL 11:30

Sin intau mita in Rum takin kapaḷnea mita in mamangoi nongkon Siprus bo momarang kon inia, dá angoiandon totok in ondok in sia. Bo mobuidon in sia takin tumorú totok bo moḷongasi morimumud kon agama in umat i Allah. Sia in dumuduibí kon tonggina in intau inta ain nomaḻidawan kon agama tatua.

YEHEZKIEL 27:6

Bobotoimu mita in pinomia nongkon pangkoi mita in kayu moḷoben kon Basan. Taḷogmu in pinomia nongkon kayu ḷokuyú, nongkon ḻibuton in Siprus, ḷambánea in pinomia nongkon gading inta nomahaḷ.

YESAYA 21:16

Bo ki Tuhan in noguman kon inakó, “Noitongkaná in totaongpa bo kotoyangan in suku mita Kedar in mopaḷutdon.

TAWARIKH 1 23:12

Ki Kehat in kogadí kon adí ḷoḷaki opat: ki Amram, ki Yizhar, ki Hebron bo ki Uziel.

TAWARIKH 1 23:1

Kon dodai in ki Daud nogoguyangdon totok dinuíneadon in ki Salomo nobaḻí datu in Israel.

TAWARIKH 1 1:7

Buí i Yawan in intau in Elisa, Spanyol, Siprus bo Rodes.

HAKIM MITA 19:30

Bayongan in intau inta nokoontong kon tua noguman, “Diápabí kon dodai in onda in aid nanaa in nobaḻí, pinangkoi kon umat in Israel iḻumuai nongkon Mesir dapot kon singgai in naa. Diábí motaau in tongá bio-bióon mako naton natua. Musti in kita moyosingog mongo onu in aidan naton!”

PINOGIAPAN 24:24

Táe nongkon Siprus mamangoibí in kapaḷ mita in parang, mosia in monaḷowbí kon Asyur bo Heber, onda intua kapaḷ mita in parang tatua moyopúbí doman.”

KINOBAḺIAN 25:13

Ki Ismael kogadí kon mopuḷú bodoyowá inta tangoion kon naa podudui in kinololahir monia: Ki Nebayot, ki Kedar, ki Adbeel, ki Mibsam, ki Misyma, ki Duma, ki Masa, ki Hadad, ki Tema, ki Yetur, ki Napis bo ki Kedma. Adí mita tatua nobaḻí mogoguyang in mopuḷú doman bodoyowá nosuku bangusa, ḻipú bo ḷoḷaigan monia in sinangoian podudui in tangoi mita monia.

DATU MITA IMITÁNEA 9:9

Bo intau in motubag, ‘Popisí in mosia nonaḷámai kon i Tuhan, Allah monia, inta ain nogatod kon mogoguyang monia iḻumuai nongkon Mesir. Mosia in nosumbadon kon ilah mita ibanea. Manangka intua pinopouma i Tuhan in bodito kon i monia.’ ”

YESAYA 23:12

Guman i Tuhan, “Ei kotá in Sidon! Iko in diá bidon mobarasanang bui. Intaumu mita in dinorotan. Umpaka in mosia noḷagui minayá in Siprus, diábí in mosia moaman.” (

YEREMIA 49:28

Naa in pinoguman i Tuhan soaḷ suku in Kedar bo butá mita inta kinawasa i Hazor, inta ain inagow i Nebukadnezar datu in Babel, “Ei Nebukadnezar, tubudon in suku in Kedar bo yopúdon in intau mita kon dotá in pomukaan!

YEHEZKIEL 5:7

Ki Tuhan Inta Totok in moḷantud in noguman, “Ei Yerusalem, Indongogaidon! Iko in diá notoindudui kon parenta-Ku mita bo hukum-Ku mita; pinomaḻidawanmu in noiḻiudon kon bangusa mita ibanea kon ḻibumumai, bo dinumuduidon kon adat kabiasaan in bangusa mita tatua.

DANIEL 11:18

Mopaḷut mako kon tua monubu in sia kon bangusa mita kon bingkí in dagat, bo mobayong in taḷowonnea. Táe tobatú itoi kon butá in intau in mopogogaibí in singkuḻe inta inaidannea tatua, nodapotbí in motuḻí kon pinoningkuḻeannea tatua kon inia.

YESAYA 23:1

Naadon in koyow soaḷ Tirus. Ei ḷoḷumeag mita in Spanyol inta noḻibu kon baḷangon, pogamuidon! Kon dodai in iḷumeag nobui nongkon Siprus, moiko in pinopotaauan kon kotá in Tirus ain norimumud. Totubuan bo baḷoimu mita ain nobaḻí apat.

YEHEZKIEL 16:16

Tongosilai in pakeangmu pinakému pinoḷambá kon tampat pososumbaanmu kon berhalamu. Iko in nobaḻí sundaḷ bo nobogoi in awakmu kon bayongan in ḷoḷaki.

YEHEZKIEL 27:21

Intau in Arab bo mongongawasa in butá in Kedar notaḷui kon pakakatmu mita nomaké in ki adí in domba, domba koḷakian bo bembé.