YEREMIA 18:6 - Alkitab Singog In Mongondow Masa In Tanaa

⁶ “Ei umat-Ku, umpaka dá diá in Akuoi mokoaid kon inimu ná inta inaidan in mogogaid kon kuyon tatua takin butá ḷamentongnea? Naonda bo butá ḷamentong kon ḻima in mogogaid kon kuyon, natua doman moiko in kon bonu in kawasa-Ku.

YEREMIA 18:6 Referans Kwoze

YESAYA 64:8

Táe Iko, o Tuhan, in ki Amá nami, kami in butá ḷamentong, bo Iko in nomia kon inami; kami komintan in aidbí in ḻima-Mu.

YESAYA 45:9

Moboditodon in intau inta mobobayowan takin i Inta nomaḻí kon inia; sia in naonda bo kuyon inta moḷawang kon intau inta nomia kon inia. Eta degá ḷamentong moḻibó kon mogogaid kon kuyon, “Koyogot mongonu in iko?” Degá kuyon mogamui kon inta nogaid kon inia in diá motaau?

YEREMIA 18:4

Aka kuyon inta koyogot inaidannea tua diá totok in mopia, dá buionnea pomiaan mobaḻí kuyon inta ibanea podudui in kinoibognea.

MATIUS 20:15

Degá diá motaau in akuoi in mopomaké in kapunyaanku podudui kon onu in koibogku? Andeka moyaat degá in ginamu, aka akuoi mogaid kon inta mopia kon intau ibanea?’ ”

DANIEL 4:23

Ki Tuangku in nokoontong doman kon malaekat tobatú noponag nongkon soroga bo noguman, ‘Pupuḷdon in pangkoi in kayu tanaa bo yompatdon, táe pomayádon mako in tuodnea moimuḷa mako kon butá. Togotdon in rante uatoi bo bitú bo taḷaaidon kon rawang in bonok. Pomayádon mako in sia mobuntad in oḷú bo mobiag moyotakin in mahaḷuk mita kon bonu in pitu notaong.’

SURAT I PAULUS KON JAMAAT RUM 11:34

Kon bonu in Buk Motusi ain pinais nanaa, “Ki ine in nonotaau kon raian i Tuhan? Ki ine in motaau mononggina kon i-Nia?

YEREMIA 18:5

Bo ki Tuhan in nopotabá kon inakó noguman kon umat in Israel,