YEREMIA 17:6 - Alkitab Singog In Mongondow Masa In Tanaa

⁶ Sia in naonda bo pinomuḷa inta nobiag kon rawang, kon tudu in butá noḷogat, noingongow bo noibung, diá kon dodai in onda in sia in mokorasa kon kopiaan.

YEREMIA 17:6 Referans Kwoze

AYUB 20:17

Diábí konanamannea in ḷana in zaitun inta mobayong totok, andeka susu bo biluk inta moiḻimpo-ḻimpó.

MAZMUR 1:4

Noyoḻiu kon tua in intau moraat: sia in naonda bo baḻeká inta inirup pinorarit in tompot.

ULANGAN 29:23

Gobámu mita in mobaḻídon butá inta moingkag bo kokoḷoban in balerang bo simuton. Butánea in diádon motaau bunakan bo bonok in diádon mobiag kon tua. Butámu in mobaḻídon ná kotá mita in Sodom bo Gomora, Adma bo Zeboin inta iyompat i Tuhan kon dodai in noyaat totok in gina-Nea.

YEREMIA 48:6

Guman monia, ‘Koḷamemet! Posaḷamatdon in nyawamu! Poḷaguidon ná keledai kaḻig kon gurun!’

AYUB 39:6

Ogoiku kon inia in rawang mobaḻí baḷoinea bo padang gurun mita mobaḻí tampat pogogutunannea.

ZEPANYA 2:9

Podoyon kon i-Nakó inta nobiag, ki Allah in bangusa in Israel, Akuoi in moyompatbí kon bayongan in Moab bo Amon naonda bo Sodom bo Gomora. Butá mita tatua in mopuḻingbí in ḻimbuong mita in simuton bo apug mita inta mononoi inta kinobiagandon in bo bonganga. Kiagat in umat-Ku inta nokoḷagui in mogagowbí kon intau inta nogutun kon tua, bo mogagow kon butá monia.”

HAKIM MITA 9:45

Kinoouputbí in singgai ki Abimelek noparang bo nogagow kon kotá tatua; intau mita inta nogutun kon tua in iḻimod, bo kotánea in irimumudnea onda intua sinabudan in simuton.

YEHEZKIEL 47:11

Táe tubig kon rawa mita bo paya-paya kon kinoouput in pintad tatua in diábí moḻiau, táe umuranbí podapugan kon simuton.

YESAYA 1:30

Mosia in mobaḻíbí naonda bo pangkoi in kayu moḷoben inta noḷaḷow in daunnea, bo naonda bo gobá inta diá binonuan in tubig.

MAZMUR 92:7

Intau bodok in diábí mokodoḷop, intau dondunguḷ in diábí mokotaau kon tua.

DATU MITA 2 7:2

Itoi in tontara inta moḷoḷukad kon i datu in notubag, “Naondabí! Diábí kumaan kon akaḷ intua, umpakabí kon tanaa mako doman ki Tuhan in mopoangoi in uyan morogot nongkon ḷangit!” “Bain indoianmu tontaní in kobaḻían intua, táe iko in diábí moikaan kon kaanon tatua umpaka tongá topiḻikmai,” tubag i Elisa.

MAZMUR 107:34

Butá mopia binaḻí-Nea rawang simuton, popisí in aid moraat in intau mita inta nogutun kon tua.

YEREMIA 29:32

bo popisí in sia ain nopotabá kon i monimu moḷawang kon i-Nakó, dá Akuoi in mohukumbí kon inia bo buínea. Diábí tobatúmai in nongkon sigad monia inta mogutunpa kon sigad monimu sin moindoi kon inta mongopia inta aidan-Ku kon bayongan umat-Ku. Akuoi, ki Tuhan, ain nosingog.”