YEREMIA 17:25 - Alkitab Singog In Mongondow Masa In Tanaa

²⁵ Aka moiko totu-totuu mopobayá in parenta-Ku mita tatua, dá datu mita bo pojabat mita inta nomarenta ná ki Daud in tumuotbí kon bonawang mita in kotá in Yerusalem. Mosia moyotakin in intau in Yohuda bo intau in Yerusalem, in tumakoibí kon roda inugut in kabaḷo, dá kotá in Yerusalem moramedon totok.

YEREMIA 17:25 Referans Kwoze

YEREMIA 22:4

Aka moiko totu-totuu mopobayá in parenta-Ku mita tatua, dá datu mita inta nomarenta ná tai Daud in tumuotbí kon bonawang mita in komaḻig tanaa. Mosia in moyotakin in pogawai mita bo rayat monia in tumakoibí kon kereta bo kabaḷo.

YESAYA 9:7

Ki Tuhan ain nopoḷabú in hukuman kon dodatuan in Israel.

IBRANI 12:22

Tongá aka moiko namangoidon in Buḷud Sion bo kotá i Allah inta nobiag, tuata in Yerusalem inta kon soroga takin ribuan malaekat-Nea.

YEREMIA 33:21

Natua doman in Akuoi ain nomia kon dodandian takin i mogogundoi-Ku ki Daud, kon nongkon buínea tantúbí oyúon in intau inta mobaḻí datu, bo Akuoi in nomiadon kon dodandian takin imang mita buí i Lewi kon mosia in umuranbí mogundoi kon i-Nakó. Dodandian mita tatua in diábí motaau popatan.

YEREMIA 33:17

Akuoi, ki Tuhan, modandi kon umuran oyúon in intau tobatú nongkon buí i Daud inta mobaḻí datu in Israel;

YEREMIA 33:15

Kon dodai intua intau moadil tobatú nongkon buí i Daud in piḻíon-Kubí mobaḻí datu. Datu tatua in mogaid kon onu inta moadil bo inta totuu kon sinangkub in butá.

SAMUEL 2 7:16

Iko in umuranbí mokouḻí kon buí, bo baḻíon-Kubí in dodatuanmu tantú moisindog mako. Kinoouputbí in dunia naa intau tobatú nongkon buímu in momarenta mobaḻí datu.’ ”

YEREMIA 22:30

“Intau tatua ain sinantú kon kobuḻian in adínea mita bo umuran mosisí in kon kobiagannea. Nongkon buínea diábí in mokodapot kon inta mopia in kon bonu in pomarentaan kon Yohuda saḷaku datu buí i Daud. Akuoi ki Tuhan, ain nosingog.”

YEREMIA 13:13

Dá pogumandon kon i monia kon intau mita kon butá tanaa, datu mita buí i Daud, imang mita, nabi, bo bayongan in intau in Yerusalem in bonuan-Ku kopuḻingon in anggur modapot in moḷoḷangu.

SAMUEL 2 8:4

Ki Daud in nodomok kon 1.700 in tontara inta sinumakoi kon kabaḷo bo 20.000 in tontara inta minaya-mayá in sioḷ. Pinengkoḷannea in bayongan kabaḷo, koḻikudon in tongosilai, inta tugat pakéon kon kereta in parang mogatut.

SAMUEL 1 8:11

“Nanaa in bain popoaid i datumu kon i monimu,” natuata in pinogoginsilang i Samuel. “Pakisaanneadon in ki adímu mita tumuot in tontara; tongosilai nongkon i monia mobaḻí tontara inta tumakoi kon kereta, tongosilai doman in kon kabaḷo, bo ibanea mako in tontara inta maya-mayá in sioḷ.

ULANGAN 17:16

Datu in diábí motaau kokabaḷo mobayong sin pakéon in tontaranea bo diábí motaau mopotabá kon bangusa tanaa in bui mayá in Mesir sin motaḷui kon kabaḷo, sin ki Tuhan ain noguman kon umat-Nea in diábí motaau mayá bui in butá tatua.

IḶUAIAN 12:14

Singgai tatua musti toropon monimu mobaḻí singgai moḷoben kon i Tuhan. Bo singgai tatua musti umuran toropon monimu poḷat baḻíon monimu singgai moḷoben muḷoi in taong.”

YEREMIA 25:5

Mosia in nopotabá kon i monimu monaḷámai kon gogutúmu inta moraat, bo oaidmu mita inta dinosa, sinbá moiko in umuran mogutun kon butá inta ain inogoi i Tuhan kon inimu bo kon mogoguyangmu mobaḻí kapunyaan monimu tontaní.

YEREMIA 7:7

Aka moiko momaḷui kon kobobiagmu bo dodiamu poḷat mogogai in mogaid kon bayongan intua, yo moiko in ogoi-Kubí mogutun motantú kon butá tanaa inta ain inogoi-Ku nobaḻí butá in mogoguyangmu.