YEREMIA 15:10 - Alkitab Singog In Mongondow Masa In Tanaa

¹⁰ Totuu mosoe in akuoi naa! Onubí in mangaḻe in pinononggadían i ináku kon inakó? Akuoi in mustibí morogenggeng takin bayongan in intau. Umpakabí diá kon dodai in onda in akuoi mopoḷuan andeka moḷuan, táe akuoi in inodi-odian in bayongan intau.

YEREMIA 15:10 Referans Kwoze

LUKAS 6:22

Pia in kamang in moiko aka moiko sinaturu, diá sinarima, siningkuḻe bo pinoponapudan doman in uboḷ, sin popisí in moiko dumodudui i Adí Intau!

IḶUAIAN 22:25

Aka moiko mopoḷuan in doit kon intau bogá inta kon sigad in bangusa-Ku, yo dikabí naonda bo mononagi kon boḻi inta moigum doman kon kauntungannea.

LUKAS 2:34

Ki Simeon nomarakat kon i monia bo noguman kon i Maria ki iná in Adí tatua, “Adí tanaa aindon piniḻí i Allah sin momutú bo moposaḷamat kon moantó intau Israel. Sia in mobaḻí tanda nongkon i Allah, inta bayowan in moantó intau,

MATIUS 24:9

Kon wakutu intua moiko in poposarakan sinbá rorigaan, bo moiko in ḻimodon bo saturuon in bayongan intau sin moiko in dumodudui-Ku.

MATIUS 5:44

Táe tanaa Akuoi in moguman kon inimu: kotabibí in saturumu bo sambayangaidon in mosia inta nomogutú kon inimu,

YEREMIA 15:20

Iko in baḻíon-Ku naonda bo dinding porunggu kon i monia. Mosia in momarang kon inimu, táe diábí mokotaḷow kon inimu. Takinan-Kubí in iko sin moḷukad bo moposaḷamat kon inimu.

AMSAL 26:2

Ná ḷagapan inta iḷumayug bo modondaḷoi kon ḷokutoi, natua doman in odi-odi diábí moitugat kon intau inta diá kotaḷá.

MAZMUR 109:28

Umpaka mosia in mongutuk kon inakó, igumon mako Iko in momarakat kon inakó. Umpaka simindog in mosia, mosia in pokopooyáanbímai; táe igumon mako akuoi, mogogundoi-Mu, poḷungangaan in gina.

MAZMUR 15:5

bo mopoḷuan in doit bo diá moigum kon rente; inta doí motarima kon doit pomompon kon bibig sin moporugi kon intau inta diá kotaḷá. Intau inta mogaid kon natua, umuranbí mobiag moodom.

DATU MITA IMITÁNEA 22:8

Ki Ahab notubag, “Tobatúpa, ki Mikha ki adí i Yimla. Táe mobú in akuoi kon inia, sin diábí kon dodai in onda in sia in moguman kon onu in mopia in mobaḻí kon inakó; tantúbí inta diá mopia.” “Uḻe, dikabí natua!” tubag i Yosapat.

DATU MITA IMITÁNEA 21:20

Naonda in ki Ahab nokoontong kon i Elia, sia in noguman, “Ei musung, imbuitnea nouḻímudon in akuoi!” “Totuu,” tubag i Elia. “Sin ki Tuang in takin ḻimbatú in gina nogaid kon inta moraat kon tayowon i Tuhan,

IMAMAT 25:36

Dika moigum kon kauntungan nongkon onu inta pinoḷuanmu kon inia, táe kotoguondokbí in moiko kon i Allahmu, bo pomayádon mako intau tatua mobiag kon sigad monimu. Dika doman motayak kon kauntungan aka moiko mopotaḷui in kaanon kon inia.

OUMAN IN RASUL MITA 28:22

Táe kami in moibogbí doman mokidongog nongkon inimu tontaní kon onu inta pinirisaya bo sinundúmu tua sin ain dinongog nami komintan, kon bayongan inta sinundúmu bo inta pinirisayamu nion tatapbí bayowan monia kon ondakabí in bayáanmu.”

MAZMUR 69:4

Akuoi in kopia mokuani nodapot in noḷopídon totok bo noingkagdon in sigogowku. Mataku in mopomporí in mogoḷat mako kon totuḷung i Allahku.

HABAKUK 1:3

Nongonu sin tongábí pomayá-Mu mako in akuoi in mokoontong kon námai tua in kobayong in aid moraat? Yo umpaka dá mokotahang in Iko in mokoontong kon námai tua in aid diá moitutui? Kon bayongan in tampat oyúon in porimumudan bo aid motontogat, poropatoian bo yogenggengan.