YEREMIA 14:22 - Alkitab Singog In Mongondow Masa In Tanaa

²² Dewa mita in bangusa mita diá mokopoḷabú in uyan kon butá. Ḷangit in diábí doman mopoḷabú monag in uyan podoyon kon kawasanea tontaní. Tongábí Iko in andoḷan nami. Inaidan-Mu intua komintan nobaḻí.

YEREMIA 14:22 Referans Kwoze

YOËL 2:23

Ei rayat in Sion, koḷungangadon in gina! Kosanangdon in gina bo porogiowdon! popisí in bayongan in inta mopia nongkon i Tuhan Allahmu. Kon sempo in pononotak inogoiannea in uyan inta tugat kon inimu. Kon sempo in tumping uyan pinoonag-Nea, ná doman tua in kon sempo in pononubú ná dungkuḷmai.

YEREMIA 5:24

Diábí kon dodai in onda in kinotoropan monimu in mohoromat kon i-Nakó, bokaka Akuoibí in inta nopoangoi in uyan, Akuoi doman in nobogoi kon inimu in sempo in posipunan kon boyó muḷoi in taong.

MAZMUR 135:7

Nongkon popod in butá Sia nopoangoi in goḷom, pinomia-Nea in kilat kon uyan. Bo pinarentaan-Nea in tompot sinbá ḷumuai nongkon tampat pinotagúan-Nea.

YESAYA 30:23

Aka moiko bo momunak, ki Tuhan in mopoangoi in uyan sinbá mobiag in pinomuḷamu tatua bo mobogoi in bungainea inta mobarong totok. Bo kon bobiagonmu in sadiaandon in bonok pongaanan monia inta mobendar.

ULANGAN 32:21

Pinomia monia in Akuoi nointoi kon inta deeman Allah, bo sinumorú kon patong in berhala monia. Dá binaḻí-Ku in umat-Ku nointoi kon inta deeman bangusa-Ku, bo sinumorú kon bangusa inta pompuḷong.

YEREMIA 51:16

Tongá pinongin parenta, nogonugurdon in tubig kon toḷungayá. Nongkon popod mita in butá pinoangoi-Nea in goḷom, bo binaḻí-Nea in kilat nonindar kon bonu in uyan, bo pinopoangoi-Nea in tompot nongkon pinotagúan-Nea.

YEREMIA 16:19

Tuhan, Ikobí in inta noḷukad kon inakó bo nobogoi in ropot kon inakó; Iko in notuḷung kon inakó kon dodai in nororiga. Bangusa mita nongkon popod in butá in mamangoibí kon ini-Mu bo moguman, “Mogoguyang nami in tongábí oyúon in ilah uboḷ inta totokbí in diá in mangaḻenea.

YEREMIA 10:15

Berhala mita tatua diá koboḻi, patusbí in singkuḻeon bo poompáanmai. Aka moiangoi in wakutunea mosia in moyopúbí.

YESAYA 41:29

Totuu, dewa mita tatua diá in baragunanea, mosia tua in tongábí patong pinomia inta diá kodaya, bo diábí mokoaid kon onu bo onu.”

MAZMUR 130:5

Akuoi in mogoḷat mako kon totuḷung i Tuhan, dandi-Nea in inamangku mako.

MAZMUR 25:21

Poigumon mako kopiaan bo kojojujur moḷukad kon inakó, sin akuoi in mongamang kon ini-Mu.

DATU MITA IMITÁNEA 17:14

Sin ki Tuhan, Allah inta sinumba in intau in Israel, in noguman kon palo tatua in umuranbí doman kon bonu in topong, bo botoḷ tatua in umuranbí doman kon bonu in ḷana modapot kon singgai ki Tuhan mopoonagdon in uyan kon butá.”

DATU MITA IMITÁNEA 17:1

Oyúon in nabi tangoinea in ki Elia. Sia in nongkon Tisbe, kotá tobatú kon butá in Gilead. Kon singgai tobatú namangoi in sia kon i Datu Ahab bo noguman, “Pinodoyon kon i Tuhan inta nobiag, Allah inta sinumba in intau in Israel bo inta pinogundoianku, akuoi in mopotaau in naa kon i Tuang, kon bonu in doyowa andeka toḷu notaong moiduduimai naa in diábí in oḷú andeka uyan tongopiḻikmai, koḻikudbí in aka pogumankudon.”

ULANGAN 28:12

Ki Tuhan in mopoangoibí in uyan kon wakutunea nongkon tampat pinotagúan-Nea inta mobayong totok kon ḷangit. Sia in momarakatbí kon bayongan totayakmu, dá moiko in motaaudon mopoḷuan kon mobayong in bangusa, táe moiko tontaní in diá bidon paraḷu moḷuan.

MIKHA 7:7

Táe kita in mongamang mako kon i Tuhan; pinodoyon kon koyakinan moḻimbatú kita in mogoḷat mako kon i Allah naton. Sia in mokidongogbí kon sambayang naton bo moposaḷamat kon i naton.

AMOS 4:7

Diá pinoonag-Ku in uyan kon tungkuḷ in pinomuḷamu moparaḷudon kon tubig. Akuoi in nopoonag in uyan kon kotá tobatú bo diábí in kon kotá ibanea. Gobá tobatú in inonag in uyan, táe gobá ibanea in noingkag.

YEREMIA 10:13

Pinodoyon kon parenta, nomungkaurdon in tubig kon toḷungayá. Nongkon popod mita in dunia pinoangoi-Nea in goḷom, bo binaḻí-Nea in kilat nonindar kon bonu in uyan, bo pinotabá-Neadon mangoi in tompot nongkon tampat pototagúan-Nea.

YESAYA 30:18

Umpaka natua, ki Tuhan in mogoḷatbí mako kon wakutunea mopoontong in totabi-Nea kon inimu. Sia in tantúbí nosadia in monotabi kon inimu. Sin ki Tuhan in Allah inta nogaid kon onu inta noitutui. Pia in kamang in intau inta inumandoḷ mako kon i-Nia.

MAZMUR 147:8

Siabí in nopoukat in goḷom kon ḷangit; Sia in nosadia kon uyan poonag kon butá, bo nomiag bui kon bonok kon tombuḷud.

MAZMUR 27:14

Pongamangdon kon i Tuhan, iropotai bo irotonai in ginamu; oo, pongamangdon kon i Tuhan!

MAZMUR 25:3

Intau inta nonoḻikud kon ini-Mu in pokopooyáanbímai, táe inta mopirisaya kon ini-Mu in diábí pokudaion.

AYUB 5:10

Sia in nopoangoi in uyan kon tudu in butá, dá gobá bo rawang nobuntad sin kinouyanan.

DATU MITA IMITÁNEA 18:1

Naonda in diá noonggot kon tua, kon taong nogintoḷu kon tungkuḷ in poninggai, ki Tuhan noguman kon i Elia, “Bayádon kon tayowon i Datu Ahab, diádon moonggot poonag-Kudon in uyan.”

DATU MITA IMITÁNEA 8:36

igumon mako in nongkon soroga in Iko moibogpa mokidongog kon i monia. Bo ampungaipa kaasí in dosa in umat-Mu Israel bo in datu monia. Tundúdon in mosia momia kon onu inta moitutui. Mopaḷut mako kon tua, o Tuhan, popoangoidon in uyan kon butá-Mu tanaa, butá inta inogoi-Mu kon umat-Mu sin mobaḻí kapunyaan monia mononoi.

MATIUS 5:45

aka moiko mogaid kon natua yo moiko in mobaḻí ki adí mita i Amámu inta kon soroga. Sin ki Allah in mobogoi mata in singgai-Nea kon intau moraat bo kon intau mopia bo Sia doman inta mobogoi in uyan kon intau inta mobanar bo kon intau inta mouboḷ.

YEREMIA 5:12

Umat i Tuhan in noguman kon inta diá totuu soaḷ ki Tuhan. Mosia in noguman, “Ah, Sia in diábí momia kon onu bo onu. Kita in diábí kotugatan in bodito bo diábí doman koumaan in parang andeka gogoyon.

YEREMIA 10:3

Adat kabiasaan in bangusa mita tatua totokbí in diá in mangaḻenea. Mosia in momupuḷ kon kayu kon kayuon, bo mopotabá kon mogogimok mokipomia in patong berhala.

HOSEA 2:7

Sia in momatukbí kon intau mita inta kinoibognea, táe diábí mokodapot kon i monia. Sia in motayakbí kon i monia, táe diábí mouḻínea in mosia. Bo sia in moguman, ‘Akuoi in mobuibí mangoi kon i buḷoiku inta muna; kobobiagku dungkuḷmai in mopia-pia nongkon tanaa mako.’

AYUB 28:26

kon dodai in sinantú-Neadon in tampat koḷabúan in uyan, bo daḷan inta sinaḻiban in kilat bo gotup;

YEREMIA 10:12

Ki Tuhan in nomaḻí kon butá pinongin kawasa-Nea, nomia kon dunia pinongin hikmat-Nea, bo nomukat kon ḷangit pinongin pandoi-Nea.

MIKHA 5:6

Intau in Israel inta ki agatneapa in mobaḻídon naonda bo oḷú moonow nongkon i Tuhan kon mobayong in bangusa, bo naonda bo uyan nomonag kon pinomuḷa. Mosia in umandoḷbí kon i Allah, bo deeman kon intau.