YEREMIA 11:7 - Alkitab Singog In Mongondow Masa In Tanaa

⁷ Tungkuḷ in Akuoi nodia kon mogoguyang monia iḻumuai nongkon Mesir, Akuoi in nodandi totok kon i monia sinbá motoindudui kon i-Nakó. Nodapot in singgai naa Akuoi tantúpabí doman nopotoingat kon umat-Ku kon tua,

YEREMIA 11:7 Referans Kwoze

TAWARIKH 2 36:15

Ki Tuhan, Allah in mogoguyang monia, aindon nopobui-buimai in mopotabá in totabá-Nea sin mobogoi in tompoingat kon umat-Nea, sin motabi in Sia kon i monia bo kon baḷoi-Nea.

EPESUS 4:17

Tuamai in podoyon kon tangoi i Tuhan, naa in singogku bo ponoropku: donaai in mobiag naonda bo intau inta diá nonotaau kon i Allah bo tongá morai kon inta diá in mangaḻenea.

SAMUEL 1 8:9

Tuamai in duduiaidon onu inta pinoigum monia; táe ogoiaidon in mosia in tompoingat totu-totuu, bo potaau kon i monia naonda in popoaid i datu kon i monia.”

IḶUAIAN 15:26

Guman i Tuhan, “Totu-totuudon dudui kon i-Nakó, bo aidaidon in onu inta ontongon-Ku mopia; duduiaidon in bayongan parenta-Ku. Aka aidan monimu intua, yo moiko in diábí hukumon-Ku poumáan in takit ná inta pinouma-Ku kon intau mita in Mesir. Akuoibí in ki Tuhan inta nonompia kon i monimu.”

TESALONIKA 2 3:12

Podoyon kon kawasa i Tuhan Yesus Kristus, kami in mobogoi in tompoingat bo tonggina kon intau mita natua, sinbá mosia in umuran tumompia bo mogaid kon oaidannea, sahingga sia in mokaan in sia kon bungai in ḷopínea tontaní.

YEREMIA 35:15

Tantúbí in Akuoi mopotabá kon i monimu in bayongan mogogundoi-Ku nabi mita, bo mosia in nonongginadon kon i monimu kon bá monombaḷui kon oaidmu bo mogogai in mogaid kon inta moraat. Mosia in mobogoi in toingat kon i monimu sinbá diá mosumba kon ilah mita ibanea bo diá doman mogundoi kon i monia, sinbá moiko in umuran motaau mogutun kon butá tanaa inta ain inogoi-Ku kon inimu bo kon mogoguyangmu. Táe moiko in doíbí moindoimai bo doí mokidongog kon i-Nakó.

YEREMIA 25:4

Ki Tuhan in umuran doman mopotabá mangoi kon inimu in nabi mita mogogundoi-Nea, táe moiko in doíbí mokidongog bo monaridi kon i monia.

YEREMIA 11:4

Dodandian tatua in inaidan-Ku takin mogoguyang monia kon dodai in mosia dinia-Ku iḻumuai nongkon Mesir, ḻipú inta naonda bo naraka kon i monia. Akuoi in nopotabá kon i monia tumoindudui kon i-Nakó bo mogaid kon bayongan inta pinarenta-Ku. Tanaa in pinoguman-Kudon doman kon intau mita in Yohuda bo intau in Yerusalem kon aka mosia bo motoḷutui kon i-Nakó yo mosia in mobaḻí umat-Ku bo Akuoi in ki Allah monia.

YEREMIA 7:13

Umpaka mopobui-buimai in Akuoi mosingog kon inimu, moiko in doíbí mokidongog. Moiko in mogaidbí kon bayongan in dosa tatua, bo doí tumubag aka oiníon-Ku.

ULANGAN 30:20

Kotabibí in ki Tuhan Allahmu, duduiaidon in Sia, bo pokosatiadon kon i-Nia. Dá moiko bo buímu in mobiag moumur kon butá inta pinodandi i Tuhan kon mogoguyangmu, ki Abraham, ki Ishak bo ki Yakub.”

ULANGAN 12:32

Aidaidon in bayongan inta pinoki aidku kon inimu; dika dugangan ande gaatan.

ULANGAN 8:6

Dá aidaidon in bayongan inta pinarenta i Tuhan Allahmu. Kobiagdon podudui in hukum-Nea mita bo horomatdon in Sia.

ULANGAN 6:2

Moiko bo buímu musti umuran mohoromat kon i Tuhan Allahmu bo dumudui kon bayongan hukum-Nea inta pinotaauku kon inimu, sinbá moumur in kobiagan monimu kon butá tatua.

ULANGAN 5:29

Tungkuḷaika aka mosia tua bo umuran natua in porasaan! Tungkuḷai aka mosia umuran mohoromat kon i-Nakó bo motoindudui kon bayongan in parenta-Ku, modapot in mosia bo buí monia umuran mobiag motompia!

ULANGAN 4:6

Aidai intua pokosatia. Aka aidan monimu in natua, dá kobobijaksanamu in moniatadon kon bangusa mita ibanea. Aka kodongogandon monia in hukum mita tatua, yo mosia in mogumanbí nanaa, ‘Totuu mobijaksana bo mopandoi in bangusa inta moḷoben tatua!’

YEREMIA 25:3

“Kon bonu in doyowa nopuḷú bo toḷu notaong, pinangkoi kon taong impuḷú bo toḷúnea kon pinomarentaan i Yosia adí ḷoḷaki i Amon kon Yohuda, nodapot in singgai naa ki Tuhan in noguman kon inakó bo diábí kon dodai in onda in diá pinogumanku kon inimu onu inta ain pinoguman-Nea. Táe moiko in diá nopandungmai.

YEREMIA 31:32

Táe dodandian tatua in deemanbí ná dodandian inta pinomia-Ku takin mogoguyang monia kon dodai in mosia kinapit-Ku iḻumuai nongkon Mesir. Umpaka in Akuoi naonda bo ki buḷoi monia ḷoḷaki, táe mosia in nonoḻikud kon dodandian-ku takin i monia.

YEREMIA 35:14

Ki Yonadab in nogimaḷow kon buínea in monginum kon anggur, bo mosia in motoindudui kon imaḷow tatua. Nodapot in singgai naa diá tobatúmai in intau nongkon i monia in nonginum kon anggur. Táe Akuoi in tantúbí mosingog kon i monimu, bo moiko in doí mokidongog.

ZAKHARIA 1:4

Dikadon ná mogoguyangmu. Dungkuḷmai nabi mita nopotaau in koyow-Ku kon i monia sinbá mosia in dikadon bui mogaid kon inta moraat bo dosa. Táe diá in mosia nopandungmai bo doí tumoindudui kon i-Nakó.

DATU MITA 2 17:13

Ki Tuhan in nopotabá in totabá mita bo nabi-Nea mita namangoi kon umat in Israel bo Yohuda sin mopotaau in tompoingat tanaa: “Pogogaidon in mogaid kon inta moraat bo duduiaidon in bayongan in parenta bo hukum inta inogoi-Ku kon mogoguyangmu bo kon inimu pinongin nabi mita, mogogundoi-Ku mita tatua.”

YEREMIA 32:23

Táe naonda in mosia namangoi in butá tanaa bo nogagow, mosia in diábí notoḷutui kon parenta-Mu mita, bo diá nobiag podudui in totundú-Mu mita. Bayongan inta pinarenta-Mu kon i monia diá tobatúmai in inaidan monia. Tuamai in pinopoangoi-Mu in bayongan bodito tanaa kon i monia.

YEREMIA 34:14

Akuoi in noguman kon bayongan in ata Ibrani inta ain nobaḻí ata onom notaong in koonggotnea, musti poḷuaton kon imbuit in taong impitunea. Táe mogoguyangmu in doíbí noindoimai andeka nokidongog kon onu inta pinoguman-Ku tatua.

HOSEA 4:1

Oyúon in pelekara i Tuhan kon intau inta nogutun kon butá tanaa. Ei Israel, indongogai onu in pinoguman-Nea, “Kon butá tanaa diádon in motoindudui andeka motabi, bo Akuoi in diá bidon ḷabiton monia saḷaku ki Allah monia.

HOSEA 5:1

Ki Tuhan in noguman, “Indongogaidon, ei imang mita! Taridiaidon, ei intau in Israel! Indongogai, ei intau mita buí in datu! Hukuman in pinoḷabúdon kon i monimu. Sin, mustibí mokopoadil in moiko in monisig, táe noyotuuidon, moiko in nobaḻídon ná poyogaḷap kon Mizpa, naonda bo potait kon Buḷud in Tabor,