YEREMIA 11:23 - Alkitab Singog In Mongondow Masa In Tanaa

²³ Akuoi in nonantúdon kon wakutunea mopoangoi in bodito kon intau mita in Anatot, bo aka moiangoidon in hukuman kon i monia tua yo diábí tobatúmai in kotaḻiban.”

YEREMIA 11:23 Referans Kwoze

YEREMIA 23:12

Tuamai, daḷan monia in morondogbí bo mosindip, dá moipintud in mosia bo moḷabú. Akuoi in mopoangoibí in bodito kon i monia, aka moiangoidon in wakutunea mohukum kon i monia. Akuoi, ki Tuhan, ain nosingog.

LUKAS 19:44

Rimumudon monia in iko takin intaumu mita inta nogutun kon naa; bo diábí in tobatúpamai in batu in pomayápa mako monia in moitudu motompia kon tampatnea. Sin diábí in kon ginamu mako in ki Allah in mamangoi moposaḷamat kon inimu!”

MIKHA 7:4

Inta totok in mopia bo inta totok in motuḻid nongkon i monia naonda bo bonganga inta diá in mangaḻenea. Noidapotdon in wakutunea ki Allah in mohukum kon i umat-Nea ná inta ain pinotoingat-Nea kon i monia pinongin in nabi-Nea mita. Tanaa in nomukádon in kinotombaukan kon sigad monia.

HOSEA 9:7

Noiangoidon in wakutunea pohukuman, wakutu motarima kon tontuḻínea kon bayongan in oaid. Israel in mokonanambí kon tua! Moiko in moguman, “Nabi inta kinawasa in roho tanaa in dondunguḷ! Nobundai in sia!” Moiko in noguman natua sin moiko in doí totok kon inakó bo dosamu in totuu moḷoben.

YEREMIA 50:27

Ḻimodon komintan in tontaranea! Patoi in mosia! Moboditodon in bangusa in Babel! Notompodon in wakutunea mosia in hukumon!” (

YEREMIA 48:44

Intau inta moḷagui nongkon gogondok in moḷabúbí kon bonu in bubú, bo inta ḷumuai nongkon bubú tatua in kodomokanbí in poyogaḷap. Tua mita in mobaḻíbí kon wakutu inta ain sinantú-Ku kon morimumud kon Moab.

YEREMIA 46:21

Nodapot in tontara mita inta sinoko tondanannea in diádon mokopongonu nádon ki adí in sapi inta noiḻiudon in ḷongó. Mosia in diádon mokotongod. Komintan momurow bo moḷagui sinbá mosaḷamat. Singgai pohukuman kon i monia in noyaputdon; wakutuneadon mosia koantugan in bodito.

YEREMIA 44:27

Ḷongasion-Kubí sinbá mobodito in moiko bo diá mosanang, modapot in moiko matoi komintan, pinomayá matoi in parang andeka popisí in yampoi in takit.

YEREMIA 11:19

Akuoi in naonda bo domba inta diábí in curiga dinia kon tampat pororataan. Diábí kinotaauanku kon akuoibí inta nobaḻí makusud in tomayá mita moraat monia. Mosia in noguman, “Igai pupuḷon naton in pangkoi in kayu tanaa kon dodai in sia in momungaipa; yopúon naton in sia sinbá tangoinea in ḻiongondon in intau.”

YEREMIA 8:12

Ei umat-Ku, sabanarnea in mustibí in moiko mooyá sin nogaidon kon bayongan inta mokooyá tua! Táe moiko in mobunod in pogot bo diá kooyá. Tuamai in moḷabúbí in moiko ná intau ibanea inta ain noḷabú; mopopatdon in ouman kinobiaganmu aka hukumon-Kudon in moiko.

YEREMIA 6:9

Ki Tuhan Inta Totok in mokawasa in noguman kon inakó, “Israel in bangkuḷuganbí modapot in naonda bo gobá in anggur inta bungainea in sinipúdon komintan. Tuamai, kon tungkuḷ in oyúonpa in wakutu, posaḷamatdon in kiagatnea.”

YEREMIA 5:29

Táe, Akuoi, ki Tuhan in mohukumbí kon i monia popisí intua komintan; Akuoi in motuḻíbí kon aid mita in bangusa mita tanaa.

YEREMIA 5:9

Degá diá patus in Akuoi in mohukum kon bangusa inta natua bo motuḻí kon onu inta ain pinomia monia?

OBAJA 1:18

Umat-Ku Israel in nádon tuḷú inta momokak kon bayongan buí i Esau, naonda bo tuḷú momokak kon bayongan in wawa kon gobá. Diábí tobatúmai in buí i Esau in kotaḻiban. Akuoi, ki Tuhan ain nosingog!