YEREMIA 1:11 - Alkitab Singog In Mongondow Masa In Tanaa

¹¹ Ki Tuhan in noḻibó kon inakó, “Onu in inontongmu, Yeremia?” Akuoi in notubag, “Tanga in pangkoi in badam, Tuhan.”

YEREMIA 1:11 Referans Kwoze

AMOS 7:8

Sia in noḻibó kon inakó, “Onu in inontongmu, Amos?” Akuoi in notubag, “Tontogot pogukur noisindog notuḻid, Tuhan.” Bo ki Tuhan in noguman, “Akuoi in mopomaké in tontogot tanaa sin mopoontong kon umat-Ku in naonda bo dinding inta diá motuḻid. Akuoi in diá bidon momaḷui bui kon tomayá-Ku, notantú bidon kon hukumon-Ku in mosia.

AMOS 8:2

Ki Tuhan in noḻibó, “Onu in inontongmu, Amos?” Akuoi in notubag, “Karansi uatoi tobatú inta kon bonu-bonu in bungai in ayop inta ain nongogurang.” Ki Tuhan in noguman, “Wakutunea in nogurangdon kon umat-Ku Israel. Akuoi in diá bidon momaḷui bui kon tomayá-Ku bo notantúbí kon mohukum kon i monia.

ZAKHARIA 5:2

Malaekat tatua noḻibó mongo onu in inontongku. Tubagku, “Tobatú ḻitodan in buk pinoḷayug in tompot. Kobanatnea in siow nometer bo kooḷadnea in opat nometer bo tobotak.”

ZAKHARIA 4:2

“Onu in inontongmu?” iḻibónea. “Totuduan in togá tobatú nongkon buḷawan,” tubagku. “Kon popodnea monik oyúon in pobobonuan kon ḷananea, bo kon ḻibuneamai pitu in togá, inta kon batúannea tumopopitu in sumbu.

YEREMIA 24:3

Bo ki Tuhan in noguman kon inakó, “Yeremia, onu in inontongmu?” Akuoi in notubag, “Bungai in ara, Tuhan. Inta mongopia in totok in mopia, bo inta nongoburuk in totokdon in diá mopia dá diádon motaau kaanon.”

PINOGIAPAN 17:8

Nopoikoḷomai kon singgai, naonda in ki Musa sinumuot kon bonu in Ḷoḷaigan i Tuhan, inontongnea kon tungkud i Harun, inta tungkud in suku Lewi, aindon nomoḻimping. Tungkud tatua nonondaundon, nomusir bo nopomungai in toḻitoi inta ain nogurang!

YEHEZKIEL 7:10

Singgai koboditoan in bangusa in Israel in noiangoidon. Aid motogat in mongawasa. Koḷoḷatúan in motompodon.

KINOBAḺIAN 30:37

Onda intua ki Yakub nogamá kon tanga mita nointok nongkon pangkoi in hawar, pangkoi in badam bo pangkoi in berangan, bo iningkuḻitan in toḷosi dá nobaḻí nobaḷam-baḷang.

YESAYA 55:11

natua doman in tosingogon inta siningog-Ku diábí mobui kon i-Nakó takin diá in mangaḻenea, táe mokoaid kon onu inta kinoibog-Ku, bo mokodapot kon bayongan inta imakusud-Ku.

YEHEZKIEL 12:25

Akuoi, ki Tuhan Inta Totok in moḷantud in mosingog kon bangusa in Israel, bo bayongan inta siningog-Ku in notantú bidon kon mobaḻí, bo diá bidon baḷú-baḷuian bui. Indongogaidon, ei intau mita momomarontak! Tungkuḷ in nobiagpa in iko yo aidan-Kudon in bayongan inta pinotoingat-Ku kon inimu. Akuoi, ki Tuhan Inta Totok in moḷantud ain nosingog.”

YEHEZKIEL 12:28

Tuamai, potaaudon kon i monia kon Akuoi, ki Tuhan Inta Totok in moḷantud, in noguman: Bayongan inta siningog-Ku in notantú bidon kon mobaḻí, bo diá bidon baḷú-baḷuian in wakutunea. Akuoi, ki Tuhan Inta Totok in moḷantud ain nosingog!”