YEHEZKIEL 8:18 - Alkitab Singog In Mongondow Masa In Tanaa

¹⁸ Mosia in mokonanambí kon torú-Ku inta motoyang! Diábí ampungan-Ku in mosia. Umpakabí mosia momaḷú in mosambayang kon i-Nakó, momaḷúkabí moropot totok, yo doíbí in Akuoi mokidongogmai!”

YEHEZKIEL 8:18 Referans Kwoze

MIKHA 3:4

Moiangoibí in wakutunea moiko in momaḷú mokituḷung kon i Tuhan, táe Sia in doíbí motubag. Sia in doíbí mokidongog kon sambayangmu mita, popisí in moiko in nogaidon kon inta moraat.

YEREMIA 11:11

Tuamai, Akuoi, ki Tuhan nopotoingat kon Akuoi in mopoangoibí in bodito kon i monia bo mosia in diábí mokoḷagui kon tua. Aka mosia mokuani mokituḷung kon i-Nakó, Akuoi in doíbí mokidongogmai.

YESAYA 1:15

Aka moiko motonggó kon ḻimamu sin mosambayang, doíbí in Akuoi moindoimai. Diábí pandungon-Ku mongo kotongonu in moiko mosambayang, doíbí in Akuoi mokidongog, sin ḻimamu tatua in pinoḻimodmu kon nobayong in intau.

ZAKHARIA 7:13

Akuoi in doíbí notubag kon sambayang monia, sin mosia doman in doí mokidongog kon tungkuḷ in Akuoi nosingog.

LUKAS 13:25

Aka ki togi baḷoi bo simindogdon moḻingkop kon ḷoḻingkop in baḷoinea, yo moiko in dongka bidon simindog mako kon ḷuai bo umuran monangkokó bo moguman, ‘Tuang, bukataipa in ḷoḻingkop sin tuotan nami!’ Táe ki togi baḷoi tatua in motubag kon i monimu nanaa, ‘Diábí kinotaauan-Ku mongo nongkon onda in moiko!’

YEHEZKIEL 9:10

Akuoi in diá bidon motabi kon i monia. Poaid-Kubí kon i monia in onu inta ain pinopoaid monia kon intau ibanea.”

AMSAL 1:28

Kon dodai intua moiko in mokuani kon inakó, táe doí in akuoi tumubag. Tayakon magí-mako monimu in akuoi táe diábí mouḻí monimu.

NAHUM 1:2

Ki Tuhan Allah in doíbí toḻinduaan, intau inta moḷawang kon i-Nia, notantúbí kon mokouḻí kon hukuman. Noidoyon kon torú inta moḷoben Sia in notuḻí kon aid monia.

YEHEZKIEL 24:13

Ei Yerusalem, oaidmu mita inta mokotor noponajisdon kon awakmu. Sinungkuḷan-Kudon dinaritan in iko, táe diá in mangaḻenea, sin iko in umuranbí nonajis. Iko in diábí modarit bui modapot in poḷuaion-Ku in torú-Ku kon inimu.

YEHEZKIEL 16:42

Baintua bo moinggamádon in rogi-Ku, bo moonowdon bui in Akuoi. Diá bidon in Akuoi tumorú andeka mointoi.

YEHEZKIEL 9:5

Dinongogku in ki Allah in noguman kon intau mita ibanea, “Duduiaidon in sia kon bayongan siku in kotá bo ḻimodon bayongan in intau takin dika ampungan.

YEREMIA 14:12

Umpakabí in mosia mopuasa, doíbí in Akuoi moindoimai kon kuani monia mokituḷung; bo umpakabí in mosia moposumba kon i-Nakó in kuruban payongon bo kuruban gandum, yo diábí mosanang in gina-Ku kon i monia. Noyotoḻikudon kon tua, yopúon-Kubí in mosia in parang, in gogoy, bo in yampoi.”

YESAYA 59:2

Popisí in aidmubí inta moraat dá doí in Sia mokidongog kon tungkuḷ in moiko nosambayang kon i-Nia. Dosamubí mita inta nopotondí kon i monimu nongkon i Allah.

YESAYA 59:1

Dika morai kon ki Tuhan in moiḻiudon in yangkó in moposaḷamat kon i monimu, andeka bongoḷan totok in mokidongog kon kuanimu.

YEREMIA 23:39

dá Akuoi in mopuyut kon i monia, bo mopogambat kon i monia koyayúon, pinomayá mosia andeka kotá inta ain inogoi-Ku kon i monia bo mogoguyang monia.

YEREMIA 44:3

Tua in nobaḻí popisí in intaunea in binaradosa, dá sinumorú in Akuoi. Mosia in noposumba in kuruban bo nogundoi kon dewa mita inta diápa kon dodai in onda in sinumba monia tontaní, i monimu bo in mogoguyangmu.

YEREMIA 44:6

Tuamai in pinopobutak-Kudon in torú bo rogi-Ku kon kotá mita in Yohuda bo kon daḷan mita kon Yerusalem. Nodait-Ku sinurub nodapot in dongkadon apugnea bo noḷogat naonda inta inontong monimu tanaa mako.

OMBAḶ 1:5

Musungnea mita in yumunggagá popisí in nokokawasa kon inia. Binaḻí i Tuhan in sia nororiga, popisí in mobayong totok in dosanea. Intaunea mita in sinokodakopdon, bo inakut pinobayá in pinoḷumbúan.

OMBAḶ 2:17

Ki Tuhan in nogaidon kon onu inta pinogogondoknea inta koḻipod in sinomayá bo pinotoingat-Nea kon inaton. Kita in irimumud takin diábí in tabi, musung in pinountung-Nea binaḻí-Nea noḷunganga in gina monia in nokoontong kon kinoḷabúan naton.

YEHEZKIEL 23:25

Tuamai in tumorú in Akuoi kon inimu, pomayá-Ku mako in mosia in momia kon inta moḻingá kon inimu. Ngiung bongoḷanmu in pongkóonbí monia bo ki adímu mita in gamáanbí bo tubáan kobia-biagpa.

ZAKHARIA 1:2

Ki Tuhan in nopotabá kon inakó moguman nanaa kon umat-Nea, “Dungkuḷmai Akuoi, ki Tuhan Inta Totok in mokawasa, sinumorú totok kon mogoguyangmu.

SAMUEL 1 8:18

Aka moiangoidon in wakutu tatua, moiko in mogamuibí totok popisí in datu inta piniḻí monimu tatua, táe ki Tuhan in doíbí mokidongog kon amui monimu tatua.”