YEHEZKIEL 8:16 - Alkitab Singog In Mongondow Masa In Tanaa

¹⁶ Dinia-Nea in akuoi kon dangkuḷon kon bonu in Baḷoi Tuhan. Kon diug in ngara tuotan kon yuang motusi, kon sigad in mezbah bo lorong, doyowa nopuḷú bo ḻima in intau. Mosia in nonoḻikud kon yuang motusi, bo dinumokó sinumayow kon pomukaan bo nosumba kon mata in singgai inta momuká.

YEHEZKIEL 8:16 Referans Kwoze

ULANGAN 4:19

Dikadon baradosaan popisí in mosumba bo mogundoi kon onu inta inontong monimu kon ḷangit: mata in singgai, buḷan bo tundi mita. Pinomayá mako i Tuhan Allahmu in bangusa mita ibanea nosumba kon tua mita.

YEREMIA 32:33

Mosia in nonaḷámaidon kon i-Nakó bo umpakabí Akuoi tantú motundú kon i monia, mosia in doíbí mokidongog bo doí doman mosadar.

ULANGAN 17:3

bo parenta-Nea takin nosumba bo nogundoi kon ilah mita ibanea ande kon mata in singgai, buḷan ande tundi mita,

YEHEZKIEL 11:1

Bo akuoi in sinintak in Roho i Allah bo dinia kon bonawang Pomukaan kon Baḷoi Tuhan. Kon tua inontongku in 25 in intau, kon sigad monia tua oyúon in doyowa in itoi in bangusa, ki Yaazanya ki adí i Azur bo ki Pelaca ki adí i Benaya.

YEREMIA 2:27

Moiko in pokopooyáanbímai, sin kayu topongkó oiníon monimu ki amá bo batu tobatú oiníonmu iná. Moiko in deemanbí mamangoi kon i-Nakó, táe nonaḷábímai kon i-Nakó. Táe aka moiangoidon in roriga, yo Akuoibí in oiníon monimu sinbá mamangoi moposaḷamat kon i monimu.

YOËL 2:17

Potabádon in imang mita inta nogundoi kon i Tuhan, mongombaḷ kon sigad in mezbah bo dangkuḷonnea kon muna, sindaḷan moguman, “Kotabipa kaasí in umat-Mu, o Tuhan; dika pomayá mako in kapunyaan-Mu tongososingkuḻe mako,” dá bangusa mita ibanea monigid poḷat moguman, “Kon onda in ki Allah monia?”

YEHEZKIEL 43:5

Roho i Tuhan nobingkat kon inakó bo dinianea in akuoi kon dangkuḷon dotá in bonunea; kon tua inontongku in Baḷoi Tuhan inta kinawasa in sindar kinoangoian i Tuhan.

YEHEZKIEL 45:19

Imang in mustibí mogamá kon dugú in kuruban potobut kon dosa tatua, bodongka popoḻepo kon oigi mita in ngara in Baḷoi-Ku, bo kon siku doman opat in mezbah, bo kon oigi mita in bonawang inta nopobayá ná dangkuḷon kon bonunea.

YEHEZKIEL 40:28

Noiduduimai kon tua ḷoḷaki tatua in nodia kon inakó nongin bonawang toḷatan sinumuot kon dangkuḷon kon bonunea. Sia in nogukur kon bonawang toḷatan tatua, bo ukurannea in notongkai in bonawang mita kon dotá in ḷuai.

YEHEZKIEL 10:3

Naonda in sia sinumuot, kerub mita tatua in simindog mako kon dotá in toḷatan Baḷoi i Tuhan. Tongo kapung in goḷom nomuḻing kon palas kon bonunea bo sinangkub in Baḷoi Tuhan.

YEREMIA 44:17

Bayongan inta ain pinodandi nami, in aidanbí doman nami. Kami in umuranbí moposumba in kuruban kon i Bokí in Soroga, bo mopobutak in tubig in anggur mobaḻí sosumba kon inia ná inta biasamai pomiaan kon kotá mita in Yohuda bo kon daḷan mita kon Yerusalem in mogoguyang nami, in datu mita bo in pojabat mita in pomarenta nami bo inami tontaní. Kon dodai intua kon inami in tugatbí in kaanon, kami in nobiag notompia, bo diábí in roriga onu bo onu nion.

TAWARIKH 2 29:6

Mogoguyang naton in diá mosatia kon i Tuhan Allah naton bo mosia in nogaidon kon onu inta diá mokosanang kon gina-Nea. Mosia in diádon nopandungmai kon i-Nia bo diádon doman nopandungmai kon tampat pinogutunan-Nea.

DATU MITA 2 23:11

Bayongan in kabaḷo inta ain sinontaní in datu mita in Yohuda sin pakéon posumbaan kon mata in singgai in iḷumbú, bo kereta mita inta pinaké kon posumbaan tua in sinubá doman. (Kereta mita tatua in kon bosí in Baḷoi Tuhan – kon diug in ngara – diá noyayú nongkon yuang mita pogogutunan i Natan Melekh, pogawai moḷantud tobatú.)

DATU MITA 2 23:5

Pinopogogaineadon in imang mita inta ain dinuí i datu mita in Yohuda sin mopobayá in oaidan kon tampat pososumbaan kon dewa kon kotá mita in Yohuda bo kon diugmai in Yerusalem; bo imang mita doman inta noposumba in kuruban kon i Baal, mata in singgai, buḷan, pakakat mita in ḷangit bo tundi mita.

YEHEZKIEL 23:35

Ki Tuhan Inta Totok in moḷantud in noguman, “Popisí in iko nokoḻiongdon kon i-Nakó bo nonoḻikudon kon i-Nakó, dá mororiga in iko sin ibogmu inta noiḷanú bo pinosundaḷanmu.”

TAWARIKH 2 7:7

Bo yuak in bosínea inta kon tayowon in baḷoi pooibadaan tatua inogoi i Salomo kon i Tuhan. Onda intua noposumba in sia kon tua in kuruban payongon, kuruban gandum bo ḷongó in biag sin baḻíon kuruban dodamean. Tua komintan in pinosumbanea kon tua sin mezbah bitú inta ain pinomianea in diá tugatan in bayongan sosumba tatua.

DATU MITA 2 16:14

Ki Ahas in nokoontong kon mezbah bitú inta pinotondí kon i Tuhan noiukat kon sigad in Baḷoi Tuhan bo mezbahnea inta nobagu. Tuamai in mezbah bitú tatua in pinampingnea nongkon muna in Baḷoi Tuhan pinobayá in dotá in utuan in mezbahnea inta nobagu tatua.

DATU MITA IMITÁNEA 8:29

Poigumon mako singgai doḷom Iko moḷukad kon baḷoi tanaa inta ain piniḻí-Mu nobaḻí tampat pososumbaan kon ini-Mu. Igumon mako nongkon tampat pogogutunan-Mu kon soroga Iko mokidongog bo mongampung kon inakó takin umat-Mu aka kami mamangoi tumayow kon baḷoi tanaa bo mosambayang kon ini-Mu.

YEHEZKIEL 8:15

Ki Tuhan in noḻibó kon inakó, “Ei intau inta ilo-ilow, inontongmu intua? Nobarongpabí in moiḻiu in mokorongó.”

YEHEZKIEL 23:39

Kon singgai mosia noḻimod kon i adí-Ku mita bodongka pinosumba kon berhala mita, doyowa mogutat tatua namangoi in Baḷoi-Ku bo nopokotormai kon tua!

YEHEZKIEL 40:6

Onda intua minayá in sia in bonawang inta noitayow kon pomukaan. Noponik in sia kon tukadnea bo naonda in noidapot in tudunea, inukurnea in ngara in tatua, kooḷadnea toḷu nometer.

YEHEZKIEL 43:8

Dungkuḷmai in datu mita monia in momia kon ḷoḷuang mita bo oigi mita in komaḻig monia kon sí in ḷoḷuang bo oigi mita in Baḷoi-Ku, dá tongádon dinding tobatú in kon sigadnea. Mosia in nongotordon kon tangoi-Ku inta motusi pinongin aid monia inta mokorongó. Tuamai in iyopú-Ku in mosia kon bonu in torú-Ku.

YEHEZKIEL 46:1

Ki Tuhan Inta Totok in moḷantud in noguman, “Bonawang dotá in pomukaan inta nopobayá in palas kon bonunea in mustibí umuran ḻingkopan kon bonu in onom nosinggai pogaidan. Bonawang tatua in tongábí motaau bukatan kon singgai in Sabat bo kon poramean kon singgai Moḷoben Buḷan Mobagu.

DATU MITA 2 21:5

Kon bosimai in Baḷoi Tuhan posiḷosi tua pinoposindoganneadon in mezbah mita sin posumbaan kon tundi mita.

YEREMIA 7:18

Mongoadí mita mosipun kon kayu pondungú, ḷoḷaki mita momiag kon tuḷú, bo bobay mita in mopoyobauk in topong sin pomiaan kukis sin ogoi kon i dewi inta sinangoian monia Bokí in Soroga. Bo mosia in mopoyaat in gina-Ku pongin moposumba in tubig in anggur kon ilah mita ibanea.

YEREMIA 8:2

deemanbí sipunon bo ḷobongon bui, táe pomayádon mako kon butá nobaḻí apat. Tuḷan in intau mita tatua in moiraritdon kon sindar in mata in singgai, in buḷan bo in tundi mita inta binaḻí monia dewa, inta kinotabi, inundoi, sinumba bo poiguman kon topotundú.

YEHEZKIEL 7:23

Sinangkub in butá motombaukdon; kon bayongan in tampat oyúon in poḻimodan bo aid moromú.