YEHEZKIEL 7:7 - Alkitab Singog In Mongondow Masa In Tanaa

⁷ Bayongan in yagi-yagi ain nopaḷut kon inimu, ei bangusa mita inta nogutun kon butá tanaa. Tanaa in diá bidon in rame mita kon mezbah mita kon buḷud, dongka bidon kotombaukan in oyúon.

YEHEZKIEL 7:7 Referans Kwoze

YEHEZKIEL 12:28

Tuamai, potaaudon kon i monia kon Akuoi, ki Tuhan Inta Totok in moḷantud, in noguman: Bayongan inta siningog-Ku in notantú bidon kon mobaḻí, bo diá bidon baḷú-baḷuian in wakutunea. Akuoi, ki Tuhan Inta Totok in moḷantud ain nosingog!”

YEHEZKIEL 7:12

Wakutunea in ḷagidon moiangoi, singgainea in nodiugdon! Ki inta mototaḷui bo ki inta mopopotaḷui in diábí mokouḻí kon kauntungan onu bo onu, sin hukuman i Allah in moiantug kon bayongan in intau.

YESAYA 22:5

Totuu, ki Tuhan Inta Totok in moḷantud, bo Inta Totok in mokawasa ain nonantú kon singgai naa nobaḻí singgai kodoḻiokan, kodowawáan bo yogenggeng kon Ḷopá in Oontongon. Dinding mita in kotá ain inumpag. Kuani mokituḷung kodongogandon nodapot kon tombuḷud mita.

KINOBAḺIAN 19:15

Kon dodai in modiugdon mobayag, malaekat doyowa tatua totokdon in nondodak kon i Lot sinbá mobuatdon nongkon kotá tatua. “Koḻikatdon,” guman monia. “Bayádon nongkon naa takin ki buḷoimu bo ki adímu bobay doyowa, sinbá moiko in diá matoi aka kotá tanaa yompatondon.”

PETRUS 1 4:17

Sin naa bidon wakutu i Allah momangkoi mohakim kon dunia naa. Bo umatbí i Allah inta muna-munamai hakimon. Dá aka kita inta mopirisaya bo hakimon doman, yo onu in mobaḻí kon i monia inta diá mopirisaya kon Habar Mopia nongkon i Allah tua?

AMOS 4:13

Buḷud bo tompot, ki Tuhanbí in nomaḻí; tomayá-Nea in pinoniata-Nea kon intau. Sia in nomia kon singgai bo doḷom; kon popod mita in butá Sia in nodondaḷoi, Ki Tuhan Allah Inta Totok in mokawasa, tuata in tangoi-Nea.

YEREMIA 20:7

Tuhan, Iko in nodondouḷug kon inakó bo akuoi in kinodondouḷugandon. Iko in moropo-ropot in akuoi bo nopokuyungdon kon inakó. Akuoi in irupa-rupamai in bayongan intau, siningkuḻe nongkon doḷo-doḷom dapot in ḷoḷabungnea.

YESAYA 17:14

Kon tungkuḷ in moḷoḷabungdon mosia in mopoangoi in inta mokoondok totok, táe naonda in modiugdon mobayag mosia in moinggamádon. Tuata in ukur in bayongan intau inta mogagow kon i naton.

YESAYA 13:22

Ganggor in ungkú in kayuon bo serigala in kodongogan nongkon puri mita bo komaḻig mita in Babel. Wakutu korimumudannea motoyongdon bo wakutunea in diá bidon baḷuian bui.”

KINOBAḺIAN 19:24

Indoianmai daḻídon in ki Tuhan nopoonag in uyan balerang inta kodoko-dokot. Tua mita in noḷabú kon Sodom bo Gomora.

YEREMIA 50:27

Ḻimodon komintan in tontaranea! Patoi in mosia! Moboditodon in bangusa in Babel! Notompodon in wakutunea mosia in hukumon!” (

YESAYA 16:10

Diá tobatúmai in noḷunganga in gina kon gobá mita inta noḷumbá tatua. Diá in nomaḷú nopia-pia in gina andeka nodondong kon gobá in anggur. Diá in nomugut kon anggur sin pomiaan tubig in anggur. Akuoi in nopogogaidon kon goḷokap pia-pia in gina monia.

YOËL 1:15

Singgai i Tuhan in nodiugdon, singgai inta mokokoningkim; wakutu ki Inta Totok in Mokawasa morimumud.