YEHEZKIEL 7:13 - Alkitab Singog In Mongondow Masa In Tanaa

¹³ Diábí in mopopotaḷui in mokouḻípa bui kon onu inta ain pinotaḷuinea, sin torú i Allah in moiantugbí kon i ineka. Intau inta moraat in diábí mosaḷamat.

YEHEZKIEL 7:13 Referans Kwoze

YEHEZKIEL 13:22

Intau mita mopia inta diá pomiaan-Ku ibo-ibog, in ginogondokdon monimu takin ouman uboḷmu. Intau mita moraat duíon monimu sinbá umuran mogaid kon dosa bo diá posaḷamaton.

MOHOHUTUBA 8:8

Diábí tobatúmai in mokotahang andeka momaḷui kon singgai kopatoiannea. Tuata in inta iramuji inta diá motaau poḷaguian, diábí in sia moiḷagui kon tua, umpakabí pongin akaḷ bo tombuḻitok.

MAZMUR 52:7

Táe iko in yompatonbí i Allah modapot in mononoi; iko in dinomok bo pogarab nongkon baḷoimu, bo inggamáandon nongkon dunia in intau nobiag.

AYUB 15:25

Natuata in nasib in intau inta monayow kon i Allah, bo inta mokobaḻí moḷawang kon i Inta Totok in Mokawasa.

IMAMAT 25:31

Aka baḷoi kon ḻipú inta sinondok doman in beton pakéon doman in atorang natua: kitoginea muna oyúon in hak motobut kon baḷoi tatua bo baḷoi tatua musti pobuion kon Taong Popobuian.

ESTER 8:8

Táe surat inta ain pinais pinodoyon kon tangoi i datu bo cinapan in cap i datu, in diá bidon motaau inggamáan bui. Tongá, moiko in ogoikubí momais kon surat soaḷ bangusa in Yahudi, onukabí in inta inanggap monimu mopia. Paisdon in surat tatua podoyon kon tangoiku bo capai in cap in dodatuan.”

IMAMAT 25:13

Kon taong tatua bayongan butá inta ain pinotaḷui musti pobuion kon i toginea inta muna.

YEHEZKIEL 12:25

Akuoi, ki Tuhan Inta Totok in moḷantud in mosingog kon bangusa in Israel, bo bayongan inta siningog-Ku in notantú bidon kon mobaḻí, bo diá bidon baḷú-baḷuian bui. Indongogaidon, ei intau mita momomarontak! Tungkuḷ in nobiagpa in iko yo aidan-Kudon in bayongan inta pinotoingat-Ku kon inimu. Akuoi, ki Tuhan Inta Totok in moḷantud ain nosingog.”

YEHEZKIEL 12:28

Tuamai, potaaudon kon i monia kon Akuoi, ki Tuhan Inta Totok in moḷantud, in noguman: Bayongan inta siningog-Ku in notantú bidon kon mobaḻí, bo diá bidon baḷú-baḷuian in wakutunea. Akuoi, ki Tuhan Inta Totok in moḷantud ain nosingog!”