YEHEZKIEL 6:13 - Alkitab Singog In Mongondow Masa In Tanaa

¹³ Mayat mita in posiraritdon kon sigad in berhala mita bo kon diugmai in mezbah mita, moiukat mako kon batúan in tombuḷud inta moḷantud, bo kon tudu in buḷud mita, kon siungon in pangkoi in kayu inta mobambar bo kon batúan in pangkoi in kayu inta moḷoben; impoḷok mako in singog, kon ondakabí in potubáanmai monia kon kuruban ogoi kon berhala monia. Dá kon batúan in intau monotaaudon kon Akuoibí in Tuhan.

YEHEZKIEL 6:13 Referans Kwoze

YEHEZKIEL 20:28

Dinia-Ku in mosia minayá in butá inta ain pinodandi-Ku kon i monia. Kon tungkuḷ in mosia nokoontong kon tombuḷud mita inta moḷantud bo pangkoi mita in kayu inta mobambar, mosia in mobogoi in sosumba kon tampat mita tatua. Mosia in nokopomuká kon torú-Ku popisí in kuruban mita payongon bo sosumba mita anggur monia.

HOSEA 4:13

Kon tampat mita pososumbaan kon berhala inta kon tudu mita in tombuḷud bo buḷud, moiko in moposumba in kuruban, bo motubá kon kamania kon siungon in pangkoi mita in kayu moḷoben inta nongobambar kon tua sin tampat tatua in nooḷom. Táe onu in bungainea? Mongodeagamu mita nobaḻí sundaḷ bo mototakamu mita bobay in nokituaḻing!

YEREMIA 2:20

Ki Tuhan in noguman, “Ain noonggot iko in doí mogundoi kon i-Nakó; doí dumudui andeka mosumba kon i-Nakó. Kon bayongan tudu in buḷud inta moḷantud, bo kon siungon in bayongan in pangkoi in kayu inta mobambar iko in mosumba kon dewa mita mopoḷumbá.

DATU MITA IMITÁNEA 14:23

Kon tudu mita in buḷud bo kon siungon in pangkoi mita in kayu inta moḷoben, noposindog in mosia kon tampat mita pososumbaan kon berhala, bo noposindog in tugu mita bo patong mita i dewi Asyera sin sumbáan.

YESAYA 1:29

Mosia in angoianbí in oyá sin mosumba kon pangkoi mita in kayu bo mopotondí in gobá mita sin ogoi kon dewa mita.

DATU MITA 2 16:4

Ki Ahas in noposumba in kuruban bo notubá kon dupa kon tampat mita pososumbaan kon dewa kon buḷud mita bo kon siungon in kayu mita nobambar.

YEREMIA 3:6

Kon tungkuḷ in pinomarentaan i Datu Yosia, ki Tuhan in noguman nanaa kon inakó, “Inontongmudon degá in onu inta inaidan in Israel, bobay inta diá motoindudui tatua? Sia in nonaḷámai kon i-Nakó bo sinumundaḷ kon bayongan tudu in buḷud inta moḷantud bo kon siungon in bayongan pangkoi in kayu inta mobambar.

YESAYA 66:17

Ki Tuhan in noguman, “Bayongan in intau inta nopotusi in awak sin moyotakin mayá in gobá mita kon dewa mita bo moibada kon i monia, in mobuḻibí moyotakin in intau mita inta nokaan kon tapú in boké bo boyod takin kaanon mita inta mokorongó.

YESAYA 37:20

Oo, ki Tuhan Allah nami, poḷuatdon in kami nongkon intau mita in Asyur tatua sinbá bayongan in bangusa kon dunia naa monotaau kon tongábí Iko in Tuhan.”

YEREMIA 13:27

Akuoi in nokoontongdon kon i monimu in nogaid kon inta kinodoí-Ku. Inontong-Kudon in ilah mita ibanea kon tombuḷudnea bo kon gobá, naonda bo ḷoḷaki tobatú mongibog totok kon i buḷoi bobay in intau ibanea andeka naonda bo kabaḷo koḷakian inta mongibog kon kabaḷo kobaayan. Ei intau in Yerusalem, moboditodon in moiko! Toonu degá in moiko in moiḷuat kon bayongan in inta moraat?”

YEHEZKIEL 18:6

Sia in diá nosumba kon berhala in intau Israel andeka nokaan kon kuruban inta pinosumba kon tampat mita pososumbaan kon dewa mita. Sia in diábí kon dodai in onda in nodondouḷug kon i buḷoi in intau ibanea andeka nosiug takin bobay inta inangoinea.

YEHEZKIEL 43:7

“Ei intau ilo-ilow, naa in ḷoḻitúan pomomarentaan-Ku. Kon naa in pogutunan-Ku kon yua-yuak in umat in Israel bo momarenta kon i monia modapot in mononoi. Pinomayá mosia, andeka datu mita monia, diá bidon in mongotor kon tangoi-Ku inta motusi pongin mosumba kon berhala andeka pongin moḷobong kon minatoi datu mita monia kon tampat tanaa.

ZEPANYA 1:10

“Kon singgai tatua,” natuata in guman i Tuhan, “kodongoganbí in ombaḷ kon Bonawang in Toyá. Singog in amui in kodongoganbí nongkon ḻipú mobagu, bo singog in koumpagan inta motoyang in modoradá mako in kon tombuḷud mita.

YEHEZKIEL 23:41

Bo iḻimitú in mosia kon tudu in tosiugan inta mogaga. Kon tayowonnea oyúon in meja inta pinogoḷudan kon noyagi-yagimai in kaanon, takin dupa doman bo ḷana in zaitun inta ain inogoi-Ku kon i monia.