YEHEZKIEL 47:6 - Alkitab Singog In Mongondow Masa In Tanaa

⁶ Bo intau tatua in noguman kon inakó, “Ei intau ilo-ilow, taridiai totok kopia in naa komintan.” Onda intua dinianea bui in akuoi notaḷug kon ongkag,

YEHEZKIEL 47:6 Referans Kwoze

YEHEZKIEL 44:5

bo ki Tuhan in noguman kon inakó, “Ei intau ilo-ilow, taridiai kopia onu inta inontongmu bo inta dinongogmu. Akuoi in mopotaaudon kon inimu in bayongan in atorang bo hukum soaḷ baḷoi-Ku tanaa. Paisdon kopia mongo ki ine mako in ogoi tumuot kon bonu in Baḷoi-Ku bo ki ine doman mako in diá ogoi tumuot.

YEHEZKIEL 40:4

Ḷoḷaki tatua in noguman kon inakó, “Ei intau ilo-ilow, indongogaidon kopia bo taridiai in bayongan inta poontongku kon inimu, sin tuabí in mangaḻe in pinodiaanku kon inimu namangoi in naa. Potaaudon kon bangusa in Israel in bayongan inta ontongonmu.”

ZAKHARIA 5:2

Malaekat tatua noḻibó mongo onu in inontongku. Tubagku, “Tobatú ḻitodan in buk pinoḷayug in tompot. Kobanatnea in siow nometer bo kooḷadnea in opat nometer bo tobotak.”

ZAKHARIA 4:2

“Onu in inontongmu?” iḻibónea. “Totuduan in togá tobatú nongkon buḷawan,” tubagku. “Kon popodnea monik oyúon in pobobonuan kon ḷananea, bo kon ḻibuneamai pitu in togá, inta kon batúannea tumopopitu in sumbu.

YEHEZKIEL 8:17

Ki Tuhan in noguman kon inakó, “Ei intau inta ilo-ilow, inontongmu degá intua? Intau mita in Yohuda tanaa in diá moorop aka tongá mogaid kon inta mokorongó tatua bo mogaid kon inta diádon monotaau kon intau kon sinangkub in butá. Nodapotbí in inaidan monia intua komintan kon naa, kon bonu in Baḷoi-Ku bo nokodugang kon torú-Ku bui. Indoiaika naonda in mosia moningkuḻe kon i-Nakó pinongin aid inta totok in mokotor tanaa!

YEHEZKIEL 8:6

Ki Allah in noguman kon inakó, “Ei intau inta ilo-ilow, inontongmu onu in yogot nobaḻí? Taridiai in aid mita inta mokorongó inta inaidan in intau in Israel, inta nokopopisí kon Akuoi noiyayú kon Baḷoi-Ku! Igai, bain poontong-Ku kon inimu in inta moiḻiu in mokorongó.”

MATIUS 13:51

“Komangaḻean monimu in singog-Ku tua?” Mosia notubag: “Oo, komangaḻean nami!”