YEHEZKIEL 46:13 - Alkitab Singog In Mongondow Masa In Tanaa

¹³ Ki Tuhan in noguman, “Pomuḷoi in singgai kon dodai in doḷo-doḷom, ki adí in domba inta umur totaong bo inta diá in bogitnea in mustibí posumba mobaḻí kuruban payongon kon i Tuhan.

YEHEZKIEL 46:13 Referans Kwoze

YESAYA 50:4

Ki Tuhan Inta Totok in moḷantud in notundú kon inakó nosingog, sinbá tosingogonku in mokoropot kon intau inta noḷungkoyó. Pomuḷoi in doḷo-doḷom pomuká-Nea in ibog in ginaku sin mokidongog kon totundú-Nea kon inakó.

WAHYU 13:8

Mahaḷuk tatua sumbáanbí in bayongan intau inta nobiag kon dunia naa. Intau mita inta diápa kinopaisan in tangoi monia kon bonu in buk kobiagan inta kapunyaan i Adí in Domba inta ain iratá, pinangkoipamai kon dunia naa diápa pinomia.

YOHANES 1:29

Nopoikoḷomai kon singgai, indoianmai Yohanes ki Yesus namangoi kon inia. Bo ki Yohanes in noguman, “Indoiai, tuata in ki Adí in Domba i Allah inta momopat kon dosa in dunia.

MAZMUR 92:2

Totuubí kon mopia in mopoyaput in sukur kon ini-Mu, o Tuhan, bo modayow kon ini-Mu, Allah Inta Totok in moḷantud;

PINOGIAPAN 28:10

Kuruban payongon tatua musti posumba pomuḷoi in singgai in Sabat mobaḻí indugang in kuruban muḷoi in singgai poyotakinon in kuruban tubig in anggurnea.

IMAMAT 12:6

Naonda in wakutu pondaritan mopaḷutdon, pinomayá in sia nopononggadí in adí ḷoḷaki ande adí bobay, bobay tatua musti modia kon sosumbanea kon i imang kon tayowon ngara in Ḷoḷaigan i Tuhan. Sosumba tatua in ná batangan ki adí in domba tobatú inta umurdon totaong sin pomiaan kuruban inta tubáan, bo togapang doman in ḷagapan paḷoma inta baḻíon kuruban potobut kon dosa.

IḶUAIAN 12:5

Moiko in motaaubí momiḻí kon domba ande bembé, táe musti koḷakian, umurnea in totaongdon, bo inta notaka.